حصل معايا مرة انه باظ في العربية الأفيو..
كانت أعراضه تأخير جميع نقلات الأوتوماتيك
بمعنى انك تحرك الفتيس وبعدها تستنى شوية عقبال ما الاستجابة تيجي متأخرة وتهبد جامد
وأحيانا كانت العربية تعلق عالغيار التاني أو التالت وترفض تنقل مهما تزود بنزين والآر بي إم يزيد
بالإضافة ان زرار الهولد مبقاش بيعمل حاجة - ينور اللمبة بتاعته عادي بس مفيش أي فرق بين تشغيله من عدمه
وطبعا كانت لمبة Check منورة على طول في التابلوه وحطيت العربية عالكمبيوتر كذا مرة وكله كان بيقرا عطل فتيس وعملوا ريسيت ومسحوا الإيرور بس كان بيطلع تاني مع أول دوارة للعربية
وبعد ما لفيت على كذا ميكانيكي وقابلت اشتغالات وفتي مالهومش أول من آخر اكتشفت العيب عند واحد بيفهم وغيرت السويتش بحوالي 300 جنيه وكل حاجة رجعت لطبيعتها بعد ما الميكانيكية التانيين قالولي خلاص الفتيس ودع ونشتري واحد جديد يخش في 10 آلاف!!
المفاجأة الظريفة بقا كانت ان الكمبيوتر بيعرف ان فيه عطل فتيس لكن مايقدرش يحدد أنهي حاجة بالظبط في الفتيس..
لما لقيت كده قلت اروح اكشف في التوكيل وبالفعل توجهت لمنصور شيفروليه ودخلت العربية وخرجت بنفس النتيجة !!!!!!!!!
طب يا جماعة يعني انتوا التوكيل ومش قادرين تحددوا العطل بالظبط؟
قالولي اصل المفروض فيه جهاز بيتوصل بالفتيس نفسه هو اللي بيقدر يحدد العطل في أنهي جزء بالظبط لكن الجهاز ده مش عندنا أساسا !!!!!
بالمناسبة..
سبب العطل هو اني كنت رايح اسكندرية وحصلت سيول عالطريق واضطريت اعدي من حتة هابطة فيها تجمع مياه كتيرة أوي كانت واصلة تقريبا لحد أكر الأبواب بتاعة العربية ومن بعد ما خرجت منها ابتدا الفتيس يعلق..
عشان كده انا كنت واثق ومتأكد ان العطل أو العيب أكيد هايكون في حاجة كهربائية ومارضيتش اسمع كلام الهجاصين اللي بيقولوا الفتيس لازم يتغير..
المفضلات