طلب مساعده فى اسرع وقت استاذ ديااااااااااااااب ارجوك ادخل الموضوع وقولى رايك بكل و

دلوقتى انا معروض عليا متوسيكل 1000 فارديرو هوندا تقريبا موديل 2004 اللى هو المتور بتاعه v المكنه الشاسيه بتاعها سليم والفيبر سليم وعداد ديجيتال
نيجى للمشكله

هى محتاجه وش اللى هو اسكرينه ودا امره سهل

المشكله الكبيره بقى

المكنه دايره بس مينفعش امشى بيها المكيانيكى اللى اخدته يشوف المكنه قالى ان المتور فيه بييل ولازم اعمل سبيكه وحاجات كده فى المتور

فهل دا سهل ولا شغل متعب ولا ايه ولو عايز اجيب متور جديد واريح دماغى اجيبه منين وهيتكلف كام

وهل المكنه دى كويسه ولا مش كويسه لان ناس كتير قالولى ابعد عن المواتير ال v فى مصر لانها بتسخن جامد وبتبقى متعبه جداااا

بلله عليك يا استاذ دياب تساعدنى لانى محتاج نصيحتك جدااااااا

انا من ريي ان بلاش الموتوسيكل ده عشان تريح دماغك بس انا هخلى استاذ تيتو يرد عليك هو اكتر واحد بيفهم ف الفراديرو

اقتباس:

---

المشاركة الأصلية كتبت بواسطة gsxr600

دلوقتى انا معروض عليا متوسيكل 1000 فارديرو هوندا تقريبا موديل 2004 اللى هو المتور بتاعه v المكنه الشاسيه بتاعها سليم والفيبر سليم وعداد ديجيتال
نيجى للمشكله

هى محتاجه وش اللى هو اسكرينه ودا امره سهل

المشكله الكبيره بقى

المكنه دايره بس مينفعش امشى بيها المكيانيكى اللى اخدته يشوف المكنه قالى ان المتور فيه بييل ولازم اعمل سبيكه وحاجات كده فى المتور

فهل دا سهل ولا شغل متعب ولا ايه ولو عايز اجيب متور جديد واريح دماغى اجيبه منين وهيتكلف كام

وهل المكنه دى كويسه ولا مش كويسه لان ناس كتير قالولى ابعد عن المواتير ال v فى مصر لانها بتسخن جامد وبتبقى متعبه جداااا

بلله عليك يا استاذ دياب تساعدنى لانى محتاج نصيحتك جدااااااا

---

صباح الفل

لو الموتوسيكل ده فعلا 2004 يبقي الشكل الجديد أبو فوانيس صغيرة
أولا السكرينة مش رخيصة أبدا يعني مرتاح قوي حتعدي 1000 الي 1200 جنيه مصري

أما حكاية البيلات دي أعتقد أنها أشتغالة جامدة جدا لأن المواتير دي صعب جدا جدا جدا أنك تجيب فيها سبيكة يعني من الأخر علشان تجيب سبيكة يبقي لازم تمشي من غير ولا نقطة زيت و مدة طويلة و دي حاجة أنا عمري ما شوفتها في منتديات الفراديرو الأوروبية
أنما المشهور عن موديل 2004 تحديدا أن بيعمل مشاكل هو شداد الكاتينة و لما يكون بايظ بيعمل صوت ممكن يكون شبه صوت السبيكة و الشداد ده مش غالي يعني ممكن في حدود 700 الي 800 جنيه مصري و متوافر بسهولة في انجلترا علي موقع أيباي و في ناس برضه عرفت تصلحه عن طريق تطويل الشداد 3 سم
أما حكاية السخونية دي فا برضه أشتغالة رهيبة جدا أللي كان بيسخن و بيلحس الكامات كانت موديلات الv4 القديمة أما الفراديرو فهو قصة تانية خالص لأنه 2 رادياتير و عمر ما عداد الحرارة بيعدي النصف مهما عملت و مهما كان الجو حر و زحام طبعا بفرض أنك عامل الصيانة و ما فيش أي أعطال في نظام التبريد

لو عايز الكلام السليم من الأخر:
لو أنت لسه مستجد في الموتوسيكلات يبقي تنسي الموتوسيكل ده نهائي لأن الميكانيكية حايكرهوك العيشة و حاينصبوا عليك لغاية لما تبيع هدومك و تروح تشتري واحد بحالة ممتازة حتي لو أغلي بعشرين ألف جنيه
أما لو أنت خبير يبقي تفحص الموتوسيكل كويس جدا و تتأكد أن الموضوع فعلا الشداد بس و تفاصل في السعر جامد و ربنا يكرمك و تجيب حاجاته من بره حاتبقي راكب موتوسيكل ممتاز و بسعر جيد

و ربنا يوفقك للي فيه الصالح و الخير

اقتباس:

---

المشاركة الأصلية كتبت بواسطة yascro

انا من ريي ان بلاش الموتوسيكل ده عشان تريح دماغك بس انا هخلى استاذ تيتو يرد عليك هو اكتر واحد بيفهم ف الفراديرو

---

أي خدمة يا أفندم
:Y_hi_3[1]::Y_hi_3[1]::Y_hi_3[1]:

الموضوع ده مهم من عند أصدقائنا في أوروبا

Varadero International :: View topic - Sound of My Varadero

حاول تقراه كويس علشان في الغالب هي دي مشكلتك مش أكتر

اوجزت فانجزت

ربنا يكرمك يا استاذ دياب وشكرا جداااااااا على المساعده

وا ستاذ تيتو والله كلامك افدنى كتير وانا اتصلت بحضرتك بدل المره عشره بس تليفونك كان مقفول ومش عارف اوصلك لان حضرتك بعتلى رقم تليفونك

وان شاء الله انا برضه هتصل بيك بس بلله عليك افتح التليفون

والله فعلا انتو ناس محترمه جدااااا