-
شكلها عربية مقلب !!!!!!
يااخوانا شكلها عربية مقلب واي كلام واهو الواحد طول ماهو عايش عمال يلبس
النهارده الصبح ياحضرات وانا ماشي بالعربية وعلي سرعة 50 تقريبا انا عمري ماجريت بالعربية لان طبعا الزحمة والمطبات الرخمة المهم وانا ماشي رغغم عليا بتاع ميكرباص فاخدت يميني كده مع فرامل ولبست الحمدلله في عربية نص نقل الموضوع مش اني لبست الموضوع في الفرامل وانا واقف علي الدواسة والعربية بتزحف
موضوع الفرامل ده ملهوش حل ياجماعة !!!!
ربنا يسترها علينا جميعا !!!!!
-
حضرتك ممكن تهدى و تحكى لنا أيه اللى حصل و العربية االى كنت راكبها كان نوعها أيه و لو لوجان أه اللى حصل بالظبط و على فكرة ساعة الحادثة بتبقى دماغ الواحد مشوشة و ما بيبقاش عارف أيه اللى حصل بالضبط
ممكن تحكى لنا بالتفاصيل
-
اللي حصل معايا بالظبط اني كنت ماشي في امانة الله واحد رخم عليا بالمكروباص فحاولت اتفاداه زنق عليا رحت دايس فرامل جامد العربية ما اسعفتنيش حسيت انها زاحفة علي الارض علي الرغم اني كنت ماشي علي 50 تقريبا في الميت قول 60 فخبط في عربية نص نقل الفانوس الامامي طعا اتدشش مع تكعيمة في الكبوت
العربية لوجان موديل 2011 وعامل بيها 15000 كيلو لحد دلوقتي يعني تعتبر زيرو
-
العربية فعلا بتذحف مع اقل سرعة ودى مشكله ولازم نلاقيلها حل واغلب حوداث اللوجان بسبب زحف العربية...وكتير قالوا العيب فى الكوتشات ولازم تتغير
-
يعني حضرتك العيب فعلا من الكوتش ولا الفرامل نفسها الكوتش اللي راكب فيها اسمه barum هل ده سيء للدرجة دي
لكن حضرتك متأكد انه من الكوتش ؟؟؟؟
اذا كان كده اروح اغيرهم كلهم وربنا يسترها علينا !!!!!!
-
طالما زحفت يبقى الفرامل قامت بدورها والكاوتش سيئ مش بيثبت العربية مع الارض
... كاوتش عايز الحرق اكيد الباروم راكب عندك لان الكورموران ماكنش بيعمل كدة غير بعد كيلوات اكتر من كدة
-
فيه البعض قال ان نوعيه الكوتشات دى من عيوبها صوتها العالى عند الفرمله والزحف
-
أولا الحمد لله على كل شئ يعنى أانت شايف أن المشكلة في الفرامل
الفانوس التركى 300
الصينى 220
و الحمد لله عاى كده
-
عندك فى عيب فى فرامل ال 4 عجلات يعنى فى عجلة بتوقف قبل عجلة موضوع الزحف كانت بتحصلى فى عربيات سابقا كانت معى وكان حلها بسيط المشكلة ان ال 4 مش متناسقين مع بعض عندما تضغط على الفرامل وبالتالى حل المشكلة هى ضبط ال4 عجلات بمعنى ضبط الفرامل مع بعض فى ال4 عجلات بحيث عندما تضعط على الفرامل ال4 عجلات تقف ...
-
قدّر الله وما شاء فعل وحمد الله على سلامتك
أنا معايا لوجان 2010 والكاوتش اللي فيها Barum ومن يوم ما العربية جت متغيرش وهي دلوقتي عاملة حوالي 25 ألف كيلو
هو المفروض الكاوتش ده عمره الافتراضي كام ألف كيلو ؟ يعني ينصح بتغييره دلوقتي ولا أصبر عليه شوية ؟
-
شكرا لاهتمامك طب دلوقتي اظبتهم عند مين بالظبط
بس بلاش التوكيل لانه بيشتغلنا كتير !!!!
-
العربية بتزحف لأسباب كتيرة .. ممكن يكون حظك في نوع الأسفلت ناعم في المكان اللي فرملت فيه أو عليه تراب، أو ممكن نوع الكاوتش.
