اقتباس:
المشاركة الأصلية كتبت بواسطة amrelsha3er
اعمل يافليكس ايه الحل ؟؟؟ انت شايف ايه؟
واحد صحبى قالى متستلمش يااما يجبولك بطاريه جديده لان كده دى ماتت خلاص والسيناريو ممكن يكون فى الغالب
حد ساب نور مفتوح وفضى البطاريه:s:s:s
دى اخر عربيه مفيش تانى اوقف البيعه تفتكر ولا اعمل معاهم ايه بتوع اباظه دول الله بخربيتهم قرفونى فى عيشتى
من تاخير العربيه للورق وفى الاخر بطاريه ماتت منهم لله :s:s::s
خد بالك إن العربية مركونة في معرض مش الوكيل ... يعني أكيد ناس كتير دخلت اتفرجت عليها وطبعا كل واحد اتفرج عليها لازم يجرب النور مثلا ,, عشان كدة احتمال كبير جدا إنها فضيت فقط من طول فترة التخزين .. ولكنها لا تزال سليمة فقط يجب إعادة شحنها مش أكتر
لو فضلت ماشي بيها بقى وصحيت في يوم الصبح لاقيتها برضه عايزة توصيلة يبقى كدة فيها حاجة والبطارية محتاجة تتغير في الضمان
لاحظ إن العربية والبطارية في الضمان عشان كدة مش من مصلحتك إن أباظة يغير البطارية
الصدأ اللى على الشكمان غالبا مش بيكون صدأ .. ولكنها طبقة تراب وشحم يتم دهان الشكمان بها قبل تحميل السيارات على سفن الشحن لحمايتها من هواء البحر المالح وتزول مع التشغيل المستمر وسخونة الشكمان المتواصلة
إلا انت بصيت عليها عاملة كام كيلو ولا لأ ؟؟