-
فعلاً معاكم حق ياشباب
سبوووووبة. ... وقلبت من مصارعة لخناقة. عن ناصية الشارع. المصيبة ان حبت القنوات دي اثرة على المجتمع .... بالذات مثلاً مثلاً تعاله اكسر غصب عنك عن عربية جمبك. وشوف سواق العربية هيعمل فيك ايه !!!
لو مابيشوفش قناة المصارعة هيقول حصل خير ابقى خلي بالك ... والحمدالله جت سليمة
ولو متابع قناة المصارعة هتبص تلاقيه. على اعصابوا وقبل ما تتكلم وتقولوا انا اسف يكون شتمك مليون شتيمة وعاوز كده يتشقتلب من عربيتوا وينزل ساحبك وضارب راسك في كورنر الحلبة وميلقيش الكورنر فيفكر انو يحدف دماغك ويرزعك في رفرف العربية ههههههههههههه وبعدين يقوم طالع فوق السقف وناطط عليك نطت سوبر مان بتاعت المصريعين ويثبتك على الارض ههههههه مندمج الاخ
http://t1.gstatic.com/images?q=tbn:A...Ef3dnTvuEla6nA
وغير كده وكده انا على قناة المصارعة بشوف حجات غريبة عجيبة حد يقولي
الي طالع يتصارع ده الي مخليه يطلع سلاللم على الحلبة. هو الاخ شغال مصارع ولا شغال نقاش او كهربائي
http://t3.gstatic.com/images?q=tbn:A...cL2voKv3YQhWlA
حد يقلي ده طالع على السلم ليه. ولا جايب السلم من اصلوا ليه !!!
-
أنا شغال في عيادتي للأطفال بس ... فجايب لهم تليفزيون وبشغل كرتون وكده علشان ما يخافوش
تصدق ... ألاقي كتير منهم يقولوا كارتون ايه ... عاوزين مصارعة أو فيلم رعب ,,,
الاطفال اتغيرت كتييييييير عن زمان ... وتغيير للأسوأ طبعا
ربنا يستر ...
-
دى مصارعة هواة وملهاش علاقة تقريبا بالاتحاد الدولى للمصارعة اللى هى ماتشاته بتتلعب فى الاولمبياد، وفى امريكا ليها جمهور عريض وتذاكر بتتحجز قبل المباريات بوقت كبير وباسعار غالية مش رخيصة خصوصا فى بطولات معينة زى الرسلمانيا وغيرها، بس فى السنين الاخيرة اصبحت المباريات بتعتمد على سيناريوهات مكتوبة ومدبرة زى الافلام بالظبط وحركات كاميرا وانفعالات وتعبيرات مدروسة جدا ودخول مصارعين فى وقت معين فى المباراة لاثارة حماس الجماهير وغيره من الاساليب اللى واضح جدا ان فى كاست كبير وفاهم فى مجال الاثارة والتشويق السينمائى وراه، وفى النهاية هو مجال ترفيه زى اى مجال اخر وحاليا ملوش اى علاقة بالرياضة او الاخلاق الرياضية، "مجرد شو اكشن وخلاص"
-
دا كلة كوم والاعلانات اللى بين الماتشات كوم تانى
تيجر كنج على شداد القوة على معرفش اية
حاجة غريبة فعلا
-
اللى عايز يتابع اخر الماتشات هيلاقيها على الـ mbc action وابو ظبى الرياضية كل اسبوع، والقناة التالتة الكويتية كانت بتجيب ماتشات حديثة من فترة وطبعا القنوات دى صورة نضيفة ومفيش اعلانات تقريبا بس المواعيد مش فاكرها بشوفها بالصدفة
-
ههههههههههههههه
اهو اعلان. تايجر كينج ده .... من كتر ما بيتكرر على جميع القنوات بقت فضيحة المصريين بجلاجل .... ده الاطفال بقو حافظين اعلان تايجر كينج من كتر ما بيتعرض قدامهم .... دا احنا ماصدقنا خلصنا من اعلان. ( ها ياحبيبي برنلك طول الليل مبترودش موبايلك كان فاصل وقاطع شحن ) وقلنا الحمدالله انو اتمنع وطلعلنا اعلان تايجر كينج. لا وكل كوم واعلان كوميدي بتاع شوربة ابو علي اليمني هههههه قال ايه العلماء راحوا اليمن اكتشفوا ان في قبيلة عدد موليدها كتير ولقوهم بيشربوا يوميا شوربة ابو علي اليمني .... حاجة بجد تيكسف مدام هيا دوا ميروحوا يتنيلوا يبعوه في الصيدلية ويخلصونا ... بدل ما يجبولنا احباط ويكسروا في مجاديفنا .... هنجدف بايه ياترى اذا مجديفنا اتكسرت بايدينا هههههههه
بجد وما احزن قلبي وادماه جي افتح قنات ٢٥ يناير بصيت لقيتها قلبت وغيرت نشاطها وبقه اسمها ( توك توك) وكلها رقص على اغاني هبطة من بتاعت سواقين التكاتيك على شوية افلام هبطة زي كلمني شكراً وحين ميسره على المبي . .... قلت لنفسي حسرة على حال البلد. شكلهم حسبوها صح وقالوا لنفسهم بلا ٢٥ يناير. بلا ٢١ فوبراير. البلد في امس الحاجة لهيشك بيشك وقلبوها قناة التوك توك .... علشان يواكبوا العصر ( سبووبة برضوا ) .... واااااااااااا أأأسفاااااااه. ...واااااااا اسفاه ومعتصماه. وببااااه ... وممااااه .... وتحياتي
-
لسه كان معمول ماتشات ليها فى مصر التذكره كانت ب 3000 جنيه :)
و معظم الى بيتفرجوا على الحاجات دى الاطفال و بتخليهم دايما عصبيين و العنف بيذيد عندهم بدرجة كبيره
-
أصلا الماتشات دى كلها تمثيل فى تمثيل و كتير منها بيبقى عليه مراهنات و بالتالى الموضوع بيبقى تجارى فى الاخر و يخضع لحسابات المصالح و إحنا جمهور الدرجة التالته بتوع العالم التالت بنسقف على الحاجات دى و بنحب جو الخناقات من ايام الافلام الابيض و الأسود اللى كان البطل فيها اول ما يتخانق لازم يضرب كل اللى فى الفيلم و لو يطول يضرب المخرج و المنتج كان هيضربهم هما كمان :khd: . الفرجه على القنوات دى بتزيد العنف اللى هو عندنا زياده أصلا و كل شويه طالعين بواحد جديد big show على undertaker على المصارعة الحريمى و رقصه الزلموكه و اتفرج يا شعب و اتسلى :10D5C8w1107: :10D5C8w1107:
Content Relevant URLs by
vBSEO 3.6.0 PL2