هل كدة جوان وش السلندر عايز يتغير

**sameh65** · 19-10-2012 06:00 PM

نظفت دورة التبريد فى بنزينة على الجهاز وهو بينظف كان بينزل ريم ابيض المهم نظف كويس وحط مادة للصداء لغاية المية كانت نازلة نظيفة وبعدها حط ميه اسبانى وكذلك نظف القربة كويس وبعدها بحوالى اسبوعين وجدت على سطح القربة من الداخل فوق الميه اثار لحتة شحم صغيره رغم ان المياة عندى مبتنقص والزيت ممتاز ولابينقص ولا عامل طحينة وانا فى حيرة هل اكشف على جوان وش السلندر وهل عند فك وش السلندر محتاج اغير زيت لاننى مغيرة من حوالى شهرين تقريبا برجاء الافادة من السادة الزملاء ولكم جزيل الشكر

**Elawany13** · 19-10-2012 06:20 PM

انت بتقول المياه مش بتنقص عندك
والزيت مش بينقص
يبقى كده الجوان سليم وبلاش قلق زايد عن حده
حته الشحمه اللى بتقول عليها ممكن تكون رواسب لسه موجود فى مواسير دورة التبريد
التنظيف مش بيكون بنسبة 100%
مهما نظفت هتلاقى فيه صدأ بسيط ورواسب هتظهر
بالذات لو كان الصدأ كتير قبل التنظيف

**sdelbassuny** · 19-10-2012 07:32 PM

أنشاء الله الجوان سليم ده شوية صداء

**sameh65** · 19-10-2012 08:57 PM

المشاركة الأصلية كتبت بواسطة Elawany13

انت بتقول المياه مش بتنقص عندك
والزيت مش بينقص
يبقى كده الجوان سليم وبلاش قلق زايد عن حده
حته الشحمه اللى بتقول عليها ممكن تكون رواسب لسه موجود فى مواسير دورة التبريد
التنظيف مش بيكون بنسبة 100%
مهما نظفت هتلاقى فيه صدأ بسيط ورواسب هتظهر
بالذات لو كان الصدأ كتير قبل التنظيف

طمنتنى الله يطمنك

**MARTINDALE** · 19-10-2012 09:09 PM

سخونه او نقص الميه او فواران في الميه لما تفتح الغطاء او تغيير شكل الميه الى طحينه . ((ركز على كلمه أو )) غير كده الجوان سليم ان شاء الله

**E_medo77** · 20-10-2012 12:05 AM

المشاركة الأصلية كتبت بواسطة sameh65

نظفت دورة التبريد فى بنزينة على الجهاز وهو بينظف كان بينزل ريم ابيض المهم نظف كويس وحط مادة للصداء لغاية المية كانت نازلة نظيفة وبعدها حط ميه اسبانى وكذلك نظف القربة كويس وبعدها بحوالى اسبوعين وجدت على سطح القربة من الداخل فوق الميه اثار لحتة شحم صغيره رغم ان المياة عندى مبتنقص والزيت ممتاز ولابينقص ولا عامل طحينة وانا فى حيرة هل اكشف على جوان وش السلندر وهل عند فك وش السلندر محتاج اغير زيت لاننى مغيرة من حوالى شهرين تقريبا برجاء الافادة من السادة الزملاء ولكم جزيل الشكر

اعتقد ان ده طبيعى لانه عمره ما تنظف الدورة 100/100 بس لو ممكن اعرف منك انت عملت الموضوع بكام وفين؟؟

**hany essa** · 20-10-2012 01:40 AM

عموما ان شاء الله خير وعند تغير جوان وش السلندر لا يستدعى تغير الزيت انا لسه مغير الجوان من اسبوعين بس وصيت الراجل انه ميبجبش بنزين وهو بينضف الوش جوه العربيه علشان لو دخل بنزين جوه فتحات غرف الزيت كده هتغير زيت انا حبيت اقول المعلومه وان شاء الله مش هتغير الجوان ونضف الدوره تانى ربما تكون دى رواسب والعلامه الاساسيه لتلف جوان وش السلندر هو نقص المياه بدون اى تسريب وكل عام وانتم بخير