هو أحنا لييييييييييييييييه كده !!!

**KemozTanta** · 19-10-2012 08:30 AM

ابداع اية بس
كله بياكل عيش علي كله
الالحان معظمها مسروق من اغاني اجنبية مش مشهور حاجات بكتشفها في النص
اغاني من اوكرانيا ونيوزيلندا و دول مش معروفة
الاعلام اللي عندك وبهوات التوك شو اللي بياخدوا ملاييين عشان بيتكلموا بالليل علي المحافظ طلع قرار ولا حصل مظاهرة ولا حصل اعتصام
ويوم مايساعدوا حد من الجمهور بيكون واحد تاني من الجمهور مطلع من زكاة ماله مبلغ ويعملوا نفسهم ابطال واحنا بنساعد وبنعمل ونسوي ومرتب اقل واحد وواحدة منهم ربع ارنب شهرياً

اعلام وافلام واغاني وشركات محمول ومحلات اكل وملابس
كلة بقي بياكل عيش علي قفا الناس وخلاص
انما العيب في الناس بقي اللي تنحت وبقت مدمنه كلام فاضي بيكسب العالم دول كلهم

**Y a r i s** · 19-10-2012 08:30 AM

المشاركة الأصلية كتبت بواسطة tutankhamoun

بُص هو الذكاء موجود لدى المصريين و لدى البشر عموما علشان بس ما نخصش نفسنا بالذكاء .

المشكلة في حاجتين موجودين في مصر :

كيفية تربية الذكاء ده و كيفية استغلاله .

عندنا مثلا (بأشتغل في شركة ادارتها أجنبية)

في تقييم الموظف الشهري و السنوي ... جزء للأبتكارات .... كل لما تبتكر شئ يفيد العمل ... بتأخد عليه فلوس و محفزات تانية.
بالاضافة لده يزود تقييمك الشهري و السنوي .

هاتلي شركة مصرية بتعمل كدا ؟؟؟؟؟؟؟؟؟؟ تكون ادارتها مصرية خالصة .

العكس بيحصل .
مديرك يغير منك ... و ممكن يعمل حاجتين :
يا اما يسرق ابتكارك و يعمله لنفسه ............ و لو رفضت

الحاجة التانية يقرفك في عيشتك علشان تسيب الشغل .

للآسف النفسيات بأت زفت ............. و مفيش أخلاق .

بمناسبة تقليد الأفلام ........... ده مش عيب بس المهم أن يكون مكتوب ان القصة مقتبسة .

حبيب قلبي ياتوت كلامك مسني بجد .... وبجد حقيقي
وانا واحد من الناس دي .... الي بطلب من العامل الي بيشتغل معايا يلغي تفكيروا نهائي وهو بيشتغل معايا بل كمان بقولهم اعتبروا نفسكم في الجيش نفذ من سوكات ... مش لحاجة اكتر من ان الابداع والابتكار متربوش عليه ... بل اتربوا على الفكاكه والفهلوهة الغير مطلوبة في الشغل. عارف انا لو لقيت عندي واحد مبتكر هاخدوا واشيلوا واقعدوا على حجري بس المشكلة ان ممكن بذكاء اموا. يحب يوفر جهد. او خامة فيقوم يخسر الشركة. ملايييييييين. حتى لو كانت سمعت واسم الشركة ومع ان سوق العمل بيطلبك انك تفهم العامل بالراحة كده احنا ليه اتخذنا الاجرائات دي حتى لو كانت قواعد السلامة تبص تلاقي افتكاسات العمال تشتغل وجي يبدع. باستهتاروا فيوديك في ستين داهية. صدقني يا صديقي الابداع لازم يكون من الصغر ومن نشأة الفرد .... انا كل الي بشوفوا في سوق العمل. عمال خاليين من الابداع. ومن التفكير ... غير انوا ممكن يبدع في ازاي يزوغ او يبدع في تاليف الاعذار وممكن يموت اهلوا كلهم واحد واحد. بس لمجرد انك متخصيمش عليه غياب. ... ممكن تلاقيه مبدع في الكسل والاستسهال ودي مصيبة في حد ذاتها

