| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 18

  1. #1

    الصورة الرمزية DESIGNER105

    رقم العضوية : 107973

    تاريخ التسجيل : 18Jul2011

    المشاركات : 305

    النوع : ذكر

    الاقامة : CIRO

    السيارة: جين 2

    السيارة[2]: جين 2

    دراجة بخارية: لا يوجد

    الحالة : DESIGNER105 غير متواجد حالياً

    افتراضي مشكلة الحرارة وحلها - Facebook Twitter whatsapp انشر الموضوع فى :

    hasad">

    السلام عليكم ..فى البداية احب اشكر مشرفين واعضاء قسم بروتون.. والواحد ديما يلف يلف ولازم يرجع هنا تانى ....

    انا من فتره كنت عملت موضوع عن مشكلة الحرارة الى كانت عندى وده رابط الموضوع ...
    http://www.nilemotors.net/Nile/303719-a.html

    وكنت عاوز اكتبلكو حل الموضوع من بدرى بس الوقت و الشغل بقه ..اكل العيش مر

    بدأت الحكاية العربية سخنت فجأة ومبتمشيش ربع ساعه غير لما تسخن ...قمت رايح عالميكانيكى قالى يا باشا الرداتير مسدود وهو الى عملك كده ؟؟؟ قمت رايح على بتاع ردتيرات .. قالى هنفكو ونسلكو ويبقى تمام ...طيب يلا فك يمعلم ...

    بعد الفك مفيش 5 داقيق ...يا باشا الرداتير ده مش نافع ...ليه ياعم الحج .قالى محجر مش هينفعش يتسلك لازم جديد ؟؟ وقالى عندى واحد بتاع لانسر هيركب ويبقى تمام معاك ...

    فقولت ماشى اركبو مؤقتا اعرف امشى بس وبعدين ابقى اجيب الجديد ...قولتول اشتغل يا معلم

    ركب الرداتير كان صغير شويه والخرطوم بتاع راجع الماية مكانو بعيد عن الاصلى ..محتاج توصيلة .؟؟ المهم ركب ووصل وقطع وحط ماية ...ويلا نطلع نجرب ......

    وانا بقا كنت جعان سواقة بقالى اسبوع مش عارف اجرى بالعربيه ...قمت فاتح بقه وعينى عالعداد الحرارة ..فات ربع ساعه والمؤشر قبل التسعين ..؟؟طيب كويس ....قام قالى اركن هنا عشان هجلك غطاء رداتير من عند فولان ...ملحقتش اركن العربية بطلت لوحدها ...بشغلها تانى لقيت مؤشر الحرارة على 130 .....إإفش قمت ماسك فى رقبت الراجل .....المهم بنشوف فى ايه لقينا الرداتير مفهوش مايه ..نزود المايه كلها بترج على القربه ..الرداتير مش مزبوط قولتول بس... رجع بقه كل حاجه زى مكانت وانا هجيب واحد جديد

    ....بس المشكله دولقتى هنرجع الورشه ازاى انا كنت فتحت بقه وجريت جامد ...والورشه بعيد والعربيه سخنا مولعه ................

    خدناها وحده وحده امشى دقيقه واركن 5 دقايق تبرد وامشى تانى وهكذا عشان متجبش وش سلندر ..... كانت ليله فل اوى غير انو كان طريق سريع عالكورنيش .......

    ...المهم وصلنا بالسلامه على حدود مشارف الورشه ..وهو كان كلم كل الناس الرداتيريه اصحابه عشان يستقبلوه ويعملو كنسلتو على العربية ...واستقبلونا استقبال الفاتحين ..

    المهم واحد فيهم قالى طلمبة المايه فيها حاجه ..... محدش اكد كلامو وكلهم قالو الرداتير ....بس انا كنت شاكك بردو فى الطلبمه ....؟

    ركب القديم ..والراجل قالى انا سلكتو على قد مقدرت ممكن يكون اتزبط ...؟ قولت اجرب ..5 دقايق وسخنت .... ركنتها لحد الصبح جيت بفتح الكابوت لقيت الهيد بتاع الرداتير مشقوق نصين ....؟؟؟؟؟!!! ضرب وانشق نصين ...سبتها ورحت الشغل من غيرها ..وبعد الشغل روحت اشتريت رداتير جديد ماليزى اصلى ب850 جنية ....

