والله احترت

**Ahmod** · 19-10-2012 09:41 PM

انا رايي الشخصي

حضرتك تشوف اسعار العربية الجديدة الزيرو في الرنج السعري اللى حضرتك هتقدر تدفعه

تقييم العربيات دي وتشوف هل هتديلك الاداء اللى انت عايزه ؟ او هل العربيات دي فعلا تلبي احتياجاتك ؟؟

لو الاجابة نعم يبقى توكل على الله واشتري زيرو وربنا يباركلك فيها

اما لو الاجابة لا ومحتاج فئات اعلى لكن الامكانية المادية مش مساعدة

يبقى حضرتك تخليك في المستعمل وتشوف حاجة في حدود المبلغ اللى هتقدر تدفعه تلبيلك احتياجاتك

**Formulator** · 19-10-2012 11:30 PM

ناس كتييييييييييير بتقع فـ حيرتك دى
أنا شايف انها محسومة لو انت ليك متطلبات معينة فـ العربية اللى هتركبها، زى ما الرجالة قالوا!!
- ليك خلفية مسبقة، بتركب أو متعود على عربيات أيـــــــه؟؟
- بتعرف فـ المستعمل أو معاك حد بيفهم فيه -عشان ماتلبسش؟!!

العربيات الزيرو فـ الرينج ده فعلا: أكسنت RB ونيسان صنى (وممكن تنزل بالسعر للبروتون) أو تطلع سيكا للكيا والبومة!

بس فيه حاجة:
هى بتختلف من واحد للتانى
- عن نفسى بـ100 ألف أركب سيفيك LXi أو جولف5 -جيتا كومفورت لاين - A5 أو شارك، عداد قليل وحالتها نظيفة..
ومتأكد تماما ان لو واحد إشترى زيرو (عربيات زى صنى أو أكسنت) e Respect
ونزل منها وركب عربية من دول...
هيزعل أوى أوى أوى

وده رأيى -الشخصى- المهم انت عايز أيه؟؟ أو أيه اللى يناسبك؟!!

**A.Adel** · 20-10-2012 02:40 PM

المشاركة الأصلية كتبت بواسطة sanhory

انا حتى في حاجة مريحاني جدا اني واخدها بخرابيشها زي ما هي عشان الخرابيش و الحكات البسيطة دي كده كده حتحصل , فبدل ما تبقى زيرو و كل خربوش يخربش في قلبي و يقطع في صدري و يجيلي الضغط , انا اصلا دلوقتي مش عارف الخربوش القديم من الجديد و دي حاجة مريحاني شخصيا , خربشوا زي ما انتوا عايزين كده كده انا مش دافع تمن البوية اللي بتتخربش دي اللي قبل مني هوا اللي دفعها

ههههههه , والله صح

كده كده هتخربش ,بس ده اهون كتير

**A.Adel** · 21-10-2012 12:16 AM

المشاركة الأصلية كتبت بواسطة omaroof

شوف اخى العزيز العربيه المستعمله بتبقى انته وحظك اللى سايقها قبلك ماتعرفش عامل فيها ايه
موضوع الخرابيش دى حاجات تافهه يعنى عربيه جديده وضامنها وتتخربش ولا عربيه مستعمله وتلاقيها تقف منك وتخش فى دوامات التصليح
الجديد احسن مليون مره من اى مستعمل
عاوز عربيه متوسطه الصنى ممتازه
عاوز عربيه صغيره ممكن بيكانتو او اى حاجه تانيه
فى كل الاحوال العربيه الجديده لو حضرتك سواقتك كويسه موش حاتحتاج قطع غيار غير بعد 4 او 5 سنين

يا باشا احنا بنهرج ,أكيد مش هتجيب عربية عشان بس لما تتخربش ماتتضايقش :)

كل حاجة ليها ميزة ولها عيب
المستعمل ممكن تركب فئة أعلى بفلوس اقل بس محتاج فلوس كاش و فيه مخاطرة إن العربية يبقى فيها عيب أو حاجة مش مظبوطة

الجديد هتركب حاجة اقل بس ضمن إنك أول واحد يحط رجله فيها :)

**elkeberkeber** · 21-10-2012 09:35 AM

السلامو عليكو
انا في البداية بشكر كل الناس الجميلة اللي اهتمت وردت عليا وادتني اراءها في الموضوع بتاعي. انا بس فيه حاجات عايز اعلق عليها. مثلا فيه ناس كتير رشحت الصني الاوتوماتيك بالرغم ان ناس من اصدقائي المقربين حذروني اشد الحذر من الصني وقالولي بلاش منها.
بالنسبة للاخ formulator انا بس كنت عايز اعرف انت قصدك ايه اني لو ركبت عربيات زيرو زي الصني ونزلت منها وركبت حاجة تانية زي السيفيك مثلا هزعل اوي.
عموما يا جماعة انا دي اول عربية ليا ان شاء الله ومش عايزها للمشاوير دي انا هسافر بيها لشرم مرة في الشهر علي الاقل رايح جاي. انا حبيت اقول المعلومات دي لان حسيت انها بتفرق مع اللي بيحاولوا يساعدوني و يردوا عليا.

