اول امبارح بليل يوم 16-10-2012 بعض رادارات المحور اشتغلت تانى وكانت بتنور على 80 و 70 !!
حد يجماعة مشى على المحور امبارح وحصل معاة نفس الموضوع دا؟
عرض للطباعة
اول امبارح بليل يوم 16-10-2012 بعض رادارات المحور اشتغلت تانى وكانت بتنور على 80 و 70 !!
حد يجماعة مشى على المحور امبارح وحصل معاة نفس الموضوع دا؟
وما العيب فى تشغيل الرادار
الالتزام حلو
على فكره الرادار لسلامتك انت اولا وسلامه رواد الطريق
لو كل سائق التزم بحارته والتوقف فى الاماكن الصحيحه وعدم مضايقه الغير للاستعراض والتزم بالقواعد الصحيحه والله ستحل اغلب مشاكلنا فى المرور
انا كنت معدي من هناك اول امبارح برضوا ومشوفتش حاجة زي دي خالص
70 , 80
ازاي ؟؟
حصل مع الناس الى نازلة من اكتوبر للمهندسين وكان فى كمين اخر اتنين كيلو بس معرفش ازا كانوا مسكوا الناس الى اتصورت ولالا
لان الى قالى اتصور بس كانت اللجنة خلصت شغلها تقريبا وكان الساعة 9 بليل والكمية خلص شغل على 8 بليل
فحابب اتاكد من الناحيتين الاخبار اية الايام دى ؟؟
هو انا شوفت الرادار اللى عند نفق فودافون دا كان شغال فعلا وكنت ماشى على 90 عادى
هو بيصور اللى فوق ال 100 فقط
متابع بشده
هل يوجد سياره تستطيع السير علي المحور علي سرعه اكبر من 30 اصلا ؟
فعلا لسة صديق ليا منبهني ان الرادارات على المحور اشتغلت فعلا يا جماعة الموضوع شكله بجد
انا والله كنت ماشي من يومين تلاته كده وانا رايح اتصورت كنت ماشي حوالي 95 قلت يبقا بيلقط على 90
وانا راجع كنت ماشي هادي وبهدي زياده كل ما اشوف رادار قرب
بس اول ماعديت من جمبة نوّر نور احمر واعتقد كنت حاجه و 80
شكرا لكل الناس الى ردت
انا النهردة باذن الله رايح بليل وحقلكم الاخبار اية من المهندسين لاكتوبر
ربنا يستر أنا بعدي من على المحور كل يوم تقريبا..بس الرادار يصور على 70-80 ازااااي !!!!!!!!!!
تقرير من المهندسين لاكتوبر:
امبارح بليل من الساعة 12 بليل اخدت من نزلة الدائرى لحد اكتوبر مكنش فية ولا رادار شغال والعربيات كانت ماشية بسرعة فوق ال 100 ومفيش ولا فلاش نور
وانا كنت ماشي يوم السبت عليه الساعة 7 والساعة 9 وكنت معدي ال 100 وماشوفتش حاجة
شفته شغال امبارح
الرادار ده شغال علشان مصلحتك اولا
اللى انا عارف انه شغال اللى اول واحد فى اتجاه من اكتوبر للمهندسين عند المنزل اللى قبل نفق فودافون
غير كده معرفش فى الاتجاهين
ياريت اللى يعرف يقولنا علشان انا رايح جاى عليه كل يوم اكتوبر الدقى
رادارات جديدة ولسة بتتجرب، شوية شغال وشوية مش شغال، وفعلا هو قبل نفق فودافون في اتجاه اكتوبر إلى المهندسين، وبيصور من الأمام مش من الخلف زي القديم، عشان ناس كتير بتلعب في الأرقام الخلفية أو بتخبيها، وعشان ممكن تكون وراك عربية تحجب عنه الرؤية، وعشان سيادتك تطلع في الصورة مع الرادار، أما السرعة فغالبا 90