العربية بتقطع بنزين فجأة وصعبة التدوير

السلام عليكم و موديل رحمة الله وبركاته

الى خبراء حل المشاكل

انا اشتريت رينو 9 موديل 1990 هي عربيه حلوه لاكن فيها مشكلتين وهم:

* المشكلة الأولى:

لما تتركن لمدة 24 ساعة أو أكثر مابتدورش من أول مرة لكن تدور بعد حوالي 7 مرات - اول أربع أو خمس مرات المارش شغال لكن الموتور مابيدورش والكام مره الأخيره الموتور بيلقط ويحاول يدور لكن يقف لحد ماربنا يوفقها وتدور (لاحظت أن فلتر البنزين فارغ تماماً تقريباً من البرنزين ومع محاولات التشغيل أجد ان الفلتر بيتملى بنزين بالتدريج)
لكنها تدور من أول مرة بعد كده طول ماكان فترة توقف المحرك قصيرة يعني لو جيت دورتها بعد ساعة او ثلاث ساعات مثلاً بعد التوقف تدو من أول مرة (بلاحظ أن فلتر البنزين مليان بنزين مش فاضي)


* المشكلة الثانية:

لو الطريق واقف والجو حار يتوقف المحرك فجأءه وبلاحظ أن فلتر البزين أصبح فارغ تماماً و لما بتبرد أجد فلتر البنزين يتملى بالتدريج مع محاولات التشغيل

سئلت الميكانيكية بعض قالي غير فلتر البنزين وفلتر الهوا وطرمبة البرنزين و البوجيهات ووو .......... بدون تحدد السبب الرئيسي

أفيدوني وجزاكم الله خيرا

طرمبة البنزين هى الوحيدة اللى تعمل كده ، وابقى غير فلتر البنزين نضتفة بالمرة

شكراً جزيلاً على الرد من السادة الأعضاء

وفعلاً انا غيرت طرمبة البنزين وبقت ممتازة بتدور من أول لمسة في حالة ركنها لفترات قصيره كذا ساعة
واتحسنت كتييرأوي وبقت بتدور من ثاني مرة او ثالث مرة على الأكثر في حالة ركن السيارة لمدة يوم أ وأكثر بدون تشغيل على عكس الأول كانت بتطلع روحي لحد ماتدور - لكن أن لاحظت ان فلتر البنزين بيكون فارغ كالسابق في حالة ركنها يوم أو أكثر بدون تشغيل ولما سئلت صديق ليا وراني عربيته ولقيت ان فلتر البنزين مليان وقالي العربية مركونة بدون أي تشغيل منذ 3 أيام - مش عارف ليه عندي فلتر البنزين بيفضي خالص ياريت لو حد عنده الحل