دكتورة قريبتي هتفتح عيادة عيون قريب بأذن الله وعاوزة تعمل برشورات فالراجل بتاع الدعاية قالها عاوزة تكتبي ايه في البرشور فياريت لو في صيغة كويسة تتكتب ياريت ما تبخلوش بيها واو افكار او اي حااجة
عرض للطباعة
دكتورة قريبتي هتفتح عيادة عيون قريب بأذن الله وعاوزة تعمل برشورات فالراجل بتاع الدعاية قالها عاوزة تكتبي ايه في البرشور فياريت لو في صيغة كويسة تتكتب ياريت ما تبخلوش بيها واو افكار او اي حااجة
والله انا أول مرة في حياتي اسمع عن برشورات لدكتور أو لعيادة
وبصراحة من غير ما تزعل مني أنا شخصيا لو لقيت حد بيديني برشور لعيادة هاحس من جوايا انها بتقلل قيمتها أو بمعنى تاني بتفقدها البرستيج بتاعها..
متهيالي الأفضل انها تكون كروت شخصية باسم الطبيبة وتخصصها ودراستها وطبعا فيها عنوان وتليفون العيادة
+ على الضهر معمول عرض خاص او خصم خاص لحامل الكارت خلال فترة محدودة
وطبعا الخصم يكون مغري حتى لو هايعمل يوم أو يومين في الشهر مجانا بدون أي فلوس
والفترة المحدودة دي اللي صاحب المكان يشوفها كافية لإن المكان يبقا فيه رجل وناس داخلة وناس خارجة
بمعنى تاني يقدر يستحمل قد ايه عقبال ما كل مريض يقول لاصحابه وقرايبه ان فيه الدكتور الفلاني شاطر ويبتدي يعمل سمعة كويسة
اعذرني لو فكرتي مش صح أو غير قابلة للتطبيق على أرض الواقع لأن معنديش خبرة كافية في مجال الدعاية ولا حتى في الطب أو العيادات
لكن انا قلت نظرتي كمستهلك أو كشخص متلقي للدعاية وحبيت اوضح ايه الدعاية اللي ممكن تشدني وتجذبني وإيه الدعاية اللي ممكن تطفشني وتخليني اقول المكان ده مش قد كده..
اصحاب المهن الحرة مثل الاطباء والمحامين والمحاسبين
الدعاية المباشرة بتكون غير مناسبة
غالبا بتبقى عبارة عن مطبوعات على مواد دعاية مثل النتائج وساعات الحائط والادوات المكتبية والاقلام وما شابه ذلك .. وبيطبع عليها الاسم والتخصص والعنوان والهاتف فقط
لكن برشور مش ح يبقى مناسب
ممكن كروت شخصيه عليها البيانات و التخصص و الشهادات و تتوزع مع الادويه عن طريق الصيدليات القريبة من العياده و طبعا يستحسن يبقى في تخفيض بمناسبه الافتتاح