الموضوع: استاذ طارق ياترى ايه الفرق بين الخليجى ضمان الرواس والمصرى ضمان الوكيل

المشاركة الأصلية كتبت بواسطة ewermido

كنا عايزين نعرف ايه الفرق بين الخليجى اللى بيبعوه الرواس وبيدى ضمان عليه وبين العربيات المصرى اللى بضمان مصريه

مراكز خدمة الرواس الأربعة مراكز معتمدة من الوكيل (مصرية) والرواس كذلك موزع معتمد للعربية المصري
ده بخلاف انه مستورد للعربية الخليجي (اماراتي) وبالتالي هو عنده اللانسر المصري والخليجي

العربية المصري بيكون ضمانها تبع الوكيل (مصرية) سواء تمت صيانتها في مراكز مصرية أو مراكز الرواس او اي مركز خدمة آخر معتمد

والخليجي بضمان الرواس ضمانها لدى الرواس نفسه انما ضمان حقيقي ولازم الصيانة تتعمل في مركز من مراكزه الأربعة

وشرط الضمان عامة المحافظة على الصيانات الدورية كل 10 آلاف كيلو متر

المشاركة الأصلية كتبت بواسطة cobraa2008

اه وانا عندي كمان سوال لو الواحد نزل بعربية متسوبيشي مصر وعايز يعملها الصيانه عندكم وهي مواصفات خليجي تعملوها ولو في حاجة تتغير على الضمان تغيروها ولا لا

هي الصيانة حاجه والضمان حاجه تانية

الصيانة يعني الصيانات الدورية (كل 10 آلاف كيلو) او الاصلاحات الطارئة (تغيير مساعد مثلا او تيل او عربية مش بتدور) ودي بتتعمل في التوكيل لأي عربية مصري او خليجي

انما الخليجي بيدفع 20 % زيادة عن قيمة المصنعيات المحددة للعربية المصرية انما اسعار قطع الغيار ثابتة للاتنين ، ودي تعليمات جديدة من فترة قصيرة.

اما الضمان فهو ضمان العربية ضد عيوب الصناعة لمدة 3 سنوات او 100 ألف كيلو متر ولو ظهر عيب بيتم تغيير القطعة المعيوبة مجانا وارسال مطالبة للشركة في اليابان لتحمل قيمة قطع الغيار والمصنعية

العربية المعاد تصديرها وبالتالي العربيات الخليجي (سواء المشتراه زيرو من مصر او اللي صاحبها نازل بيها من الخليجي ) ليس لها ضمان عند الوكيل