عطل فنى عجيب فى لانسر بطه ... ارجو الاهتمام والمساعدة بجد

سلام عليكو
دلوقتى انا معايا لانسر 94 بطه لسه خارجه من عمره موتور من ست شهور وفجأة من تلت اسابيع لاقيت العربية بتنتش تنتيشه غريبة وخصوصا لما تيجى تزود بنزين او تقرص شويه اول حاجه جت فى بالى كهربة العربية او الكاربرتير المهم بأختصار غيرت طقم كهربة العربية كله والسلوك اللى بين البوجيهات والاسبرتير واطمنت على الكهربه بردو يدوبك بعد ما مشيت من عند الكهربائى نفس الموضوع تنتيشة فى السحب لما تيجى تقرص بنزين المهم طلعت على مركز الصفوه اللى فى جسر السويس وعمل تشيك اب على الكاربرتير وطلع زى الفل مشيت بيها شويه على حالها كده وامبارح روحت للبشمهندس محمد اللى فى العبور فى الحى الاول بيقول انه دارس هندسة سيارات جامعة حلوان المهم بص على الكهربه قالى لازم نغير بوجيهات مع انها جديدة والله واصلية المهم سمعت كلامو على اساس انو مهندس زميل والمفروض انو فاهم شغله كويس وغيرت بوجيهات وبص على الديسك والاسطوانه وقالى كويسين معنى كده ان العربية المفروض تسحب كويس من غير ما تنتش او تقطع واخيرا لسه جاى من عند ميكانيكى تانى قالى نفس الكلام الديسك والاسطوانه كويسين مشيت من عنده وبردو نفس التنتيشه ساعت لما تيجى تزود بنزين وانت ماشى او تقرص شويه وانا مش لاقى تشخيص للعطل ده ارجوكو ساعدونى ولو فيه ميكانيكى كويس فى العبور يقدر يشخص العطل ده ياريت تقولولى بجد انا نفسيتى مدمره بسبب الموضوع ده انا بقالى تلت اسابيع دايخ بيها على الحال ده .:120146b

الوضع دا كان عند زميلى ف جولف 2 ...بس الميكانيكى غير وش اسبراتير و شاكوش و راجع على سير التقسيمة العربية بقت فلة ...ف حضرتك اتاكد ان وش الاسبراتير مفهوش شرخ او مرطب والشاكوش سليمم وخلى حد يراجع على التقسية و ربنا يكرمك انشاء الله

بص يا باشا
هو لو قصدك انك لما بتلمس البنزين بدوسه بسيطه اوي كده بتحس بنتشه الي هي اول حته في الدواسه يعني
الاعراض دي اعراض مشكله في الكاربرتير

والله اعلم
برضو شوف الاعضاء هيقولولك ايه بس دي كانت بتحصل معايا في العربيه القديمه وطلعت من الكاربرتير

اقتباس:

---

المشاركة الأصلية كتبت بواسطة moaaz

الوضع دا كان عند زميلى ف جولف 2 ...بس الميكانيكى غير وش اسبراتير و شاكوش و راجع على سير التقسيمة العربية بقت فلة ...ف حضرتك اتاكد ان وش الاسبراتير مفهوش شرخ او مرطب والشاكوش سليمم وخلى حد يراجع على التقسية و ربنا يكرمك إن شاء الله

---

انا بصراحه ماجاش فى بالى وش الاسبراتير خالص ولا الشاكوش بس التنتيشه دى ممكن تكون مأخره كهربا وده اللى بحاول اشوفله حل دلوقتى والتقسيمة بعد ما غيرت طقم الكهرباء المهندس محمد عصام اللى فى العبور مكتوب على ورشته بيرفورمانس تقريبا ماقاليش حاجه لو كانت خلفت تقسيم كان هيبان من صوت المكنه بس ربنا يستر ومايكنش فعلا وش الاسبراتير او الشاكوش انا استويت مصاريف :wink01:

اقتباس:

