عرض للطباعة
تحيه لاعضاء المنتدى المحترفين انا عربيتى لانوس2 بقالى كام يوم بعد ما بركن العربيه بشم ريحة بنزين جامده من ناحية العجله الخلفيه يمين يعنى اتجاه التنك وحاولت احط ايدى يمكن يكون فى تنقيط من التنك معرفتش وبصيت تحت العربيه مالاتش اى بنزين علما بانى استخدمت قريب منظف دورة البنزين وحطيته على تفويل كامله فيا ترى ممكن الافاده
في الغالب في خرم في التنك ......... مش بيبان الا اما ترفع العربية ....... سعرة استيراد حوالي 600 جنية
الف شكر للرد
أتاكد كمان من الخراطيم بتاعة الطرمبة وفتحةالطرمنبة مربوطين كويس الى تحت الكنبة الخلفية فك الغطاء البلاستيك وشف الحالة اية وأنت مدور العربية لو فى تسريب ولا لا علشان حصلت معايا قبل كدة
لو من الجانب اليمين ممكن تكون جوان الطلمبة محتاج يتغير
سعرة 5 جم باين
اتاكد من موضوع الجوان ده وخير ان شاء الله وابقى طمنا .......
بص عل الخرطوم اللى جاى من التنك للموتور اللى ماشى فى المكان ده يمكن هو اللى بينقط
ياباشا اتاكد من السعر قيل ماتقوله وتصدم الراجل سعره استيراد عمره مايوصل 600 جنيه دا كبيره 350 جنيهاقتباس:
المشاركة الأصلية كتبت بواسطة amr_shaaban
والله يا جماعه انا حيران الريحه بتكون موجوده لما بكون جاى من مشوار وتانى يوم لما اجى اخرج بيها وهى بارده ما بيكونش فيه اى ريحه فدا مبدئيا معناه ان التنك سليم
طبيعي الكلام ده بيحصل بعد منظف الرشاشات انتظر حتي انتهاء تفويلة اخري بعد الموجودة بالسيارة لو استمرت الريحة ابداء بالبحث زي الاخوة ما قالو لك
1 - جوان الطرمبة
2 - كلبسات خراطيم الطرمبة
3 - خراطيم الطرمبة زاتها
4 - التانك مثقوب من اعلي وليس من اسفل
طارق باشا ازيك مستنى ردك بفارغ الصبر انا فعلا حطت منظف دورة بنزين اسمه stop مش stp كان من حوالى شهر وفعلا انا شمت الريحه دى بعد ما حطيته على طول انا خايف يكون عمل حاجه او تكون نوعيه رديئه يا ريت تفدنى والف شكر ليك ياباشا