بخصوص الوان تليفزيون 3D LG lm5800

**just4fun** · 19-10-2012 06:55 PM

انا لسة شارى تليفزيون 42" LG lm5800 3d و لما وصلتة على الريسيفر القديم لقيت الالوان باهتة و مش عاجبانى و حاولت اظبتها كتير على كذا وضع معرفتش ,هل السبب الريسيفر عشان قديم و لازم ريسيفر HD ؟؟ ,و لو حد جاب التليفزيون ده عامل اية معاه فى الالون ؟؟ , ولية لما اشغل افلام 3D اوبشن التحكم فى العمق مش بيبقى شغال ؟؟

**sayed911** · 19-10-2012 07:03 PM

انا جايبه ومش مشغله على ريسيفر HD لا عادي خالص !! جرب شوف كده كابل الـ AV video غريبه لأنه عندي كان بيعمل صوت زنة في الصوت ! الـ 3D فكرة العمق ها يظهر لما تشغل فيلم 3D

**mido_soliman** · 19-10-2012 11:16 PM

لو رسيفر اتش دى حيطون افضل اكيد
عموما لازم تاخد وقت شوية لحد ما تظبط الصورة
اعمل الاتى
هات ام بى سى
او النهار تحديدا
واظبط عليهم اصورة لان باقى القنوات تلات اربع صورها اصلا زبالة جدا
انا عندى ال 6610 واخد وقت منى طويل لحد ماظبطة وبعد ما ظبطة صورت الاعدادات على الموبيل علشان منسهاش فى حالة انها راحت لاى سبب
بالنسببة للعمق
مش حيظهر الا لما تشغل الفيلم وتدخل فى السيتنج وهوة شغال حتلاقى اعدادات ال 3دى كلها شغالة
ملحوظة هامة
لو لغة التليفزيون انجليزى مش حيطلعلك ترجمة الافلام الثرى دى مفهومة حتطلع هيروعليفى لازم لغة الجهاز تبقى عاملها عربي من الاعدادات وتدخل تنقى لغة الترجمة براحتك :)
تحياتى

**ahmed-moga** · 21-10-2012 12:31 AM

لسه جايبه من شهرين ب6 الاف ج دخلت جمعيه وكلام في سركم (خايف لا حكومة قنديل تعرف بيه تفرض عليا ضريبه مشاهده علي فاتورة الكهرباء من غير مانعرف علشان مانشجبش ولا نستنكر ههههههه) ونصبوا عليا وادولي 4 نظارات بس بعد ماكان 10 نظارات منهم 2 للألعاب وقالولي آسفين العرض ده خلص والنظاره الواحده عندهم ب130 جنيه اه والله العظيم لما اتصلت اسئل عليها قالولي كده وادبست في رسيفر كيو ماكس 999 وشغال علي كابل HD الصوره احلي والكابل ده في الرسيفرات الHD فقط بس مش مديني غير 50Hz المفروض 120Hz
اتصلت بالوكيل قالي هات كابل HD يكون 1.4 هيطلعلك 120Hz
لكن مش مقتنع والصوت فعلا فيه زنه بس في قنوات وقنوات عملت التحكم بالصوت علي وضع التشغيل وخف شويه بس كده اتأكدت ان ده في كل الموديلات رحت جايب سماعتين بلتنيوم دي جي كبار ومش عارف اوصلهم ازاي الثري دي بصراحه اللي فيه هو حلو بس مش مقتنع بيه زي اللي في الموديل 6610 هو كان فيه فرق 1000 ج بين الموديل ده وده الأنسه بتاعة المبيعات قالتلي مفيش فرق بين الأتنين غير خاصيه الأنترنت فقط واللي موجود عندي 5800 فيه وصله LAN باردو بس مش عارف وظيفتها ايه خايف لاتكون فيه كامير مستخبيه بتنقل اللي بيحصل علي الهوا مباشره ههههههههههههههه وال6610 فيه امكانيات في الثري دي والصوت والألعاب اكتر من ال5800 الصوره رائعه جدا في قنوات HD وفي بعض قنوات العاديه وفيه قنوات الصوره زفت لحد دلوقتي عمال ابحث في الأوبشن وأي جديد هكتشفه هقولكم عليه

**ahmed-moga** · 21-10-2012 02:27 AM

المشاركة الأصلية كتبت بواسطة just4fun

شكرا على الردود يا جماعة ,

المشاركة الأصلية كتبت بواسطة just4fun

طاب ياريت لو حد وصل لاعدادت كويسة و الالوان ظبطت يقولها , بالنسبة لل 3D انا بيظهر عندى كل الاوبشن و الفيلم شغال ماعدا العمق مقفول مش بينفع اظبط فية ممكن عشان مشغل فيلم من فلاشة وجودة قليلة ؟؟ , و ياريت نفيد بعض فى موضوع ال 3d بتنزلوا الافلام منين و بتشغلوها ب اية و ايه هى احسن افلام نزلت ؟؟

شوف ياصديقي طول ما الفيلم ثري دي بالفعل اللي بيكون اختياره 3 نوع اللي الصوره مقسومه بالطول ومن علي فلاشه مش هتقدر تتحكم في عمق الثري دي لو عايز تتحكم هتدوس من الريموت علي زرار ثري دي فهيقولك الغاء خاصية الثري دي قوله موافق وبعدين دوس تاني واختار التحويل من 2 دي الي ثري دي وبعد كده خش علي التحكم في الثري دي هتلاقي كله مفتوح اظبط العمق والأتجاه اللي انت عايزه وبعد كده كرر اللي عملته في الأول اللي تدوس زرار ال 3 دي وتلغي التحويل وبعد كده زرار 3 دي واختار الشكل المقسوم بالطول وخلي المسافه بينك وبين الشاشه حوالي 2.5 متر او تلاته بالكتير واهم حاجه يكون الفيلم ثري دي فعلا زي فيلم فاينل ديستناشين 5 اي نعم هو يوجع القلب وهتشوف امعاء بتيجي في وشك واسياخ اكنها هتخش في دماغك بس دية ضريبة المشاهده هههههههههههههه الأفلام هتجيبها تورنيت انا غيرت السرعه بتاعة النت عندي مخصوص علشان الموضوع ده ومستني حد من العائله او من الأصدقاء يعملي استضافه علي الموقع بس تكون فيها افلام والعاب لأنك مش هتلاحق وعايز سرعة وسياسة استخدام مش عادل هههههههههههه