هل تحب السفر وحيدا ؟؟ شاركنا خبرتك ...

**grand hand** · 20-10-2012 05:57 PM

دايما السفر او الفسح تحديدا بتكون افضل مع وجود رفيق او صاحب، طبعا بعيدا عن الاهل او الزوجة او الاولاد، لكن ساعات الواحد بيحب يختلى بنفسه فى سفرة لمدة يومين تلاتة يستجم مع نفسه ويتسكع فى شوارع المدينة اللى رايحها برضه مع نفسه وياكل ويشرب لوحده وبعد ما يكون عمل دماغ هدوء يرجع تانى لشغله وحياته..

مين جرب يسافر لوحده ويفضى دماغه ويرجع تانى فريش؟ وايه اكبر ميزة شايفها فى السفر (الوحدانى) لو ينفع نسميه كده؟ عن نفسى بشوف مميزاته فى انه:
- افضل ساكت متكلمش لاكبر فترة ممكنة
- فرصة للتصالح مع النفس
- اكتشاف اماكن اكتر بحرية مطلقة وبدون تعقيد
- ابرم وقت ما احب وانام وقت ما احب

ياريت كل واحد يقول رايه وخبرته فى الموضوع ده ولو فى اماكن جديدة او اماكن سرية وحتت مدارية جوة او برة القاهرة يدلنا عليها ويا بخت من نفع واستنفع وكل سنة وانتو طيبين بمناسبة العيد الكبير

**ZALABANY** · 20-10-2012 06:02 PM

والله احيانا الواحد بيجيلوا الاحساس ده وممكن احب اسافر لوحدي في الطريق مثلا لكن لما بوصل المكان اللي انا رايحه لو مافيهوش صحبه مش هاتبسط خالص

**gebreel** · 20-10-2012 06:03 PM

ياااااااااااااااااااااه

بتبقى حاجة في منتهى الروعة بجد و لسة عاملها من حوالي شهرين في السخنة
كنت طالع انا و اصحابي بس اكتشفت ان عندي القدرة اني اققفل شباك نفسي و ابطل وداني و اقعد مع نفسي تماما لدرجة اني مكنتش ببقى سامع حد منهم وانا قاعد معاهم

طفيت دماغي طفية تمام خصوصا لما كنت اطلع على البحر بليل و انا لوحدي على الشط

و عاوز اقلك اني لما رجعت لأهلي و الشغل كنت بتي ادم ثاني خالص و الproductivity بتاعتي زادت و الواحد كان حاسس انو قبل السفرية دي كان كئيب

و قررت ان شاء الله اني اعملها من وقت للثاني و ناوي بعد ضغطة الشغل اللي عندي اليومين دول اعمل نفس الطلعة دي ثاني =)

**dede_dodo88** · 20-10-2012 06:23 PM

ياااه..أنت جيت على الجرح تمام..
كان نفسي أعمل الحركة دي اليومين اللي فاتوا لأني واخد أجازة من الشغل و أصحابي كلهم مشغولين في الفترة دي فبقيت all by myself.. لكن للأسف كسلت تماماً و خفت متبسطش عشان مجربتش حوار السفر ده لوحدي قبل كده. :(
بس مقضيها خروجات هنا لوحدي برضه.. هي حلوة لكن كترها يجيب أكتئاب..

**ehab** · 20-10-2012 06:34 PM

انا باعشق اني اكون لوحدي
فعلا الموضوع دا ممتع

**grand hand** · 21-10-2012 01:23 AM

المشاركة الأصلية كتبت بواسطة zalabany

والله احيانا الواحد بيجيلوا الاحساس ده وممكن احب اسافر لوحدي في الطريق مثلا لكن لما بوصل المكان اللي انا رايحه لو مافيهوش صحبه مش هاتبسط خالص

ما يمكن عشان مخططتش للسفرية او عملت برنامج بالاماكن اللى هتزورها مثلا عشان كدة بتحس انك مش لاقى حاجة تعلمها؟

**grand hand** · 21-10-2012 01:25 AM

المشاركة الأصلية كتبت بواسطة gebreel

ياااااااااااااااااااااه

بتبقى حاجة في منتهى الروعة بجد و لسة عاملها من حوالي شهرين في السخنة
كنت طالع انا و اصحابي بس اكتشفت ان عندي القدرة اني
اققفل شباك نفسي و ابطل وداني
و اقعد مع نفسي تماما لدرجة اني مكنتش ببقى سامع حد منهم وانا قاعد معاهم

طفيت دماغي طفية تمام خصوصا لما كنت اطلع على البحر بليل و انا لوحدي على الشط

و عاوز اقلك اني لما رجعت لأهلي و الشغل كنت بتي ادم ثاني خالص و الproductivity بتاعتي زادت و الواحد كان حاسس انو قبل السفرية دي كان كئيب

و قررت ان شاء الله اني اعملها من وقت للثاني و ناوي بعد ضغطة الشغل اللي عندي اليومين دول اعمل نفس الطلعة دي ثاني =)

عاجبانى الجملة اللى باللون الازرق ههههههه
الاستجمام بيخلى الواحد يشحن بطارية دماغة ويرجع نشيط اكتر

**grand hand** · 21-10-2012 01:26 AM

المشاركة الأصلية كتبت بواسطة dr_mido

عملتها مرة سيبت الموبايلات فى درج التابلوة وقفلتهم وسافرت اسمعاليه وصلت هناك 5 ونص الصبح قعدت على قهوة كدة قريبه من البحر ساعتين والراجل مشغل ام كلثوم عايز ااقلك اليوم ده كان من 3 شهور فارق معايا لحد دلوقتى

متخيل المنظر والقهوة فاضية وشاى بالنعناع مع سيجارة والست بتغنى دمااااغ
احلى رحلة هى اللى بتجى على غفلة
وهوب تلاقى نفسك فى المكان بيبقى لها طعم تانى برضه

**grand hand** · 21-10-2012 01:27 AM

المشاركة الأصلية كتبت بواسطة dede_dodo88

ياااه..أنت جيت على الجرح تمام..
كان نفسي أعمل الحركة دي اليومين اللي فاتوا لأني واخد أجازة من الشغل و أصحابي كلهم مشغولين في الفترة دي فبقيت all by myself.. لكن للأسف كسلت تماماً و خفت متبسطش عشان مجربتش حوار السفر ده لوحدي قبل كده. :(
بس مقضيها خروجات هنا لوحدي برضه.. هي حلوة لكن كترها يجيب أكتئاب..

بص هى ساعات بتطلب مع الواحد خروج مع تهريج وانبساط ساعتها بيكون الخيار الامثل هو الصحبة الحلوة، لكن ساعات الانسان بيحب يقعد مع نفسه ويحسب شوية حسابات او يريح دماغه من دوشة الحياة ويستجم كدة وياخد ويدى مع نفسه فى هدوء ساعتها لازم يكون لوحده فى مكان ابعد كائن حى منه على بعد 500 متر مثلا، وده اللى انا اقصده