    وخدت تاكس لحد العربيه ...قولت اخودها بقه واطلع على الميكيانيكى بتاعى .....طيب اروحلو ازاى والردتير مشقوق؟؟؟ مش هعرف امشى بيها ؟؟ مليتو مايه...وجبت سلوتيب من العريض وغطيت بيه الهيد بتاع الرداتير المشقوق تمام وكزا طبقه ....طبعا هتقولو عليا مجنون ...بس هى المسافه لحد الميكانيكى 5 دقايق بس ...والعربيه بارده يعنى مش هتلحق تسخن ....

    توكلت على الله وقمت خاطف المشوار خطف .... مش عارف ليه الميكانيكى بيفرح لما بيشوفك جايب قطع غيار جديده للعربية ..اكنك جبتلو هدية مثلا ..ويعد يتفرج عليها ..المهم ربع ساعه بالزبط كان الرداتير الجديد راكب ....وحطيت ماية خاضرة وكلو تمام .. ومشيت عشان اجرب 5 دقايق بالزبط وسخنت ..؟؟؟؟؟؟؟؟؟؟؟؟؟؟؟؟؟؟؟؟؟

    قمت راجع للمكنينكى...قولتول طلعلى طلمبة المايه دى عايزها فى ايدى حتى لو سليمة ؟؟؟؟ قالى طيب عشان نكسب وقت انا هفكها وانت روح عند بتاع قطع الغيار هاتها لان كده 90 فى الميه الطلمبه بايزه ...وفعلا رجعت لقيتو فاكك الطلمبة والب الطلمبه كلو متفتف وجبناه من جوه الموتور ...مكنش فيها ريش اصلا....فكرين كلام الراجل بتاع الكونسوتلو ...طلع صح ومحدش ايد كلامو .........طبعا طلع عنينا فى تركيب الطلمبه فك الكاتينه كلها وسير المجموعه عشان يوصلها ...ومن بعديها مؤشر الحرارة قبل التسيعين ديما .....ومبقتش تسخن تانى الحمد لله .....

    اسف على الاطالة بس كنت عاوز اوصلكو المعاناة الى شوفتها

    الدروس المستفادة بقه ..ازاى تعرف ان طلمبة المايه بتعتك بايزه ؟؟؟؟

    تعالى والعربيه بارده ...وشغل الموتور ..وافتح غطاء الرداتير ....شوف المايه بتمشى ولا ثابته ...لو الميه بتتهز كده بس ومش بتجرى يبقى طلمبة بايزه ...لو لقيت الميه بتتحرك وبتجرى من الشمال لليمين يبقى الطلمبه سليمه ..... بس لازم والعربية بارده طبعا

    وشكرا لكم جميعاً


  2. #2

    الصورة الرمزية hmada9009_99

    رقم العضوية : 15981

    تاريخ التسجيل : 07Aug2008

    المشاركات : 547

    النوع : ذكر

    الاقامة : Alexandria

    السيارة: لا يوجد

    السيارة[2]: 2010 optra

    دراجة بخارية: لا يوجد

    الحالة : hmada9009_99 غير متواجد حالياً

    افتراضي -

    اقتباس المشاركة الأصلية كتبت بواسطة designer105 مشاهدة المشاركة
    السلام عليكم ..فى البداية احب اشكر مشرفين واعضاء قسم بروتون.. والواحد ديما يلف يلف ولازم يرجع هنا تانى ....

    انا من فتره كنت عملت موضوع عن مشكلة الحرارة الى كانت عندى وده رابط الموضوع ...
    http://www.nilemotors.net/nile/303719-a.html

    وكنت عاوز اكتبلكو حل الموضوع من بدرى بس الوقت و الشغل بقه ..اكل العيش مر

    بدأت الحكاية العربية سخنت فجأة ومبتمشيش ربع ساعه غير لما تسخن ...قمت رايح عالميكانيكى قالى يا باشا الرداتير مسدود وهو الى عملك كده ؟؟؟ قمت رايح على بتاع ردتيرات .. قالى هنفكو ونسلكو ويبقى تمام ...طيب يلا فك يمعلم ...

    بعد الفك مفيش 5 داقيق ...يا باشا الرداتير ده مش نافع ...ليه ياعم الحج .قالى محجر مش هينفعش يتسلك لازم جديد ؟؟ وقالى عندى واحد بتاع لانسر هيركب ويبقى تمام معاك ...

    فقولت ماشى اركبو مؤقتا اعرف امشى بس وبعدين ابقى اجيب الجديد ...قولتول اشتغل يا معلم

    ركب الرداتير كان صغير شويه والخرطوم بتاع راجع الماية مكانو بعيد عن الاصلى ..محتاج توصيلة .؟؟ المهم ركب ووصل وقطع وحط ماية ...ويلا نطلع نجرب ......

