الموضوع: المواصفات والاسعار لأسترا سيدان 2015 بمصر

المشاركة الأصلية كتبت بواسطة Ahmed_Adham

مش عارف الافضل انهم يفهمو الحته دي ولا لاء. أصل انا خايف لو فهموها يغيرو الجمارك والضريبه من ال سي سي للحصان وساعتها كل اللي عندو تربو هيلبس.

لا طبعا خليهم كده أحسن!! ههههههههههههههههه

هما لو حسبوها بالهورسباور (أو بالـEfficiency بمعنى أصح: إستهلاك بنزين وإنبعاثات بالنسبة للسعة اللترية)..

ممكن تلاقى عربية قديمة بتدفع جمرك و ضريبة أكبر من E250 CGi أو 528i؟؟!!! Lol

ماهو عشان كده مبدأ الإحلال والتجديد مهم؟!!!
- انت عمال تدعم فـ بنزين لـ ماكينات مهدرة للطاقة وعديمة الفعالية -بالنسبة لإستهلاكها من الوقود؟!!

المشاركة الأصلية كتبت بواسطة elgohary20012

بس هل فعلا البى أم بتطلب تعديل وحدة كنترول العربية عشان تشتغل على 92 قبل تسوقها فى مصر و هل الكلام يخص الموديلات الجديدة فقط اللى نزلة بتروبينة هواء ولا الكلام بيسرى على كل الموديلات بداء من شكل e90 وصولا لموديلات2013 وأذا كانت عربية وارد الخارج تقفيل ألمانى بداء من شكل e90 وصولا لشكل f30 حيبقى فى مشكل كبيرةعشان يعدل ecu بتاع العربية عشان يتقبل 92 ياريت حد متخصص من الأخوة يوضحلنا و شكرا

المشاركة الأصلية كتبت بواسطة CosmicOne

افهم من كده يا رجاله ان مواتير بي ام التربو بنزين ٩٢ عادى مش محتاجه ٩٥؟

لأ
الكلام ده لحد مواتير الـN45/46 بتاع الـe90 (الـ320)
ومواتير الـe60 الـNorma/Aspirated (الـ523/25 و 530) بالـ3.0si بتاع الـX3
(أصلا المواتير دى كانت بتنزل أوروبا direct-injection و Double-VANOS و بهورسباور أعلى من عندنا بفرق كمان)؟!!
مثال: موتور الـ320i الشهير كان بينزل 170 حصان، فـ مصر كان de-tuned لـ150 حصان!!

لكن
مواتير الـN13 (الـ116/18) والـN20 (الـ320/28 و 528)
وموتور الـN55 (الـ335 و 535i) مانفعش الكلام ده معاها.. اللى هو de-tune تشتغل 92
يعنى: كل مواتير الـTwinScroll تربو الجديدة بتاع الـBM أساسى 95.

هو الراجل في اوبل بيقول انو متأكد و انهم سألو الشركه الام على الموضوع ده قبل ما يجيبو الموتور

ياباشا هو يقول اللى هو عايزه.. إحنا بنتكلم فـ الصح أيه؟!!
الـspecs بتاع الموتور ده من الأوبل فـ أوروبا، الفوكسهول فـ إنجلترا.. وحتى الهولدن فـ أستراليا بتقول:
Premium Unleaded 95 ده الـminimum كمان؟!!!

- أقولك على حاجة: ماهو يشتغل 92 مش هيقول لأ؟؟؟!!!!!!
بس هيقول: هأسقف وأكركر وهأرمى بنزين والعزم والسحب والهورسباور هيقل!!
وقابل بقى مشاكل عـ الـLong-run؟!!!

على فكره لمحت فى حته على النت ان التوين تربو بتاع الهيونداى الفيلوسيتر يشتغل ron87 تخيلوا بس مش متأكد ميه فالميه

ماعتقدش؟!!
ممكن يكون قصدهم 87 AKI فـ أمريكا الشمالية = 92 عندنا.
(والـ89 = 95، والـ91/93 = 97/98 RON فـالخليج وأوروبا)

مابيعملش الحركة دى غير الهونضاى على فكرة؟!! ههههههههههههههههههه
بيقولك:
- موتور الـ2.0T بتاع الجينيسيس والأوبتيما والسوناتا بيطلع 275 حصان (95)، و260 حصان (92)!
- وموتور الـ1.6T بتاع الضفدعة المتربنة بيطلع 204 حصان (95) وتقريبا 187 حصان (92)؟!!
الصراحة: أفلح إن طلع boost؟؟!!! ههههههههههههه
ميزة برضه! بس مواتير الهونضاى بتبقى over-rated عـ الورق حاجة وفـ الـreal-life حاجة أقل؟!!
أصلا هى كده كده مواتير العمر-الإفتراضى بتاعها قصير!!
- معرفش إزاى هينزل 2 Timing-advance strategy على نفس الـmap بتاع الكنترول؟؟!!!
واحدة فيهم (الـ275/204 حصان) aggressive أوى! والتانية متراجعة جدا (260/187 حصان)!!
أصل الفرق كبييييييييير ياجدعان؟؟ إحنا بنتكلم فـ 15-17 حصان!!
معقول الهيونداى-كيا عندها knock/pinging control سوفتوير عالى أوى كده؟؟!!!
هههههههههههههههه

Rgds،

المشاركة الأصلية كتبت بواسطة n.a.j.d

هيا الاسترا الهاتش باك مفيش منها تربو ؟

فى منها تربو من اول ما نزلت

المشاركة الأصلية كتبت بواسطة cosmicone

طيب سؤال بقا للخبرا بالذات فى مواتير اوبل

دلوقتي انا راكب سيفيك ٢٠٠٧ و عامل بيها فوق ال١١٨٠٠٠ كم و ما شاء الله الموتور و الفتيس والا الهوا الله اكبر، والا الأداء اتغيير والا اخشن والا الصوت على ،
انا كنت قبل كده بركب اوروبى وبلاقيه بعد استخدام كام سنه الموتور اخشن و صوتو على و بقا بينحر شويه فى الشد وكده ،

انا مقتنع ان مواتير هوندا كصناعه افضل من جى ام و اوبل و يوازيها بس مواتير بى ام دبليو ، انا كنت بفكر فى الاسترا الجديده ديه بس خايف اوى من النقطه ديه بالذات انى بقعد بالعربيه كذاسنه و كيلوات كتيير اوى لان شغلى فى القريه الذكيه و انا ساكن فى مدينه نصر،

فهل الاسترا ممكن تجارى و تعيش بنفس الكفاءه زى الهوندا كدا؟؟؟

انا بركب اوبل من ١٣ سنه وكل عربيه عملت بيها حوالى ٢٠٠ الف كيلو ومفيش خشونه حصلت او اي كلام من ده لو بتعمل صياناتك وبتغير السيور والبلى اكيد مفيش حاجه من دي هتحصل وهوندا شركه ماميزه ومن افضل مواتير اليابانى وتكنولوجيا الفى تك المتطوره محصلش منها اي مشاكل بس مشكلة هوندا شاسيه وجسم السياره ضعيف وقريبه جداً من الارض وده لا يفضل فى مصر مع التأكيد مره تانيه ان السيفك من افضل اليابانى وبالنسبه لتفكيرك فى الاسترا دى موضوع تانى عربيه اوروبى وموديل السنه وجميع الكماليات وفيها وسائل سلامه وامان مش موجوده فى اليابانى اللى فى نفس الشريحه السعريه