:::: موضوع خطير...زحف العربية اللوجان...بين الواقع والشائعات ::

**star101** · 20-10-2012 02:10 PM

ناقشت عدة مواضيع زحف العربية اللوجان بعد الضغط على الفرامل....ولكن لم نصل لنتيجه واضحه..هناك من انكر وهناك من اكد انها بالفعل تزحف لمسافه كبيرة...وبالفعل ناقشت عدد من اصدقائى اصحاب اللوجان واكدوا ان كثير من الحوداث كانت بسبب زحف السيارة وليس بسبب الفرامل.....وعن تجربة.....السيارة فعلا تزحف اكثر من اللازم حتى لو تم ايقافها على سرعات منخفضه.....ولابد ان نبحث عن السبب...هل المشكله فى نوع الكوتشات اللوجان الباروم....حيث ان نوعيه كوتشات اللوجان من اهم عيوبها ان لها صوت عالى عند الفرمله وانها تزحف ولا تثبت على الارض. ..فهل ينصح بتغيرها.....هل يجب ايصال المشكلة للتوكيل لايجاد حل...يجب مناقشة الموضوع بكل حيادية...فالمسائلة تتعلق بأرواحنا وحياتنا....

**AirForces** · 20-10-2012 02:22 PM

انا معايا موديل 2010 وما حستش بالموضوع دا قبل كدا بالعكس الفرامل بتسعفنى فى اوقات كتير جدا وبشكل انا مكنتش اتخيله ..
فهل الكاوتش نوعه اتغير فى الموديلات الجديدة ؟
وهل الزحف دا بيكون على طريق متسفلت عادى ومفيهوش ولا رمل ولا مية ولا زيت ؟؟ لأن لو فيه يبقا طبيعى تزحف ما العربية مفيهاش abs يعنى

**star101** · 20-10-2012 02:25 PM

نوع الكوتش اللى فى عربيتك ايه AirForces

**AirForces** · 20-10-2012 02:39 PM

نوعه لو انا متذكر صح Kormoran

شوف الموضوع دا واضح انها مشكلة فى الموديلات الجديدة
http://www.nilemotors.net/Nile/310002-a.html

**miguel** · 20-10-2012 03:15 PM

سبحان الله انا لسة عامل حادثة النهاردة الصبح المهم دست فرامل جامد وانا علي سرعة 50 تقريبا العربية زحفت بشكل بشع والحمدلله لبست وي عربية نص نقل

حاجة فظيعة مش كدة !!!

**zenadanet** · 20-10-2012 03:27 PM

انا شايف الفرامل بتسعفنى فى كثير من الاوقات وان الفرامل مفهاش اى مشكلة او حتى العربية بالعكس فرامل العربية ممتازة

اللون الاحمر مخصص للمداخلات الادراية
مشرف رينو
ب10

**AirForces** · 20-10-2012 03:29 PM

المشاركة الأصلية كتبت بواسطة miguel

سبحان الله انا لسة عامل حادثة النهاردة الصبح المهم دست فرامل جامد وانا علي سرعة 50 تقريبا العربية زحفت بشكل بشع والحمدلله لبست وي عربية نص نقل

حاجة فظيعة مش كدة !!!

قدر الله وما شاء فعل والف حمدلله على سلامتك

الموضوع اكيد خطير وليك حق تتعكن رأيى تابع اللينك اللى حطيته وبيتكلم عن نفس المشكلة لازم تصعدوا الموضوع وتبعتوا لرينو فرنسا لأن الموضوع مش هزار نهائى بس حاولوا تبقا الشكوى بأكتر من عضو عشان يعرفوا انها مشكلة عامة

**zenadanet** · 20-10-2012 03:39 PM

عندك فى عيب فى فرامل ال 4 عجلات يعنى فى عجلة بتوقف قبل عجلة موضوع الزحف كانت بتحصلى فى عربيات سابقا كانت معى وكان حلها بسيط المشكلة ان ال 4 مش متناسقين مع بعض عندما تضغط على الفرامل وبالتالى حل المشكلة هى ضبط ال4 عجلات بمعنى ضبط الفرامل مع بعض فى ال4 عجلات بحيث عندما تضعط على الفرامل ال4 عجلات تقف ...

**gebreel** · 20-10-2012 06:29 PM

ال2010 كانت بتنزل بكاوتش نوعه كورموران او ميشلان و اللي في عربيتي كورموران و ادائه مقبول لحد دلوقتي في ال2010 اما في ال2012 الكاوتش نوعه سئ بكل ما تحمل الكلمة من معنى و هو الباروم و بسببه لسة لابس مطب على 80 يوم الخميس اللي فات بالرغم من ان العربية فرملت تمام بس الكاوتش نحسو ممسكش في الارض

بس ده ملخص المشكلة