    وانا بقا كنت جعان سواقة بقالى اسبوع مش عارف اجرى بالعربيه ...قمت فاتح بقه وعينى عالعداد الحرارة ..فات ربع ساعه والمؤشر قبل التسعين ..؟؟طيب كويس ....قام قالى اركن هنا عشان هجلك غطاء رداتير من عند فولان ...ملحقتش اركن العربية بطلت لوحدها ...بشغلها تانى لقيت مؤشر الحرارة على 130 .....إإفش قمت ماسك فى رقبت الراجل .....المهم بنشوف فى ايه لقينا الرداتير مفهوش مايه ..نزود المايه كلها بترج على القربه ..الرداتير مش مزبوط قولتول بس... رجع بقه كل حاجه زى مكانت وانا هجيب واحد جديد

    ....بس المشكله دولقتى هنرجع الورشه ازاى انا كنت فتحت بقه وجريت جامد ...والورشه بعيد والعربيه سخنا مولعه ................

    خدناها وحده وحده امشى دقيقه واركن 5 دقايق تبرد وامشى تانى وهكذا عشان متجبش وش سلندر ..... كانت ليله فل اوى غير انو كان طريق سريع عالكورنيش .......

    ...المهم وصلنا بالسلامه على حدود مشارف الورشه ..وهو كان كلم كل الناس الرداتيريه اصحابه عشان يستقبلوه ويعملو كنسلتو على العربية ...واستقبلونا استقبال الفاتحين ..

    المهم واحد فيهم قالى طلمبة المايه فيها حاجه ..... محدش اكد كلامو وكلهم قالو الرداتير ....بس انا كنت شاكك بردو فى الطلبمه ....؟

    ركب القديم ..والراجل قالى انا سلكتو على قد مقدرت ممكن يكون اتزبط ...؟ قولت اجرب ..5 دقايق وسخنت .... ركنتها لحد الصبح جيت بفتح الكابوت لقيت الهيد بتاع الرداتير مشقوق نصين ....؟؟؟؟؟!!! ضرب وانشق نصين ...سبتها ورحت الشغل من غيرها ..وبعد الشغل روحت اشتريت رداتير جديد ماليزى اصلى ب850 جنية ....

    وخدت تاكس لحد العربيه ...قولت اخودها بقه واطلع على الميكيانيكى بتاعى .....طيب اروحلو ازاى والردتير مشقوق؟؟؟ مش هعرف امشى بيها ؟؟ مليتو مايه...وجبت سلوتيب من العريض وغطيت بيه الهيد بتاع الرداتير المشقوق تمام وكزا طبقه ....طبعا هتقولو عليا مجنون ...بس هى المسافه لحد الميكانيكى 5 دقايق بس ...والعربيه بارده يعنى مش هتلحق تسخن ....

    توكلت على الله وقمت خاطف المشوار خطف .... مش عارف ليه الميكانيكى بيفرح لما بيشوفك جايب قطع غيار جديده للعربية ..اكنك جبتلو هدية مثلا ..ويعد يتفرج عليها ..المهم ربع ساعه بالزبط كان الرداتير الجديد راكب ....وحطيت ماية خاضرة وكلو تمام .. ومشيت عشان اجرب 5 دقايق بالزبط وسخنت ..؟؟؟؟؟؟؟؟؟؟؟؟؟؟؟؟؟؟؟؟؟

    قمت راجع للمكنينكى...قولتول طلعلى طلمبة المايه دى عايزها فى ايدى حتى لو سليمة ؟؟؟؟ قالى طيب عشان نكسب وقت انا هفكها وانت روح عند بتاع قطع الغيار هاتها لان كده 90 فى الميه الطلمبه بايزه ...وفعلا رجعت لقيتو فاكك الطلمبة والب الطلمبه كلو متفتف وجبناه من جوه الموتور ...مكنش فيها ريش اصلا....فكرين كلام الراجل بتاع الكونسوتلو ...طلع صح ومحدش ايد كلامو .........طبعا طلع عنينا فى تركيب الطلمبه فك الكاتينه كلها وسير المجموعه عشان يوصلها ...ومن بعديها مؤشر الحرارة قبل التسيعين ديما .....ومبقتش تسخن تانى الحمد لله .....

