الموضوع: عايز مدرسة تعليم السواقة فى الاسكندرية تطلع الرخصة

انا اشتغلت مع الناس بتوع اكاديميه سموحه من فتره كنت بدرب معاهم هناك :) هما ناس محترمين بصراحه والمكان اخد شهره فى وقت قصير لان اغلب اللى شغالين فيه من الناس القديمه فى تعليم السواقه فعندهم خبره كويسه

بس مفيش حاجه اسمها يطلعولك رخصه هو كل الموضوع بيدربوك كويس جدا على حرف s وامتحان الكمبيوتر
اما لو انت عاوزواسطه فدى قصه تانيه عموما هما برضه ليهم معارفهم فى المرور ممكن يظبطولك حد يكون معاك هناك

بس لو صاحبك بيعرف يسوق وخد بالك من بيعرف يسوق دى اووووووووى يبقى يروح مدرسه المرور وحيدفع تقريبا 400 جنيه وبعد كده يروح يمتحن مع بتوع المدرسه وحينجحوه لانهم واخدين فلوس وعيب فى حقهم ان حد يسقط وهما عموما عارفين ان اللى بيدفع ال 400 مش عشان يتعلم عشان ينجح فى الامتحان ده بيخلوهم يعملو نص حرف s بس وبيبقو موسعين العساكر كمان وامتحان الكمبيوتر هما اللى بيجاوبو بدالك :)) شفت الدلع

المشاركة الأصلية كتبت بواسطة semi

شوفت في مره في المرور اللي تابع له واحدة مش عارفه العربية بدور ازاي
ورايحة عايزة تطلع رخصة
وغالبا المهندس المرتشي هيطلعلها الرخصة فعلا
وهطلعها وهتمشي تتعلم في البني ادمين
والموضوع معروف قبل ما تدخل المرور هنا بالقاهرة تطلعلك ب500 جنيه
بس في ناس ممكن تسوق فعلا ولكن بتفشل في اختبار المرور ده
لانه محتاج تدريب اصلا قبل ما تدخله ومش شرط انك فشلت فيه معناها انك مش بتعرف تسوق
فالافضل تمشي زي ما انت عايز من غير رخصة يوم ما تتمسك فين وفين بقى مش هتدفع غير غرامة
وتروح وتمشي في الاختبار الفاشل بتاعهم ده لحد ما تنجح
لكن تروح وتدفع 500 جنيه وتطلعها برشوه وفساد وفرهم احسن وادفعهم غرامات

انت بتنصح الراجل يمشى من غير رخصه ؟؟؟

يا اخى اتق الله ده لو خبط عربيه او لو واحد رمى نفسه ادام عربيته وحصله حاجه حيروح فى 60 داهيه وحيتحبس كام سنه حتلا لو مش غلطان
ده غير القانون الجديد بيقول اللى يتمسك بيسوق من غير رخصه فيها حبس سنه (تقريبا ) وغرامه ماليه

وبعدين هو يدفع رشوه ليه طالما مدرسه المرور بتطلعلك الرخصه ب 400 جنيه وقانونى يعنى عاوز ايه تانى ده ناقص يقولك اطلعهالك وانت قاعد فى البيت من على النت
وعلى فكره مفيش دلوقتى حاجه اسمها 500 جنيه رشوه واطلعلك رخصه دلوقتى الرخصه من 1000 ل 2000 جنيه

هو الناس ليه بتدور على الطريق الغلط والطريق الصح موجود وسهل ورخيص

المشاركة الأصلية كتبت بواسطة رمسيس

انا اردت تعلم القياده زى اى واحد من الصفر. اتصلت بمراكز تعليم القياده بالاسكندريه وقررت فى النهايه تالون واليكم
ايجابياته وسلبياته من خلال تجربتى الشخصيه

ايجابياته
سهل الوصول الى موقع المركز فى طريق الحريه عند محطه قطار سيدى جابر يعنى ممكن تركب القطار او الميكروباص او الاتوبيس.كله بيوصلك امام المركز
بالنسبه للسعر كان سعر الكورس كويس ٣٠٠ جنيها لكورس المبتدئين ٦ ساعات عملى و ٢ ساعتين نظرى يعنى ٤ حصص كل حصه ساعتين
بالنسبه للحجز ممكن تحجز فى اى وقت من الساعه تسعه ص حتى سابعه م
بالنسبه للدفع ممكن تقسط المبلغ فى خلال مده الكورس
لو دفعت المبلغ وحبيت تلغى الكورس لا يمكن استرداد المبلغ ولكن يمكن اهدائه كحصص تعليم القياده لاى شخص اخر
وقت ويوم التدريب انت اللى بتحدده من الساعه تسعه ص حتى سابعه وطبعا بالاتفاق مع المركز

سلبياته
سياره درجه تالته يعنى الكشافات مكسوره وبالتالى مفيش اشارات واجزاء السياره متغيره من الداخل وحاله السياره تشبه الخرده وديه كانت بدايه مبشره
بالنسبه لوقت التدريب المفروض ساعتين للحصه بتبدأ من جلوسك فى السياره
ليس لهم مكان تدريب خاص بهم. مكان التدريب هو مكان به مدرسه بنات يعنى انت وحظك ممكن يبقى فاضى وممكن يبقى زحمه يبعد عن المركز بربع ساعه.
يتم احضارك من مركز تالون حتى مكان التدريب وارجاعك اليه فى نهايه الحصه
يعنى ربع ساعه رايح وربع ساعه جاى وده وقت ضايع من الساعتين.
حسب التعليمات يجب وقف السياره ٥ دقائق كل نص ساعه لتهدئه الموتور يعنى ٢٠ دقيقه ضايعه من وقتك والمدرب كمان محتاج فتره راحه للتدخين. يعنى الخلاصه انت بتدرب ساعه واحده بس من الساعتين.
لو بنزين السياره نفذ يعتبر الوقت فى محطه البنزين مخصوم من وقتك
انا اعترضت على الوقت الضايع واردت تعويضه والرد كان, ان هما مرتبطين بمواعيد بعدى ولا يجوز التأخير على المواعيد الاخرى
المفروض ان انت بتاخد ٣حصص عملى وحصه نظرى فى نهايه الكورس. بس للاسف الحصه النظرى كانت حصه وهميه يعنى بيقولو ان مفيش عدد مشتركين كاف لاجراء حصه نظرى وهنتصل بيك بمجرد اكتمال العدد وطبعا العدد لن يكتمل ابدا بالنسبه لهم
انا حاولت استبدلها بحصه عملى لكن للاسف لا يمكن استبدال الحصه النظرى بحصه عملى لانها حصه مجانيه
لو انت بتقود السياره فى الطريق وقامت لجنه او كمين بايقافك لن تعترف بك الشرطه كمتدرب بتتعلم القياده ومركز تالون بيخلى مسؤليته منك يعنى وقعت فى عقوبه قياده سياره بدون رخصه. ده عكس مدرسه المرور بتقوم باستخراج رخصه مؤقته لتعلم القياده لعدم الوقوع فى اى عقوبه قانونيه
الخلاصه ان الوقت مش مظبوط معاهم اطلاقا وكانت فتره قصيره جدا لتعلم القياده للمبتدأ والجزء النظرى وهو اهم جزء لم يتم تدريسه ومكان التدريب غير لائق بمدرسه قياده وقانونيا به مخاطره

+1111111111111111111111111111111111111111111111111 1111111111111111