السلام عليكم وعلى احلى ناس بتساعد انا قدامى عربية جيتس ٢٠١٠ مانيوال فتحة سقف عايز اعرف العربية دى اتزانها على الطريق وقطع غيارها حلوة والا زى الناس مابتقول خفيفة وضيقة انا اسف ان كنت طولت عليكم بس ماليش غيركم يا وحوش الهيونداى
عرض للطباعة
السلام عليكم وعلى احلى ناس بتساعد انا قدامى عربية جيتس ٢٠١٠ مانيوال فتحة سقف عايز اعرف العربية دى اتزانها على الطريق وقطع غيارها حلوة والا زى الناس مابتقول خفيفة وضيقة انا اسف ان كنت طولت عليكم بس ماليش غيركم يا وحوش الهيونداى
اوعا تقرب منها قطع غيارها اغلى من الالنترا
نصيحة بلاش قطع غيارها بجانب انها غالية مش موجودة
ممكن أختلف مع صاحبى اللى علق قبلى ....... العربية دى محترمة جدا وعفريتة جدا سحبها أعلى من الفيرنا وإتزانها مقبوووووول جدا لأن قاعدة العجلات مربوطة ببعض كويس جدا ......... ده جانب
لو عايز عربية عائلية ...... ممكن متنفعكش فعلا
العربية 2010 يعنى مش هتعك بيها عند الصنايعية هتروح للتوكيل ........ وقطع الغيار لأى عربية موجودة برة التوكيل وفى منها الجديد والإستيراد والمتشابه مع موديلات تانية بس اللى يدور كويس ...... أنا بشوف عربيات شيفروليه كابرس موديل 1966 ماشية كويس جدا .... إزاى ...... قطع غيارها موجودة بس عند اللى متخصص فيها
وجهة نظرى الأخيرة : الجيتس عربية تستحق كل قرش فيها زيها زى الإلنترا 2005:2006 ...... فاكرها ولا لأ ....... فلتة من الهيونداى
تحيــــــاتى وحذارى من التردد لأنك هتدنك محلك سر
موفـــــق
الجيتز من العربيات المحترمة جدا
- موتور قوي جدا علي عربية في حجمها و بالتالي سرعة و تجميع مالوش حل
- الصالون واسع بالرغم من حجم العربية لكن يعيبها الشنطة ضيقة
- ثباتها جيد جدا علي الطريق أنا جبت بيها 140 كم/س و لم اعاني من مشكلة حقيقية في ثباتها
- قطع الغيار موجودة لن العربية موجودة بالسوق من 2006 صحيح ممكن تكون نادرة و غالية لكن موجودة
سلامو عليكوأولا
الكلام مضبوط ميه فى الميه حابب اضيف ان العربيه فيها موتور الالنترا 2005-2006
فمشكله قطع الغيار النادره هتكون خارج الموتور و مشتملاته
و هى فعلا عربيه عفريته و توكل على الله و استخير
يعنى لو هيفيدك راى
انا واحد صاحبى معاه واحده وهو من شلتى يعنى بركب العربيه كتير - هو معاه 2010 اتوماتيك
اولا طيارة متحركه فعلا - ثانيا موفرة فى البنزين غير الفيرنا خالص دى فعلا بتنقط بنزين - ثالثا قطع غيارها موجوده بدليل انه عمرة ما قال انا بدور على كذا و مش لاقيه
عيوبها بالنسبه ليا (انا 190 طول)
الشنطه ضيقه جدا يعنى حجم البازوكه الأفل واط انتهت الشنطه خلاص كده
جبت بيها مرة 160 و رجلى سابت البنزين وش من كتر ما حسيتها خفيفة
الصالون لازم ناس من 180 لتحت علشان يقعد مش متضايق (لاحظ انى مقلتش مرتاح يعنى يدوب)
و طبعا فى الأول و فى الأخر دى وجهه نظر شخصية