**Y a r i s** · 19-10-2012 08:42 AM

المشاركة الأصلية كتبت بواسطة abdelaziz-waleed

تأكد يا باش مهندس ان كل اللي احنا فيه ده بسبب نفوسنا وافعالنا
الماء الملوث وطوابير العيش وانابيب البوتاجاز وكل الازمات اللي احنا فيها ما هي الا بسبب ضمائرنا
هو مين اللي عمل كل الازمات ديه مش احنا
إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ
احنا فضلنا الفهلوة على الضمير
والنسخ على الابداع
والسرقة على العمل

معاك حق يا عزيزي .... وبجد بجد باستغرب ان ممكن تلاقي الحرامية مبدعييين في فنون السرقة ومبتكرين طرق جديدة .... وبعد كده تلاقي حرامية تانية تقلدهم

ده حتى على مستوى الشحاته في ناس مبتكرة ومبدعة فنون ومهرات التسول .... ويفتكسولك طرق كده للشحاته او النصب. وناس تانيه تقلدهم وتلاحظ سنة يطلع الشحات ابو رجل مسلوخة وتلاقي الموضوع اتعمم على الجمهورية .... وسنة يطلعلك بياعين الكلينكس وتلاقي الموضوع اتعمم وانتشر على مستوى الجمهورية وسنة. الي تجيبلك او تشيلك حتت عيل صغير كده لحمة حمرة .... وسنة تانية تطلع موضة الولية الي جرة عربية معوقين وتحط فيها امها ولا اختها ولا حتى جوزها وتلاقي الشحاتين بيقلدوا بعضهم ده حتى نفس النص ونفس الموشح ونفس الموال ونفس الاسطوانة والعبارة الي بيقولوها ونفس الادعية معممه على مستوى الجمهورية

ولا الحرامية الي بيكسرو قزاز عربيتك من غير صوت او نفس ده في حد ذاتوا ابداع ههههههههه
وسبحان الله ازاي الطريقة انتشرت على مستوى الجمهورية متعرفش. تقلش دخلو عملو سيرش عنها على الانترنيت ... الله اعلم

**waelfarid** · 19-10-2012 08:46 AM

معاك حق يا عزيزي .... وبجد بجد باستغرب ان ممكن تلاقي الحرامية مبدعييين في فنون السرقة ومبتكرين طرق جديدة .... وبعد كده تلاقي حرامية تانية تقلدهم

ده حتى على مستوى الشحاته في ناس مبتكرة ومبدعة فنون ومهرات التسول .... ويفتكسولك طرق كده للشحاته او النصب. وناس تانيه تقلدهم وتلاحظ سنة يطلع الشحات ابو رجل مسلوخة وتلاقي الموضوع اتعمم على الجمهورية .... وسنة يطلعلك بياعين الكلينكس وتلاقي الموضوع اتعمم وانتشر على مستوى الجمهورية وسنة. الي تجيبلك او تشيلك حتت عيل صغير كده لحمة حمرة .... وسنة تانية تطلع موضة الولية الي جرة عربية معوقين وتحط فيها امها ولا اختها ولا حتى جوزها وتلاقي الشحاتين بيقلدوا بعضهم ده حتى نفس النص ونفس الموشح ونفس الموال ونفس الاسطوانة والعبارة الي بيقولوها ونفس الادعية معممه على مستوى الجمهورية

ولا الحرامية الي بيكسرو قزاز عربيتك من غير صوت او نفس ده في حد ذاتوا ابداع ههههههههه
وسبحان الله ازاي الطريقة انتشرت على مستوى الجمهورية متعرفش. تقلش دخلو عملو سيرش عنها على الانترنيت ... الله اعلم
__________________
علشان اتعودنا عالمركزية هههههههههههههه