    اسف على الاطالة بس كنت عاوز اوصلكو المعاناة الى شوفتها

    الدروس المستفادة بقه ..ازاى تعرف ان طلمبة المايه بتعتك بايزه ؟؟؟؟

    تعالى والعربيه بارده ...وشغل الموتور ..وافتح غطاء الرداتير ....شوف المايه بتمشى ولا ثابته ...لو الميه بتتهز كده بس ومش بتجرى يبقى طلمبة بايزه ...لو لقيت الميه بتتحرك وبتجرى من الشمال لليمين يبقى الطلمبه سليمه ..... بس لازم والعربية بارده طبعا

    وشكرا لكم جميعاً
    في حركه أجمد بس العربيه هتاخد هو فيها انك والعربيه سخنه تو دافيه تفتح غطا القربه وتزود مره واحد بنزين لو ميه مره واحده داخل القربه نطرت اواندفعت جامد يبقى طرمبه زي الفل لو مافيش يبقى عليه العوض تبقى في طريقها للبوزان بس فيه حاجه هو حضرتك كنت بتحط ميه ايه في الردياتير ؟ وسوابق اعراض السخونه ياريت تقولهالنا؟


  3. #3

    الصورة الرمزية drmagieed

    رقم العضوية : 110111

    تاريخ التسجيل : 12Aug2011

    المشاركات : 1,663

    النوع : ذكر

    الاقامة : Egypt-Mansoura

    السيارة: Aveo 2007 MT

    السيارة[2]: Fiat 128

    دراجة بخارية: معرفش أسوقها

    الحالة : drmagieed غير متواجد حالياً

    افتراضي -

    ومبرووووووووووووووك وشكرا علي نقل الخبرات دي ... طيب مش ممكن الرادياير بتاعك يكون سليم؟؟؟؟

    اللهم إحفظ مصر آمنه مطمئنه سخاء رخاء وسائر بلاد المسلمين ... اللهم امين


  4. #4

    الصورة الرمزية Rambo10

    رقم العضوية : 41944

    تاريخ التسجيل : 06Jun2009

    المشاركات : 90

    النوع : ذكر

    الاقامة : Cairo

    السيارة: jjhhh

    السيارة[2]: jhhlllj

    دراجة بخارية: kkkk

    الحالة : Rambo10 غير متواجد حالياً

    افتراضي -

    الحمدلله الف شكر على نقل التجربة
    بس هى طلمبة المياة بكام


  5. #5

    الصورة الرمزية windofchange

    رقم العضوية : 22731

    تاريخ التسجيل : 20Oct2008

    المشاركات : 3,291

    النوع : ذكر

    الاقامة : القاهرة

    السيارة: الحمدلله حمداطيبا كثيرا مباركا فيه

    السيارة[2]: Seat IBIZA 99 6K 1.6

    دراجة بخارية: لا

    الحالة : windofchange غير متواجد حالياً

    افتراضي -

    اقتباس المشاركة الأصلية كتبت بواسطة hmada9009_99 مشاهدة المشاركة
    في حركه أجمد بس العربيه هتاخد هو فيها انك والعربيه سخنه تو دافيه تفتح غطا القربه وتزود مره واحد بنزين لو ميه مره واحده داخل القربه نطرت اواندفعت جامد يبقى طرمبه زي الفل لو مافيش يبقى عليه العوض تبقى في طريقها للبوزان بس فيه حاجه هو حضرتك كنت بتحط ميه ايه في الردياتير ؟ وسوابق اعراض السخونه ياريت تقولهالنا؟
    بس وهي سخنة تفتح غطا القربة ببطء جدا لغاية متنفس الضغط الزيادة لحسن تضرب في وشك ناخد باللنا اكيد

    " اللهم إنا نجعلك في نحورهم ، ونعوذ بك اللهم من شرورهم "


  6. #6

    الصورة الرمزية amrelsha3er

    رقم العضوية : 92405

    تاريخ التسجيل : 25Mar2011

    المشاركات : 1,383

    النوع : ذكر

    الاقامة : cairo hurghada

    السيارة: step way

    السيارة[2]: toyota

    دراجة بخارية: i cant :D

    الحالة : amrelsha3er غير متواجد حالياً

    افتراضي -

    الف شكر على التجربه المريره دى بس الله ينور عليك
    انشاء الله تكون اخر التصليحات
    قولنا طلمبه بكم ومنيين وماليزى ولا ايه؟!
    كده الرداتاير القديم شغال على كده وجبت جديد اونطه!؟


