الموضوع: هل عمل اي اصلاحات خارج التوكيل يخرج العربية من الضمان ؟؟

السلام عليكم ..

ده رد لأدمن الصفحة الرسمية لرينو علي واحد كان بيسال السؤال ده :

"
بعد أذن الأدمن أنا معايا لوجان أتوماتيك 2013 بعد مأستلمتها بوقت قليل ربنا قدر وعملت حادثه وديتها العبور المقايسه كانت بحوالي 45 ألف جنيه مبلغ مبالغ فيه جدا بالنسبة لحادث مكنش فظيع يعني وطبعا كنت مستحيل أصلح بالمبلغ ده فا صلحتها بره العربيه غيرت فيه الأكصدامين والدفرانسيه الخلفي والمساعديين الخلفيه والردياتير والسربانتينه والمروحة والكشافات الأمامية طبعا بالأضافه لشغل السمكرة أنا عايز أعرف هل كده العربيه خرجت من الضمان تماما ولا ايه بالظبط؟؟؟ مع العلم أن المتور والحاجات في الكبوت الحمد لله مفيش أي حاجه جت نحيتها وسؤال كمان لو فرضنا أنها خرجت من الضمان أنا كده ممكن أعمل الصيانات عادي في التوكيل وخصوصا الصيانات المجانيه زي بتاعة ال5000 ولا لا أسف على الأطاله ويرجى الأهتمام مع الشكر "


وده كان رد الأدمن :

" يمكن التوجه لمركز العبور ثانية للكشف على السيارة لمزيد من الاطمئنان بعد الإصلاح الخارجي، و بالنسبة للضمان إصلاح السيارة خارج مركز الخدمة يخرجها من الضمان و لكن يمكن الكشف على المشكلة إذا ظهر اى عيب صناعة و تحديد المشكلة و حلها. و يمكن عمل الصيانات الدورية و الالتزام بها كل 10.000 كم و أيضا عمل الصيانات المجانية كل 5000 كم. "

يعني هل لو عملت سمكرة ورشيت وغيرت اي قطع غيار خارج التوكيل هيطلع العربية من الضمان ؟؟ ايه راي الاعضاء في الكلام ده ؟؟