العربيه دى شكلها هتقلب سوق العربيات فى مصر فى الفئه السعريه دى
اعتقد هتبقى منافس اول للفيرنا و اللوجان و هتتفوق عليهم ... ولا عزاء للشيفروليه لانوس لأن منصور خربها و مبقتش هيا الانوس اللى بيحبها الناس
العربيه دى شكلها هتقلب سوق العربيات فى مصر فى الفئه السعريه دى
اعتقد هتبقى منافس اول للفيرنا و اللوجان و هتتفوق عليهم ... ولا عزاء للشيفروليه لانوس لأن منصور خربها و مبقتش هيا الانوس اللى بيحبها الناس
لا طبعا غير باقيه الصينى طالما غبور يبقى متخفش منها غبور عارف ان الناس كلها بتشترى العربيه على سمعته وهو عايز يمسك العربيه دى فى السوق بدل الفيرنا فلازم وحتما يوفرها وكلامه انها هبقى موجوده فى المراكز المعتمده من الصيانات الاولى ليها فمعنى كده انها خلال سنه بالكتير هنلاقيها عن التجار العاديين
للاسف منصور بوظها فعلا تقفيلها بقى وحش بس بصراحه هى احسن من الفيرنا بصراحه فى الثبات والفرامل
لكن غبور بيكتسح السوق بالعربيه دى لا فيرنا ولا لانوس ولا لوجان ولا بى واى دى ولا اسبرانز و اخيرا جتلنا عربيه فيها امكانيات كوبيسه وبسعر محترم بصراحه بس ربنا يستر وميغليهاش
استاذ احمد دعباس هو معرض حضرتك فى القاهرة ولا فطنطا عموما فى الحالتين ممكن عنوانه اهو برضه فرصة نشوف حضرتك ونتعرفك بيك ونشكرك على مجهودك معانا
المعرض حضرتك فى طنطا وميتوهش يعنى حضرتك تركب السوبر جيت من القاهره او اسكندريه وتنزل من السوبر جيت تكلمنى فى التليفون حتلاقينى بسلم على حضرتك وندخل المعرض نتفرج ونتغدى كمان وياريت اتعرف على حضرتكم جميعا والله والشركه دلوقتى بتحاول انها تاخد موزع معتمد حتى فى القاهرة من غبور للجيلى على اعتبار اننا خدنا وكيله فى الغربيه وربنا يكرم
وانا تحت امركم فى اى حاجه ورقمى فى الملف الشخصى كلمونى فى اى وقت
مسألة غريبة شوية !!
رابط المشاركة
مسألة غريبة شوية !!!
رابط المشاركة (مقارنة ما بين موتور ال f3 و جيلي ايمجراند 7)
الجيلى الأيمجراند طولها وعرضها 4635-1789 ووزنها 1280 كجم وصاجها محمل وأثقل
والصنى الجديدة طولها وعرضها 4425-1695 ووزنها 1430 كجم ( الوزن أكتر لكن الأبعاد أقل من الأيمجراند ) ودى مسألة غريبة شوية لأن الجيلى بالأبعاد دى أكبر وأطول وأعرض من الصنى وصاجها اثقل
وبالتالى المفروض تكون أثقل ( الوزن بيأثر فى الأتزان والسرعة وإستهلاك البنزين ) !!!
ياريت تفسير للمسألة دى وهل ده بيأثر فى الأتزان ( بصرف النظر عن باقى العوامل الأخرى اللى بتأثر فى الأتزان )
وفيه مسألة تانية التعليق فى الجيلى أمامى ماكفرسون والخلفى عمود وذراع عزم ( هل ده torision beam ) والصنى الأمامى دعامة مستقلة ماكفرسون والخلفى ذراع تعليق متعدد الوصلات ( هل ده multi link ? )
ومنتظر الرد والتفسير لو سمحتم وشكرآ
بصراحة كنت حدخل اهاجم العربية و علي اي اساس ناس متوقعة النجاح ليها بس اخويا قاعد في السعودية و كنا بنتكلم فا بيقولي في عربية صيني علامتها زي الكاديلاك العربية دي مكسر الدنيا هناك و عاملة مبيعات جامدة و بيقولي ان مفيش صيني غيرها تقريبا
دا اللي حصل بالامانة
من جوبلز أستاذ غبور للجيلى الأيمجراند يا قلبى لا تحزن جوبلز وزير الدعاية لهتلر قال إكذب ثم إكذب ثم إكذب حتى يصدقك الناس
ويبدو أن غبور من تلاميذ جوبلز
السيارة إيمجراند تبنى دعايتها على أنها واخده 4 نجوم فى إختبرات الأمان والتصادم الأوروبية مستفيدة من خبرات شركة فولفو اللى إشترتها جيلى .......إالخ
ولكن طبعآ السيارة اللى واخدة الدرجة دى بالقطع مش اللى متقفلة فى مصر
فمثلآ ......مثلآ يعنى اللحامات اللى كانت فى السيارة الصينية كانت ببنط اللحام العادية المصرية ولا كانت بالروبوت والليزر
ومثلآ ....مثلا الأيرباجز كانت هى نفسها الموجودة فى التقفيل المصرى كما وكيفآ ولا أقل ولآ أكتر
ومثلآ مثلآ الشاسيه والزجاج .......إلخ اللى موجودين فى المصرى
- حسب قواعد وزارة الصناعة المصرى اللى لازم يكونوا بنسبة 40% على الأقل من مكونات السيارة - هما نفس اللى كانوا فى العربية اللى راحت الأختبار ولا دى كانت عربية متقفلة فى الصين وملهاش علاقة بالأسطى بلية بتاع اللحام إياه
دى السيارة اللى أخدت الدرجة دى فى الأختبارات لو كانت هى المصرى ده إحنا نبقى كده طولنا القمر بإيدينا ونبقى عدينا خلاص
http://www............com/vb/images/...97a[1].gif....ياعينى على النخع اللى عينى عينك الكلام ده يصح لو السيارة دى كانت مستوردة من بلادها مش متجمعة بإيدين الأسطوات بلية اللى لسه بيلحم بالأوكسجين مش بالليزر والروبوت
وقد قال المتنبى : وكم ذا بمصر من المضحكات ولكنه ضحك كالبكاء
وعجبى