تلاحظوا المرايىة بتاعة الصالون فيها شاشة للباركنج سنسور ودرجة الحرارة والبوصلة
وكمان لاحظت وجود سيارة جديدة اسمها micra هندي ايضا وهي هاتش باك تشبه اليارس هاتش باك
تلاحظوا المرايىة بتاعة الصالون فيها شاشة للباركنج سنسور ودرجة الحرارة والبوصلة
وكمان لاحظت وجود سيارة جديدة اسمها micra هندي ايضا وهي هاتش باك تشبه اليارس هاتش باك
انهاردة شوفتها علي الطبيعة في معرض القرش اللي في الميرغني تحفة جدا جدا
بس عندي سؤال في الفتيس زرار صغير علي اليمين مكتوب عليه Shift Lock ده وظيفته ايه
ايه ده شكل الجنوط بشع واوحش من الجنط السبور الى نازل فى مصر وكمان شكل الطابلوه بفتحات التكييف المدوره دى وحش جداا
وازاى تكون هيا دى الفئه الاسبورت ومفيهاش اوكر نيكل او عدادات ليد متطوره .. اومال الفئه الاقل شكلها ايه !!!!!!!!!!
ده على كده نيسان مصر عمله شغل عالى
الحسنه الوحيده ان الكاوتش نازل برجستون
الصوره دى دليل على ان نيسان صنى الجديده بتنزل بفتحة سقف فى بعض دول العالم بس بيعملو ايه فى الخطينن الى فى السقف مش عارف
http://www.nileup.com/uploads/13507667701.jpg
طيب سؤال بالنسبة لمكان الصيانة مكان التوكيل في ابو رواش زي غبور ابو رواش ولا فين
انا بسأل علي مكان صيانة التوكيل مش مراكز الخدمة
تسلم أيد الجميع و طول عمرك صاحب حصريات يا أحمد بك مصطفي
علي الرغم من عدم راحتي النفسية لشكل العربية الصني الجديدة لكن العربية فعلا معقولة علي سعر ال112 ألف لأن منافساتها في الفئة السعرية دي محدودة و حتكون أختيار أكيد للباحث عن الجودة و خدمة ما بعد البيع
أتمني يكون فيه فئة أعلي كمان يكون فيها فتحة سقف و تكييف تاتش بزيادة سعر مقبولة ( حدود 5 ألاف مثلا ) ممكن تكسر الدنيا
الله ينور يا استاذ احمد والله, موضوع ممتاز ومجهود رائع, فعلا ان اعتقد دلوقتى ان السعر تنافسى بشكل كبير وحاسس ان بكده مبقاش ناقسها حاجه
انا عاوز مساعدة انا حاجز الفئة 102 و المفروض هستلم خلاص بس لما السوبر صالون نزلت انا محتار استنا شوية و استلم السوبر صالون بفرق 10000 و لا استلم و خلاص هل الاضفات الى موجودة تستاهل فرق السعر و الانتظار ؟؟؟؟
لا يا باشا استاذ حسام فهم قصدك على حاجة تانية
شيفت لوك ده لو عاوز تسيب العربية للسايس مش معشقة حاجة زى المانيوال لو سبتها وهى مبطلة على وضع المور
وطريقته وانت مبطل والفتيس على الـ P و المفتاح خارج الكونتاكت اضغط الزرار لأسفل ( أسهل حاجة تضغط بسن المفتاح مش بالاصبع ) وانت ضاغط انقل عصا الفتيس الى الوضع N وكده العربية وهى مبطلة ممكن تتزق للأمام و الخلف
لكن اللى بيكلم عليه حسام ده زرار فى عصا الفتيس نفسه من ناحية اليسار أسفل الزرار الكبير عليها و ده لما تضغط عليه بينور فى التابلوه لمبة O/D off يعنى بيلغى الرابع يعنى بيسقط نقلة فى مواقف الطوارئ زى ما تفضل استاذ حسام
.
تقرير اكثر من رائع استاذي و مجهود تشكر عليه بجد
بالنسبه لنيسان فبجد اضافات مميزه للعربيه و بسعر تنافسي بمعنى الكلمه , انا شخصيا معيا اكسنت 99 و كنت برتب نفسي اغيرها اخر السنه رحت شوفت النيسان العاديه اول ما نزلت بس حسيت اني بشتري عربيه شبه عربيتي كأوبشنز و طول الفتره دي مقتنع خلاص اني مفيش قدامي غير الأر بي اللي ب 114,5 بس لما نزل التقرير ده و بالأوبشنز دي و بالسعر ده حتى لو في اوفر برايس 3 الاف كمان فالنيسان تكسب مفيش كلام , ان شاء الله هشوفها ع الطبيعه و بأذن الله رأي فيها ع الطبيعه يكون ايجابي و بأذن الله اغير عربيتي للنيسان اخر السنه , بس هي خلاص بقيت موجوده في المعارض يعني لو رحت اوتو ايجيبت او المصريه هلاقيها و لا لسه منزلتش المعارض؟؟
الصورة دى من موقع هندى يعنى برضه بتنزل هناك بالبريدجستون التايلاندى B250 15/65/185
http://www.team-bhp.com/carpics/niss...n-sunny-15.jpg
ودى صورة الريموت بالمفتاح
http://www.team-bhp.com/carpics/niss...n-sunny-03.jpg
http://www.team-bhp.com/carpics/niss...n-sunny-04.jpg
غريبة ان مفيهوش الزرار اللى بتدور على العربية بيه فى الباركينج ممكن يكون بيشتغل عن طريق ضغط زرارين مع بعض
وهنا بأة مفاتيح المرايات الكهرباء مع زرار الضم
http://www.team-bhp.com/carpics/niss...n-sunny-15.jpg
وفى معاهم زرار فى اليمين تقرييا لتغيير اتجاه اضاءة الفانوس الامامى لفوق او تحت
المشكلة ان المكان ده مضايقنى شوية لانه مش ظاهر أوى و انت بتسوق بتمد ايدك ناحيته عميانى
استاذ عادل حستاذن حضرتك ممكن تضيف المشاركة دى فى موضوع مرسل الى نيسان
لان قريب حروح باذن الله نيسان مرة اخرى وحعرض عليهم كل الاختلافات والاقتراحات دى باذن الله
تم التاكد ان تم زيادة عزل لباب الشنطة الخلفى ومش موجود فى الفئة اللى قبلها
وفعلا فتحات التكيف اصبحت فى الموديل 2013 اتنين مدورين فى الاجناب وفى النص مربيعين وده فى كل فئات الصنى الشكل الجديد
وكمان تم اضافة مرايا فى الشماسة يمين فى فئة السوبر صالون
وتم زيادة الاوكر اللى فى السقف للراكب الخلفى فى فئة السوبر صالون
ومفيش دلايات زى ما الاعضاء وضحوا فى الصور
وحيتم اضافة الزيادة فى اول الموضوع
وبصراحة العربية بقت قيمة .. وفاضل شوية ملاحظات للتطوير لو اتعملت حتبقى فى الجووووووووون
موضوع رائع تسلم على المجهود يا ابوحميد وتسلم يا دكتور يوسف
حبيبى يا على .. وحشنى كتير والله يا جميل .. وتسلم على تقديرك الغالى .. وتسلم على محبتك اللى من القلب
هو لسه فيه سيارات قدرتها 99 حصان حاجة غريبة فعلا