البطارية انفجرت.......يا ترى ايه السبب؟؟

**الصيداح** · 20-10-2012 06:51 AM

سلام الله عليكم

من كام يوم العربية مرضيتش تدور الصبحية ففكرته المارش لأنه كان علق مرة واحدة قبل كدة المهم زقيتها ودارت بسرعة
تاني يوم نفس الموضوع بس اكتشفت إن أنوار العربية ضعيفة والسارينة صوتها ضعيف والتسجيل مش شغال فشكيت إنها البطارية أو شحن الدينامو تعبان بس مؤشر شحن الدينامو كان عالي
المهم زقيتها ودارت وعلى هذا المنوال أربعة أيام
ملحوظة ...مؤشر الدينامو طول الوقت كان زي الفل
المهم النهاردة زقيتها ورحت بيها مشوار طويل شوية ولما روحت قلت يمكن تكون شحنت وبمجرد ما وصلت البيت وطفيت العربية دورت مارش كدة أشوفها هتدور ولا ﻷ
مدرتش غير بالشارع كله حواليا بعد صوت انفجار رهيب ودخانه كثير خارجة من كبوت العربية
فتحت الكبوت لقيت البطارية نصفين

1-فإيه سبب اللي حصل ده
2-هل ممكن يكون الدينامو شحنه زيادة
3-هل لو جبت بطارية جديدة في خطر
4-البطارية جافة تركية الصنع بقالها 3سنين فهل ده عمرها الإفتراضي
5-أي نوع تنصحوني بيه

أفيدوني بارك الله فيكم علشان أشتري واحدة جديدة النهاردة
وجزاكم الله خيرا

**shaddadfalcon1** · 20-10-2012 11:59 AM

انا شايف ان دي حاجه مينكستش عليها ولازم ترفع قضيه علي الشركه اللي مصنعاها لانها كانت ممكن لاقدر الله تعمل مصيبه او تضيع العربيه كلها
لازم تعرف السبب طبعا بس حتي لو الشحن ذياده مش المفرض تنفجر يعني

**nab!l** · 20-10-2012 12:06 PM

متابع

**Elawany13** · 20-10-2012 05:37 PM

ياساتر يارب
انت حاولت تعملها توصيلة

**الصيداح** · 20-10-2012 07:25 PM

يعني الموضوع فعلا خطير؟
إنتم قلقتوني ده أنا كنت هشتري واحدة وأركبها أنا وخلاص
طيب محدش يعرف سبب رئيسي للإنفجار ده يعني البطارية سخنت أوي مثلا؟

**Land_Cruiser** · 20-10-2012 11:00 PM

المشاركة الأصلية كتبت بواسطة الصيداح

يعني الموضوع فعلا خطير؟
إنتم قلقتوني ده أنا كنت هشتري واحدة وأركبها أنا وخلاص
طيب محدش يعرف سبب رئيسي للإنفجار ده يعني البطارية سخنت أوي مثلا؟

[gdwl]هو لو سائل او جزء معدنى وصل بين قطبى البطاريه ممكن يخليها تنفجر على فكره او لو حاجه معدن و صلت بين القطب الحر و جسم السياره ده برضه ممكن يؤدى للانفجار بتاع البطاريه . نصيحتى لازم تكشف على كهربه العربيه عند كهربائى شاطر يعنى يراجع على الضفيره اساسى و الدينامو و يقولك المشكله فين و الموضوع أكبر من ان بطاريه باظت و بعد ما يقولك العيب منين و يعالجه أبقى ركب بطاريه جديده و تبقى عرفت العيب منين حتى علشان تطمن على البطاريه الجديده بالمره و ان مش هيحصلها زى اللى قبلها لا قدر الله [/gdwl]

**momo44** · 21-10-2012 01:41 AM

المشاركة الأصلية كتبت بواسطة land_cruiser

ممكن يكون ماس نتيجه اسلاك ملمسه . يستحسن توديها لكهربائى شاطر يبص على الكهربا و الضفيره و الدينامو و اعتقد العيب مش من البطاريه نفسها ولازم تعرف سبب المشكله قبل ما تجيب واحده تانيه لان الموضوع كده يقلق و خطر

+10000000000000

**lada2010** · 22-10-2012 01:00 AM

البطارية دى اكيد سخنت جامد نتيجة عن تلامس او حدوث قافلة لها بص روح لكهربائى يعرف السبب الاول وخد البطارية اعمل لها لحام وروح اشترى بطارية جديدة واعطى لة القديمة بدل ماتغرم تمن البطارية كامل تستفيد ب 50 ج انت احق يهم