ده الجدول اللي بيضم جميع الصيانات الخاصة بسيارات كيا و كذللك جميع نقاط الفحص بالصيانات....و أرقام التليفونات:
أتمني يكون مفيد...:)
_________
تم تثبيت الموضوع
(إ.م.2)
عرض للطباعة
ده الجدول اللي بيضم جميع الصيانات الخاصة بسيارات كيا و كذللك جميع نقاط الفحص بالصيانات....و أرقام التليفونات:
أتمني يكون مفيد...:)
_________
تم تثبيت الموضوع
(إ.م.2)
إيه ده يا نادر
بعد الغيبة الطويله ديه راجع بالموضوع الجامد ده:)
ألف شكر ليك.
شكرا ياباشا
جزاك الله كل خير
ميرسييييييييي يا نااادر
اكيد موضوع جامدد زى ما انت عودتنااا
بس فكرك لما اجى اعمل الصيانة اعملها عند محمد ذكي كدة عشان قريب ولا اروح ابو رواش !
مع انه مشوار مهبب ابو رواش دي !
انت ايه رايك؟
ميرسييييييييييييييي :)
خليكي في ابو رواش يا نهى
هناك افضل بكتير والمهندسين افضل والاجهزة اكتر
انا متشكر جدا على سرعة ردك يا نادر باشا
اسلام
أنا استلمت بيكانتو 2009 من التوكيل فى أبو رواش ..بس ما دانيش الكتيب اللى عليه ختم الضمان !!!!!!!! ده عادى ولا فيه حاجه غلط . يا ريت الرد بسرعه علشان أنا قلقانه....ِشكراً
شكراً على ردك و إهتمامك.
أنا جايباها من توكيل كيا نفسه Eit... و لما سألت على كتيب الضمان و أنا باستلمها قالى إنى هاخده لما أروح أعمل أول صيانه بعد 10 الاف كيلو .. بس أنا أعرف إن الناس بتاخده على طول علشان كده أنا قلقانه و مش عارفه أعمل إيه خصوصاً إن ده التوكيل نفسه !!!!!!!!!!! ...
ياريت لو تنصحنى أعمل إيه ..؟
حاولي تكلميهم تاني .. وبعدين المفروض أول صيانة هي صيانة الألف مش صيانة 10 آلاف ..
صيانة 10 آلاف دي أول صيانة دورية
وفي كشف دوري كل 5 آلاف كم مجاناً بشرط اتباع جدول الصيانات الدورية ..
لو محدش رد وادالك كتيب الضمان .. طالبي به في صيانة الألف الأولى ولا تتنازلي عن حقك ..
لأنه من غير المعقول إن صيانة الألف وكشف ال5 آلاف ميتسجلوش ..
وبعدين ده كتيب عادي بتتكتب فيه بيانات العربية بالقلم الجاف يعني ولا اختراع ولا هيجيبوه مخصوص لحضرتك ..
وربنا يوفقك
شكراً لمساعدتك لىً . أنا فعلاً كلمتهم و قالولى إن كتيب الصيانه و الضمان ممكن أروح أخده فى أى وقت بعد الترخيص ..لإنهم ماعرفوش يديهونى فى نفس اليوم اللى إستلمت فيه العربيه لأن المهندس ماكنش موجود عشان يختمه....لما كلمتهم قالولى تعالى خديه فى أى وقت أو وفرى المشوار و تعالى فى أول صيانه بعد ال 5000 كيلو ...
إيه رأيك ..أثق فى كلامهم وأوفر المشوار و لا أروح أجيبه ...؟!!
لأ حضرتك تتكلفي المشوار أهون من استلامه بعد 5 آلاف كم يعني حوالي 5 إلى 6 أشهر .. وقتها ممكن الكلام يتغير معاكي
وربنا يوفقك
بيكانتو اوتوماتيك عاوز اغير زيت الجيربوكس بتاعا اللى هو الزيت الاحمر تنصحونى بزيت رقم كام
فى الحقيقة أنا مشفتش منتدى فيه كم المعلومات ولا التعاون الرهيب ده قبل كده . مجهود جبار وشكرا عميق على هذه المعلومات
الف شكر على الموضوع الجامد و المفيد ده... أحسنت يا معلم :satelite:
I Cant Find Attachents, Please Try To Send It Again
Thx In Advance
الغطاء الأحمر للفانوس الخلفى الأيسر بتاع البيكانتو 2009 إتكسر ...ممكن تقلولى أعمل إيه ..علشان أنا خبرتى قليله فى الحاجات دى ودى أول عربيه لىّ ....ِِشكراً لأنكم ساعدتونى كتير
[marq="4;right;3;scroll"]
1000 شكرا على مجهودك
[/marq]
ارجو معرفة تغير اول مرة زيت الماتور فى نيو كيا 2010
اول مرة بعد التلييين على طول الى هيا صيانة الاف كيلو
حضراتكم في موضوع محدث بالصيانات مثبت في القسم
فيه الجداول الجديدة و مواعيد الصيانات و تكلفتها لكل سيارة
سؤال يا جماعة, هل تغيير الزيت و الفلتر برة التوكيل فيه مشكلة؟
السلام عليكم
دي اول مشاركه ليه هنا
انا اشتريت نيو سيراتو خليجي وروحت علشان اعمل صيانه في عيسي في المنصوره بعد ١٠٠٠ كيلو المهندس قالي تعالي علي ٥٠٠٠ كيلو .
اتصلت بالتوكيل قالي لابعد ١٠٠٠ وانا محتار ايه راي حضرتكم
أنا كنت زيك كده بس روحت عملت بعد ال 1000علشان هما غيروا النظام كان الأول بعد 5000 و بعد كده خلوها بعد الألف لو أنت لسه بعيد عن ال 5000 روح أعمل الألف أحسن لكن لو أنت أقرب لل 5000 أستنى أعمل ال 5000 ..هى مش بتفرق كده كده الصيانه التانيه بعد العشره ألاف
thanks a loooooooot