أستفسار سريع جدا بخصوص البناء فى الأسكندريه

ناس قرايبنا عندهم قطعة أرض فى الأسكندريه فى منطقة أسمها الإصلاح
الأرض دى كانت زراعية من حوالى 5 سنين و بقيت بور خالص حاليا
و بالتالى على ماأظن أنها دخلت زى مابيقولوا كردون المبانى

أول أستفسار
هل دخلت كردون المبانى ولا لسه ؟



تانى أستفسار بقى
فيه حاجة تانيه مقاول قالهم عليها
يعملوا عقد بيع لشخص عشان هيتم الأستجواب معاه فى النيابه لمدة يوم واحد
الشخص دة المفروض ياخد كام ؟


تالت حاجة
المقاول دة قالهم أدفعوا 10 ألاف جنيه عشان المحاضر والغرامات كلها و أبنوا زى مانتوا عايزين
يا ترى الكلام دة فعلا بيحصل بالرشاوى ولا الكلام دة خيال علمى ؟

فين الأصلاح دي؟
وبعدين اللي اعرفه ان في شد جامد في موضوع البناء علي الأرضي الزارعيه والله يكرمك بلاش موضوع الرشاوي دي

اقتباس:

---

المشاركة الأصلية كتبت بواسطة shaddadfalcon1

فين الأصلاح دي؟
وبعدين اللي اعرفه ان في شد جامد في موضوع البناء علي الأرضي الزارعيه والله يكرمك بلاش موضوع الرشاوي دي

---

الإصلاح دى فى وش بوابة المعمورة
عندها حاجة شبه المسلة الفرعونيه كدة

بالنسبه للأراضى الزراعية أنا إنهاردة قالولى إنها دخلت كردون المبانى خلاص



إذا كل إلى محتاجينه حاليا الترخيص

طيب الترخيص دة بيتكلف فى حدود كام ؟
و هل فيه ترخيص للأساس و الدور الأرضى و فيه ترخيص تانى للأدوار العليا ؟

طيب طالما دخلت كردون مبانى بيقولك اعملو عقد بيع لشخص تانى ليه طالما كله سليم ما الى معاه العقد يروح هيه المنطقه اسمها الاصلاح ولا الارض تبع الاصلاح الزراعى ؟

اقتباس:

---

المشاركة الأصلية كتبت بواسطة ganash

طيب طالما دخلت كردون مبانى بيقولك اعملو عقد بيع لشخص تانى ليه طالما كله سليم ما الى معاه العقد يروح هيه المنطقه اسمها الاصلاح ولا الارض تبع الاصلاح الزراعى ؟

---

الأرض إلى أسمها الإصلاح
و دى فى وش بوابة المعمورة
بس هيا فى العقد مكتوبة أرض زراعية لسه
طيب الناس دى تروح فين ؟
الحى ولا قسم شرطة ولا أية بالظبط ؟

و السؤال الأهم
التكلفة للترخيص و نقل العقد من زراعية لمبانى بعد الدخول فى كردون المبانى هيتكلف كله كام ؟


و يا ريت الرد بسرعة يا جماعة أنا يتهئ لى أن فيه 90% من أعضاء المنتدى عملوا بيوت قبل كدة مظنش أن كلهم ميعرفوش كدة بس أظن أنهم مكسلين