  7. #7

    الصورة الرمزية Rambo10

    رقم العضوية : 41944

    تاريخ التسجيل : 06Jun2009

    المشاركات : 90

    النوع : ذكر

    الاقامة : Cairo

    السيارة: jjhhh

    السيارة[2]: jhhlllj

    دراجة بخارية: kkkk

    الحالة : Rambo10 غير متواجد حالياً

    افتراضي -

    اقتباس المشاركة الأصلية كتبت بواسطة amrelsha3er مشاهدة المشاركة
    الف شكر على التجربه المريره دى بس الله ينور عليك
    إن شاء الله تكون اخر التصليحات
    قولنا طلمبه بكم ومنيين وماليزى ولا ايه؟!
    كده الرداتاير القديم شغال على كده وجبت جديد اونطه!؟
    لا أعتقد لانه قال ان الريادتير اتشرخ


  8. #8

    الصورة الرمزية ahmed_h_g

    رقم العضوية : 8588

    تاريخ التسجيل : 08Apr2008

    المشاركات : 5,810

    النوع : ذكر

    الاقامة : Ras Ghareb/Red Sea

    السيارة: 000

    السيارة[2]: Proton wira 2005

    دراجة بخارية: لا يوجد

    الحالة : ahmed_h_g غير متواجد حالياً

    افتراضي -

    مبروك على حل المشكلة


  9. #9

    الصورة الرمزية haissam24h

    رقم العضوية : 122470

    تاريخ التسجيل : 30Mar2012

    المشاركات : 502

    النوع : ذكر

    الاقامة : fisal

    السيارة: avante2019

    السيارة[2]: avante 97

    الحالة : haissam24h غير متواجد حالياً

    افتراضي -

    لسه حاصل عندى نفس الموضوع

    بس البرومة كلت الطرمة والحشو احط الميه اروح مشوار واجى الاقى العربهي فاضهي من الميه لحد لما كنت هتجنن
    ولقته مرة وحده سخنت روحت للميكانيكى قولته طلعى الطرمبة ولقينا الطرمة من الميه الجضرا اكلت البرومة وعملت خروم
    روحت عملها حشو جديد وبقت تمام
    فياريت مش ترمى الطرمة بتاعتك وتعملها حشو


  10. #10

    الصورة الرمزية DESIGNER105

    رقم العضوية : 107973

    تاريخ التسجيل : 18Jul2011

    المشاركات : 305

    النوع : ذكر

    الاقامة : CIRO

    السيارة: جين 2

    السيارة[2]: جين 2

    دراجة بخارية: لا يوجد

    الحالة : DESIGNER105 غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة amrelsha3er مشاهدة المشاركة
    الف شكر على التجربه المريره دى بس الله ينور عليك
    إن شاء الله تكون اخر التصليحات
    قولنا طلمبه بكم ومنيين وماليزى ولا ايه؟!
    كده الرداتاير القديم شغال على كده وجبت جديد اونطه!؟
    الطلمبه جبتها ماليزى اصلية ب 200 جنيه من عند اولاد علام فى ارض اللواء ...

    كان ممكن محتاجش رداتير لو كنت جبت طلمبه من الاول ...لكن الرداتير كان الهيد بتاعو اتشرخ خلاص .... فكان لازم كده كده هغيرو حتى لو كنت لحمتو او غيرت الهيد بس..كان هيبوز تانى . نصيب بقه الحمد لله ..



 
صفحة 1 من 2 1 2 الأخيرةالأخيرة

المواضيع المتشابهه

  1. اخطر مشكلة فى السيراتو وحلها مع بائعه البخور
    بواسطة ابو ليلى في المنتدى كـــــيا
    مشاركات: 115
    آخر مشاركة: 11-11-2016, 12:02 PM
  2. مشكلة تيل فرامل اوكتافيا وحلها وتغيير زيت الفرامل
    بواسطة mezo73 في المنتدى زيوت وسوائل أخري
    مشاركات: 16
    آخر مشاركة: 22-09-2013, 02:41 PM
  3. مشكلة فى شرط الحرارة
    بواسطة hobby10 في المنتدى قسم خاص بالسيارة لـــوجـــــان
    مشاركات: 7
    آخر مشاركة: 27-11-2012, 03:36 PM
  4. مشكلة فى الحرارة
    بواسطة darkmask في المنتدى لادا
    مشاركات: 40
    آخر مشاركة: 05-09-2012, 01:42 AM
  5. مشكلة فى الحرارة
    بواسطة hobby10 في المنتدى قسم خاص بالسيارة لـــوجـــــان
    مشاركات: 31
    آخر مشاركة: 23-01-2012, 04:34 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2