وياعم توتتتتتتتتتتتتتتتتتتت عنخ امون
الراجا عاوز يريح عونينا من الخط الصغير ويعمل ماركة مسجلة لنفسه وعلشان كدة احنا عرفناه من خطه هههههههههه

**S O P H O S** · 19-10-2012 08:53 AM

يعني ابدعنا ميطلعش غير فالطريق الغلط للاسف
والمشكلة الاكبر ان الافكار لما بتتسرق من برا بتخلي الشخص مبيحولش يفكر هو جواه ايه
وبيعتمد علي مجهود التاني الي منتظره وياخده بكل سهولة بدون حتي كلمة اقتباس
الي في حد ذاتها بتحول الموضوع من سرقة افكار الي اقتباس بتعديل شرعي ..

**tutankhamoun** · 19-10-2012 09:07 AM

ممكن بس أقول حاجة في موضوع الأفكار .

الأفكار الأنسانية هي أقتباسات من اللي قبلك في أغلبها مع التعديل عليها لتناسب أحتياجك للفكرة نفسها .

مفيش حد بيخترع حاجة من أول و جديد .

كل حاجة كانت مبنية على حاجة قبلها ...... و كله كان مبني على علم سيدنا آدم أبو البشر اللي ربنا عز و جل علمه له .

المشكلة بقى أن أنت لما تيجي تشوف فكرة غيرك ...... تأخدها قص و لصق و تنسبها لنفسك .
دي سرقة علني .

زي العربيات الصيني بالظبط (أغلبها مش كلها )

بي أم دبليو رفعت قضية على شركة صيني قلدت الأكس 5 بالظبط ... ما غيرتش غير العلامة بس .

قوم أيه

حكومة الصين رفضت القضية و قالت لبي أم ....... و لا تشبهها ...... أنتوا عميتوا ( الصين لبي أم )
و بي أم أضطرت أنها تسكت لأن المنتج بيتباع في الصين بس .....بالاضافة أن الصين مش قليلة .... جيشها جرار ... و لها ثقل عالمي .

معلش أذا كنت خرجت برة الموضوع

**Y a r i s** · 19-10-2012 09:56 AM

انا بكبر الخط لان معنديش كمبيوتر. ولا شاشة كبيرة وشغال على شاشات صغيرة ... صحيح بمناسبة الابادع والتقليد والشاشة. شوفتوا الموبايلات الجديدة. بتاعت سامسونج جلاكسي اس ثبي الي بتتباع ب ٤٠٠٠ جنية منزلين اعلان في التلفزيون. الموبايل ب ٣٥٠ جنية ولو اشتريت اتنين هتخدهم ب ٥٥٠ جنية ههههههه. بالزمة ده ابداع انهم يخلو سلعة غالية ب ٤٠٠٠ جنية يصنعها بتراب الفلوس. .... حتى الاي فووون الي الناس بتوقف بالطابور علشان تشتريه منزلينوا عينك عيني كده في التلفزيون ب ٢٦٥ جنية .... ياترى الي اقدر يستنسخوا ده المفروض يكون مبدع ولا المفروض يكون مختلس

وبجد ضربوا التيلفونات الغالية لدرجة بقه الواحد يتكسف يمسك تيلفون غالي دلوقتي لان بمنتهى البساطة لو انتا شايلوا ولاحطوا قدامك على المكتب يجيلك واحد و يقولك اااااااااه مش هو ده التيلفون الي بيعلنوا عنوا في التلفزيون ابو ٣٥٠ جنية اخباروا ايه معاك صحيح. وياعم مكنت جبتلك نوكيا .... طبعاً انتا بتمسك اعصابك. وبترسم ابتاسمه رقيقة كده على وشك وتقولوا اعمل ايه على قدنا ممكن تتفضل بقه تروح تشوف شغلك وسيب موبايلي في حالوا . ههههههههه فسرقت التصاميم دي بتفقد الواحد حتى لزة الحاجة الي معاه ....