الف شكر لكل القائمين على المنتدى الرائع ويا ريت حد يوصفلى ازاى اروح عزبة شلبى من طريق السويس بالعربية وليس مواصلات وشكرا
عرض للطباعة
الف شكر لكل القائمين على المنتدى الرائع ويا ريت حد يوصفلى ازاى اروح عزبة شلبى من طريق السويس بالعربية وليس مواصلات وشكرا
هتيجى من طريق السويس و تعدى تحت الدائرى و تطلع كوبرى الجيش و طوالى هتعدى من تحت كوبرى الاوتوستراد (الكوبرى هيكون فوقك بالعرض) و طوالى هتلاقى كوبرى تانى فوقك بالعرض تخش يمين من جنبه (كأنك نازل من على الكوبرى) و طوالى هتعدى على شريط مترو و بعديه هتلاقى الطريق بيلف بيك شمال (فى دخله يمين بس انت ماشى مع الطريق شمال) و هتعدى من تحت كوبرى صلاح سالم و شريط مترو تانى ... طوالى فى الطريق ده هتعدى على ميدان سفير(تقاطع شرايط مترو) و بعديه هارون (فيه اشاره) و بعديه المحكمه (اشاره) و بعديه جسر السويس (اشاره و هتعدى من تحت كوبرى التجنيد) و بعد كده ميدان و بعديه ميدان الحلميه و تطلع الكوبرى من فوق مترو الانفاق و تمشى شويه هتوصل ميدان المطريه ... هناك اسال على عزبة شلبى هتكون قريبه قوى
الف الف شكر على الشرح الوافى بس لو ممكن الوصفة تكون من الدائرى من بعد المرج اى نزلة من الدائرى تدخلنى عزبة شلبى او المطرية عشان الوصفة دية وافية ولكن صعبة علية شوية والف شكر لىك مرة اخرى
دى اسهل حاجه من طريق السويس
من الدائرى بصراحه معرفش
لو عايز من الدائرى
من طريق السويس هتطلع الدائرى اتجاه المرج وفضل ماشى علية (طبعا هتعدى نفق السلام ومؤسسة الزكاة والمرج والخصوص) لحد ما هتلاقى يافطة مكتوب عليها مسطرد
بعد اليافطة هتلاقيك فوق كوبرى معدى من فوق ترعة الاسماعيلية ، تاخد يمينك وتنزل فى أخر النزلة يمين وتاخد اتجاه مسطرد
لما توصل مسطرد هتلاقى كوبرى عرضى على الطريق اللى انت ماشى فيه، هتنزل من تحت الكوبرى وبعدين تطلع الطلعة بتاعتها اللى على اليمين على طول
لما تطلع الكوبرى هتلاقيك بتعدى كمين، بعد الكمين على طول نزلة يمين تنزلها وتمشى بتاع 200 متر هتلاقى عزبة شلبى على شمالك
ممكن تنزل نزلة المرج وتاخد يمينك هاتلاقى كوبرى اخره المرج القديمة كمل طوالى هاتلاقى سنترال وكمين بعدهم كوبرى اطلعه هاتلاقى نفسك فى عزبة النخل اكسر شمال فى يمين بعد الكوبرى وطوالى لحد مزلقان عين شمس خش يمين قبل المزلقان واطلع الكوبرى بتاع المطرية وبعد الكوبرى خش شمال طوالى هاتبقى فى المطريه واسأل هناك على عزبة شلبى