---

المشاركة الأصلية كتبت بواسطة amr_8800

بص يا باشا
هو لو قصدك انك لما بتلمس البنزين بدوسه بسيطه اوي كده بتحس بنتشه الي هي اول حته في الدواسه يعني
الاعراض دي اعراض مشكله في الكاربرتير

والله اعلم
برضو شوف الاعضاء هيقولولك ايه بس دي كانت بتحصل معايا في العربيه القديمه وطلعت من الكاربرتير

---

الكاربريتير كشفت عليه عند مركز الصفوه فى جسر السويس ودول ناس بثق فى معاملتهم جدا وشغلهم كله بأجهزة كمبيوتر والكاربرتير حرقه مظبوط والشكمان مافيش دخان اسود طالع منه والتنتيشه دى بتحصل امتى بظبط : العربية واقفه مثلا وتيجى تطلع على الاول تطلع معاك كويس لكن لما تيجى مثلا ماشى وتقف فجأة او تهدى وتاخد مطب وتدى غيار تيجى تشيل رجلك من على الفرامل وتطلع عادى بالعربية تلاقى تنتيشه جامده اوى وحتى لو على سرعة فى الرابع ولا حاجه تيجى تقرص شويه عشان تدى الخامس تلاقيها بردو بتنتش منك

اقتباس:

---

المشاركة الأصلية كتبت بواسطة moaaz

الوضع دا كان عند زميلى ف جولف 2 ...بس الميكانيكى غير وش اسبراتير و شاكوش و راجع على سير التقسيمة العربية بقت فلة ...ف حضرتك اتاكد ان وش الاسبراتير مفهوش شرخ او مرطب والشاكوش سليمم وخلى حد يراجع على التقسية و ربنا يكرمك إن شاء الله

---

+111111111111111

بص انا حصلت معايا ف عربية تمبرا وكان العطل رداخ البنزين كان بدا يشيع وغيرتو و العربية بقت تمام

وحاول تغير فلتر البنزين بالمرة يمكن وعسى يكون ليه تاثير

طرمبة البنزين أخبارها ايه
وفلتر البنزين؟؟

Sent from my LT18i using Forum Runner

متقلقش من وش الاسبراتير و الشاكوش مش غالييين ..المهم توصل للمشكلة لانها هتلاقيها بتبوظ بوجيهات كل شوية ...واكييد بتاكل بنزيين صح ؟؟؟؟

وقبل اى حاجة اظبط كهرباء لان زى ما حضرتك بتقول ممكن تكون ماخرة ....بس لو ماخرة مش هتنتش بالكل اللى بتحكى عليه دا ..بس اتاكد برضوا ...ربنا يكرمك بالحل اللى مش مكلف انشاء الله

اقتباس:

---

المشاركة الأصلية كتبت بواسطة hm414

طرمبة البنزين أخبارها ايه
وفلتر البنزين؟؟
+111111111

Sent from my LT18i using Forum Runner

---

طرنبه بنزين هى اللى بتعمل الحركات دى

روج مركز المتخصصون في الاميرية يكشفولك عليها

حصلت معايا نفس النتشه دي وبعد ماغيرت طقم البوجيهات وسلوك البوجيهات وكشفت علي الكاربيريتير والاسبيريتير ودفعت فلوس بالهبل طلع العيب من بوبينه الكهرباء غيرتها وكله بقا تمام

ربنا يوفقك فى الوصول للحل

المشكلة طلعت من البوبينا فعلا بس انا استرخصت وجبت الصينى يدوبك اعدت يوم :) المهم يعنى جبتلها الكورى وماشيه زى الفل دلوقتى وعيدت بيها كمان :d

اقتباس:

---

المشاركة الأصلية كتبت بواسطة must_die

المشكلة طلعت من البوبينا فعلا بس انا استرخصت وجبت الصينى يدوبك اعدت يوم :) المهم يعنى جبتلها الكورى وماشيه زى الفل دلوقتى وعيدت بيها كمان :d

---

الف مبروك وحمد لله عالسلامه...

Sent from my LT18i using Forum Runner