**Astra Lover** · 21-10-2012 12:40 PM

المشاركة الأصلية كتبت بواسطة elkeberkeber

السلام عليكم
انا في البداية بشكر كل الناس الجميلة اللي اهتمت وردت عليا وادتني اراءها في الموضوع بتاعي. انا بس فيه حاجات عايز اعلق عليها. مثلا فيه ناس كتير رشحت الصني الاوتوماتيك بالرغم ان ناس من اصدقائي المقربين حذروني اشد الحذر من الصني وقالولي بلاش منها.
بالنسبة للاخ formulator انا بس كنت عايز اعرف انت قصدك ايه اني لو ركبت عربيات زيرو زي الصني ونزلت منها وركبت حاجة تانية زي السيفيك مثلا هزعل اوي.
عموما يا جماعة انا دي اول عربية ليا ان شاء الله ومش عايزها للمشاوير دي انا هسافر بيها لشرم مرة في الشهر علي الاقل رايح جاي. انا حبيت اقول المعلومات دي لان حسيت انها بتفرق مع اللي بيحاولوا يساعدوني و يردوا عليا.

الى يقصده formulator انك لو اشتريت صنى او RNB وبعدين جربت وركبت جتا ولا جولف او A5 او سيفك او شارك حتحس بفرق جامد مقارنة ديه بديه من ناحية الامكانيات و الاوبشن والاعتمادية وانا عن نفسى اويد رايه بشده وربنا يوفق للى فيه الخير ان شاء الله وفى الاخر مش كل الناس بتفكر زى بعض اعقلها وتوكل على الله.

**semi** · 21-10-2012 09:04 PM

الجديد افضل الخيارات طبعا بتريح دماغك من عربية استعمال ممكن يطلعلك فيها اي مشكلة
بس ممكن بالمبلغ ده تشتري عربية محترمة جدا وهي الاوكتافيا a4 وتجيبها عداد الكيلومتر صغير كمان
لو لك خبرة في العربيات ومعاك حد بيفهم في المستعمل هاتها طبعا

**حماده المصري** · 22-10-2012 05:46 AM

القصه قصه ركوبه

لو زيرو مفيش ركوبه حلوه فيهم الصراحه صني اكسنت ممكن اوبترا والاوبترا افضلهم وسع وجري وثبات بس المشكله فيها انها تقليديه اوي ومش معمره اوي في حاجات معينه

مستعمل محتاج يبقى ليك خبره وهتعجبك المستعمل على فكره انا اشتريت 3 مستعمل ومندمتش ابدا ابدا ابدا

لاني بشوف ناس اشتري عربيه الي طلعت مقلوبه والي جابت منه متور والي جابت م عشان اجيب عربيه ومندمتش الحقيقه

انت ال 100 الف دول ممكن تجيب بيهم في اليوزد سيفيك جيتا اوكتافيا ودول احلى من بعض وركوبات تانيه خالص بس في المقابل صيانتهم وقطع غيارهم غاليه وممكن يبقوا غاليين على المستوى المعيشي وده مش عيب ف تكبر دماغك منهم

وتنزل للمستوى الاقل شويه

لانسر صني النترا

انا شخصيا ارشلك النترا 2010 وحش بصراحه وال 2010 الباور متعدل وكويس ميخوفكش غير الفتيس لانه عموما الكوري فتيسه ضعيف خصوصا الجيل القديم ده بس لو انت متابعه بالصيانه انسى اي حاجه وقطع غيار متووووووووفره جدااااااااااااا والاصلي في التوكيل غالي برا موجود نفس الاصلي بالضبط بنص السعر وحاجات تانيه تجاريه ممتازه الحقيقه

الصني عندي المقصيين ب 1200 جنيه تقريبا هتجنن منهم وبيتغيروا كتير تقريبا كل 50 الف

الالنترا المقصين في التوكيل ب 1400 برا الجوز الاصلي ب 700 وفيه منهم برضو اصلي بس ماركه اسمها موبيس ب 500 جنيه الاتنين وهما هما بتوع التوكيل بالضبط وعلى كده كل قطع الغيار