السلام عليكم.. كنت اشتريت كيا بيكانتو و الجواب طالع بأسمي و لسه مرخصتهاش في المرور و بصراحة غيرت رأيي لاني فعلا بحتاج شنطة العربية كتير فكنت عايز اعرف هل ممكن ابيعها كده ولا لازم ارخصها الاول و بعديت ابيعها؟
عرض للطباعة
السلام عليكم.. كنت اشتريت كيا بيكانتو و الجواب طالع بأسمي و لسه مرخصتهاش في المرور و بصراحة غيرت رأيي لاني فعلا بحتاج شنطة العربية كتير فكنت عايز اعرف هل ممكن ابيعها كده ولا لازم ارخصها الاول و بعديت ابيعها؟
لازم ترخصها الاول طبعا
بس كدا اكيد سعرها هينزل ومبلغ مش قليل على الاصل 5 الاف جنيه
اعتقد ان البيع بدون نمر افضل عشان العربية اول ما تعلق نمر سعرها بينزل
معلش مع كامل احترامى هو حضرتك افتكرت فجأة كده انك محتاج الشنطة فى العربية؟وبعدين هو حضرتك مبصتش على العربية اصلا قبل ما تشتريها؟
حاول تبيعها كده احسن لان ترخيصها بينزل من سعرها جامد
انا شايف انك تعمل حاجة ظريفة جدا
انك تعرضها زي ما هي كدا من غير نمر و تقول للي حيشتريها انك مرخصتهاش عشان اللي حياخدها يضمن انها زيرو
و انك مستعد تروح المرور مع المشتري ترخص باسمك و تعمله عقد بيع مسجل و هو ينقلها باسمه
هي لفة شوية بس عشان تخليك في السليم و العربية تفضل اسمها زيرو
و طبعا دا مش ببلاش حتنزلك 1000 ولا 2000 فيها عشان تبقى مجدية للحيشتري
عادى ياباشا فى عربيات كتير بتتباع بجواب المرور بتعمل توكيل للى هيشترى و خلاص كده و كده كده بتنزل حته لو ممشيتش كيلو واحد هتخسر على الاقل 3 الاف جنيه ايا كان سعر العربية ماهو لو هتبيعها بسعرها زى ما جبتها ما اللى هيشتريها يروح ياخدها من المعرض
هو في الحقيقة انا مكنتش متخيل ان شنطتها صغيرة اوي كده و معتقدش اني كنت ممكن اخد شنطة سفر معايا عشان اقيس حجم الشنطة بس الحمد لله قدر الله و ماشاء فعل :)
علي العموم الف شكر لكل الاخوه الافاضل اللي ردوا و ممكن هبقي انزلها اعلان بالوضع ده و اشوف