الموضوع: حد عنده للبيع شكمان مكرونة لموتوسكل استيد

ادخل الموضوع الي فيه الارقام واسئلهم واحد واحد

بس اظن الي عنده الميكانيكي الي عند ام المصريين مش فاكر اسمه ايه

ويامعلم اي بايك خصوصا الكاستم ( كروز ) لو عايز تسمع احلى صوت

شيل الاكسوست نفسه وانت تسمع احلى صوت انت نعمه في مصر ان الموضوع ده معلهوش مخالفه d:

ولو عايز الاكسوست في مكانه بسيطه شيل كاتم الصوت

بالعكس مش أذى

طيب اقولك انا عامل حادثتين بسبب ان صوت البايك مكنش عالي

منهم ماشي في امان الله وفجاه كسر عليا واحد ناحية الشمال عايز ياخد يوترن

طلع راجل كبير ,, انا كسر ورضوض وجروح والبايك اتضرر شويه يعني تصليحات في حدود 1000 جنيه بسبب غلطته

اقوله انا مديك كلاكس ومنور النور حتى في الشمس عشان الناس تشوفني معقول مشفتش قالي مشفتكش يابني

واتعطلت يوميها واضطريت اجيب نص نقل يشيله ويوديه عند الميكانيكي واروح للميكانيكي واشتري قطع غيار

وبقيت قاعد في البيت اسبوع لا بسوق عربيه ولا بايك ولا عجله حتى هههههههههههه

وبعد ما اتصلح فضلت راكنه شهر واتشأمت منه

من يوميها قررت اي بايك اشتريه لازم صوته يبقى عالي ومن يوميها محصليش النوع ده من الحوادث

يدوب اول ما بكون ورا عربيه ولا جمبه من بعيد تلاقيه سامع الصوت يقوم باصص في المرايا ولو عايز اعدي يعديني

وعلى فكره لو حد راكب في العربيه ومعلي صوت التسجيل على العالي حيسمع صوت البايك d:

عرفت بقى ليه الواحد بيعمل كده

ولما تشيل المصافى الفى الشكمان مش غلط على المطور ؟؟؟

المشاركة الأصلية كتبت بواسطة windofchange

حمدلله علي سلامتك ..... الحكاية دي انت عملتها مضطر وده استثناءا في مصر ولاوضاع مصر الغريبة بس انا كان قصدي عالدوشة والضوضاء وكده خصوصا للناس اللي ساكنين جنب الطرق بس لو كده زي مابتقول يبقي انت مضطرا عملت كده وربنا يصلح حالنا وحال بلدنا يا gmc

الله يسلمك

المشاركة الأصلية كتبت بواسطة omarov2000

ولما تشيل المصافى الفى الشكمان مش غلط على المطور ؟؟؟

لا مش غلط على المطور ( الماتور ) وحتى لو شلت الشووكمان نفسه ( الاكسوست )

مش غلط بردوا لان في الاخر انت سايب الهيدرز فا مش حيحصل حاجه للماتور

هو بس الي بيروح منك نوعا ما الباك برشير وبيبقى عندك هورس ولا اتنين هورس باور طايرين

الحكايه ديه عامله زي ما تقول كده

لما تحط كف ايدك على بقك وتنفخ جامد حتلاقي قوة دفع جامده

لاكن لما تبعد ايدك عن بقك حتلاقي قوة الدفع قلة

الكلام ده نفسه في البايك

لو انت دايس بنزين على الاخر والاكسوست مش مكانه حتلاقي العزم قليل شويه

لاكن لو ماشي عادي ومش بتحرق مش حتحس بالموضوع ده