الطريق من المنيا إلى دمياط

**iNjECTOR** · 19-10-2012 11:56 AM

السلام عليكم ورحمة الله وبركاته

كنت اريد ان اعرف الطريق من المنيا إلى دمياط
بإستخدام سيارتى بأستخدام طريق الجيش ؟
فقد حاولت مع Google Earth or Maps فلم يكن دقيقا برجاء الافادة وبارك الله فيكم جميعا

**iNjECTOR** · 19-10-2012 12:36 PM

وياريت كمان من دمياط إلى المنيا ( العكس يعنى ) ويا حبذا شوية التفاصيل ومن غير ما تتضايقوا منى لان هيكون معايا اهل بيتى وميرضكوش البهدله ليهم

**mohamed_selim** · 19-10-2012 12:41 PM

هتطلع طريق الجيش الشرقى لحد القاهره و تاخد الاوتوستراد (الامتداد الطبيعى للطريق) لحد ما تعدى من عند المعادى و تاخد الدائرى يمين ... هتلاقى يفط و المطلع بعد ما تعدى من تحت كوبرى المشاه و تمشى على الدائرى و تنزل نفقين و تيجى عند منزل طريق اسماعيليه الصحراوى و تنزل يمين و طوالى على الطريق لحد ما تعدى قيادة الجيش التانى (اى كوبرى فى سكتك تطلعه) هتوصل لمطب و يافطه طوالى اسماعيليه و شمال بورسعيد .. هتخش طريق بورسعيد و طوالى لحد ما توصل قبل بورسعيد ب 3-4 كيلو هتلاقى يافطه طريق دائرى هتلف يوترن و ترجع تاخده هيوصلك لطريق دمياط و طوالى عليه هتلاقى نفسك فى دمياط