الموضوع: البارومة ظهرت في العربية

السلام عليكم و رحمه الله و بركاته

للأسف يا شباب لقيت عندي بارومة في الكارتيرة الخلفية يمين وبصراحة انا قرفان اوي ومش عارف اعمل ايه ؟ اوديها لسمكري ويفتحلي شغلانة فيها ولا اعمل ايه ؟؟

ولو وديتها لسمكري طبعا حيقطع الصاج اللي فيه البارومة و يلحم مكانه صاج جديد و يرشه .... تفتكروا المصنعية حتكون في حدود كام ؟؟

وايه احسن وقاية للبارومة بعد ما اعالجها ان شاء الله ؟؟

و شــــــــكــراً

روح لاى سمكرى بس يكون شاطر

وخليه يعملها حاجه اسمها خياطه مش لحام وخلاص الخياطه ديه بتتعمل بعد كده بصااروخ وتتسحق وتترش ويتحط ماده عليها كمان ولا يبان ان كان فى حاجه هنا بتتعمل
اعتقد الحرفين فيه الكلام ده
وممكن كمان لو الحته ديه فيها بلاك الفابريكه ممكن يتعمل من تانى
المصنعيه مش اقل من 200 ج لو صنايعى محترم اى حد تانى 100 او 150 بالكثير قوى