اسعار السيارات ولعت الاربي غليت تاني 5000 الاف جنيه بقت اول فئه اوتو 112الف والرينو غليت4000 والافيو 3500
عرض للطباعة
اسعار السيارات ولعت الاربي غليت تاني 5000 الاف جنيه بقت اول فئه اوتو 112الف والرينو غليت4000 والافيو 3500
عشان يعرفو يعملو عرض العيد بقا
ههههههههههههههههههههههههه ه
:argue2::argue2:
انا واحد صاحبي كان سال علي الاكسنت 106 الف وكان بيجهز الفلوس علشان يجبها لقها بقت112 حلف مايشتري اي عربيه خساره مش عارف الاسعار بتزيد علي اي اساس
ده الشيفروليه لانوس بقت ب73 بدل 70750
كل العربيات غليت النيسان صني 2013 من 99 الي 108الف في 3شهور بس وسالت سمير ريان قالي الموظف مافيش عربيات حاضره في الوقت الحالي ليييييييييييه البلد كلها نزلت تشتري عربيات علشان العيد:3mla:
شغل تعطيش للسوق عشان يعرفو يكسبو ويعضو زياده الرواتب للموظفين وبدل ما صاحب العمل يكسب 10 % لا يكسب 20% وكله على قفه المستهلك والشعب بيشترى ولا بيهمه بردك
وعشان تيجى على العيد ذى ما الاخ قال الحق الانوس عليها خصم 3000 ومش عارف ايه عليها خصم 5000 وهو اصلا كان سعرها كده وعجبى
هو ده الشعب المصرى العربيه غليت ناس تروح تشترى و ناس لاء و لما يتعمل عليها خصم و برضو بيبقى مبالغ فى سعرها بعد الخصم الوهمى الناس كلها تفرح و تروح تشترى
انا لسه ما أتأكدتش من موضوع ارتفاع الاسعار ده بس ده لو فعلا حصل حبقى عايز رد على سؤالى هوا على اى اساس يتم رفع ثمن السيارة كدا؟ يعنى عايز اعرف ايه اللى زاد على السيارة عشان تمنها يرتفع او ايه التكلفة اللى زادت على الوكيل عشان يرفع السعر احنا مثلا مش اول السنة عشان نقول زود مرتبات العاملين عنده عشان يكون سبب فى زيادة الاسعار وحتى ماسمعناش عن جمارك جديدة او جمارك زادت عشان نديله عذره وهل عشان زود فترة الضمان من تلاتة الى خمسة سنيين ده يبقى مبرر لزيادة السعر ؟؟؟ بس كده يبقى المفروض يزود كل اسعار سيارته
ولذا اقرح وجود هيئة ومش بقول من الحكومة لأ من المستهلكين عشان يراقبوا اسعار السيارات ومشاكل التوكيلات واللى ممكن يحصل فيها بحيث يكون لها القدرة على التعامل مع التوكيلات فى مثل هذه الموضوعات ونفتكر يا جماعة ان جهاز حماية المستهلك جهاز غير حكومى واللى مش حيدينا سبب منطقى لزيادة السعر او يحل مشاكله مع العملاء ممكن نقوم بمقاطعته والسوق دلوقتى مفتوح مش حنموت لو مشترتش النوع ده ده بالعكس ممكن يبقى وسيلة ضغط عليهم لارضاء العملاء وصدقونى هما اللى عايزنا نشترى منهم
وعلى فكرة انا مش بقول ما يزويدوش السعر بس بقول يدونا سبب منطقى للزيادة مش مثلا عشان لقى اقبال على السيارة يبقى يرفع من سعرها (انا بقول مثلا فانا غير متخصص فى شئون السيارات) انا مستهلك عادى جدا ونفسى الحال يتعدل
يا جماعة اكيد فيه ناس قانونيين اعضاء فى المنتدى ممكن يقولولنا الماشورة الصحيحة
ارجوكم يا جماعة اللى عنده فكرة يضفها عشان يبقى فعلا المستهلك اللى على حق مش احنا (وانا اسف على الكلمة) عبيد عنهم يزودوا وقت ماهم عايزين
وشكر واسف على الاطالة
وبصراحة مدام غليت
يبقي هنشتري منها اكتر ...
الدولار ما زال يصعد و يصعد و الاسعار بتصعد معاه و ربنا يتولانا