لكن ظبط الفرامل مالهوش علاقة بالزحف لأنه فيه فرق بين إنه العربية تزحف أو تلف منك.
لو مع الفرامل بتحس انه العربية بتحدف يمين أو شمال (ممكن من قدام أو من العجل اللي ورا) يبقى الفرامل عايزة ظبط .. لكن لو بتزحف في مكانها يبقى عيب أسفلت أو كاوتش.
ماتحاولش تكبس فرامل مرة واحدة يعني لو لاقيت العربية بدأت تزحف خف رجلك من على الفرامل شوية علشان الكونتاكت مع الأرض يرجع تاني .. وديه فايدة الabs
-
فى طريقه حلوه شوفت سواق بيعملها عشان يظبط فرامل العربيه زى بعض امشى على طريق فاضى بالنهار وفرمل جامد ليكن على سرعة 60 مثلا المفروض العجلتين اللى قدام يعمل بداية ونهاية الخط فى الارض قريبين من بعض لو غير كده شوف ايهم اقصر او اقل هو اللى محتاج رجلاش ..........................
ام بالنسبه للكاوتش ده ريفيو لنوع باروم كويس فى كل حاجه لكن عيبه الزحف progressive
Barum Brillantis | the Barum Brillantis reviewed and rated | the online tyre guide
-
المشكلة في الكاوتش و لسة لابس مطب على 80 اول امبارح بسببه بالرغم من ان العربية فرملت تمام و صوت الفرامل سمع في زهراء المعادي كلها =)
-
-
افيدونا بنوع كاوتش محترم يا اصحاب الخبرة لو سمحتو طب
-
خد بقى الخلاصة من صاحبك عشان حيغير للمرة الثانية
حتكلم على مقاسات الكاوتش الموجودة في مصر
Bridegstone TUranza GR90 سعره 650 جنيه
ناعم, ميا, مش عايز حد سواقتة مجنونة , محتاج متابعة, روتيشن, ترصيص وهكذا لان الفردة طرية
بس في النهاية انت ماشي على ريش نعام
عامل عليه لحاد الآن 44 الف كيلو ولسه شكله حيقعد لحاد 60 الف كيلو
معمول بتكنولوجي انه لا يفقد خواصه مع تآكل الكاوتش
Kumho KH17 ده المقاس الوحيد من كومهو اللي يمشي مع اللوجان سعر الفردة 420 جنيه
بينزل في معظم العربيات الكوري تقدر تسأل نص المنتدى عليه
نختصر الكلام ونقول متوسط في كل شيء
معتقدش يقعد اكتر من 45 الف كيلو
Michelin energy saver سعره 550 جنيه
كان بينزل في اللوجان استوك زمان
عجلة واخدة تقييمات عالية على كل المواقع
Low rolling resistance يعني بيوفر في البنزين عشان بيدور بسهولة
فرامله المفروض كويسة
عمرة الافتراضي عالي زي البريدجستون
Michelin XM2
عجلة محدش لسه جربها في اللوجان سعرها 550 جنيه
ساعات يتقال انها احسن من energy saver وساعات يتقال العكس
Pirelli
Prielli Centurino P1 عجلة سألت عليها في التليفون
دخلت اشوفها على النت
قررت مشتريهاش !!!
اللي كان نفسي اركبها في اللوجان بس ملقيتهاش في مصر
KUMHO ECSTA LX PLATINUM KU27
عجلة خرافية في كل شيء, الراحة الامان الفرامل
اللي انا قررت اركبه كمان كام الف بعد طول بحث
YOKOHAMA C DRIVE
عجلة فيها كل مميزات ال KUMHO ECSTA
ياباني
فرامل رائعة
مريحة
بتمتص الصدمات
ارخص من البريدجستون
سعرها عامل حوالي 500
توكيلها غبور
ايه رأيك
-
النهاردة كنت هلبس في عربية نقل ... الكاوتش بيزحف مع ان الفرامل بتبقى ماسكة ... كاوتش زبالة انا عامل 20000 ومستحرم اغيره بدري بس شكله كده لازم يتغير
-
ربنا يسترها معاك ان شاء الله
بس متهيألي سرعه 50 دي قليله قوي وعمرها متخلي العربيه تزحف
ممكن يكون كان في رمل ولا حاجه ع الاسفلت
Content Relevant URLs by
vBSEO 3.6.0 PL2