كل مايخص السياره ايمجراند 7 (emgrand7) الصينيه الجديده والسعر مفاجأه بضمان غبور

**احمد دعباس** · 21-10-2012 12:19 PM

موضوع الاتوموتيك ده هو لسه مصرحش بيه بس ياريت ينزل منها اتوموتيك

**dedi** · 21-10-2012 12:32 PM

متابع هو فية ناس على الموقع قالت انة سعرها 749000

**michael rafik** · 21-10-2012 12:33 PM

المهم سعرها هايكون كام ؟ علشان موضوع السعر ده مهم جدا يعنى لو سعرها نفس سعر الفيرنا او ارخص هاتضرب الدنيا

**sanhory** · 21-10-2012 01:02 PM

دا تابلوه بالذمة ؟
انا شايف البريليانس fsv احسن منها بمراحل و بنفس السعر

**Dr.Mostafa Anwar** · 21-10-2012 01:24 PM

ذهبت أمس لمشاهدة السيارة بمعرض شارع عرابي بالمهندسين

أولا السيارة كحجم خارجي في حجم البريليانس جالينا أو أكبر سنة

الموتور الخاص بها نفس موتور التويوتا كورولا موديلات 2002-2007 لكن بسعة لترية أكبر وفيه نفس تكنولوجيا VVT

الصالون من الداخل واسع وأنا من ذوي الوزن الثقيل وطولي 195 سم وكان كرسي السائق بالنسبة لي مريح جدا جدا جدا كالسيارة الكورولا المعروف عنها اتساع صالونها "2002" والكنبة الخلفية حتى مع ارجاع الكراسي الامامية بالكامل متسعة وتاخد 3 اشخاص متوسطي الطول والوزن بشكل مريح جدا جدا جدا

خامات التابلوه بلاستيك جامد وليس طري لكن جودة التقفيل تضاهي أو أعلى من الكوري عموما وعزل المقصورة رائع بمعنى الكلمة ... لما تقفل الابواب كأنك عملت Mute للأصوات خارج العربية زي ما بتعمل في التليفزيون كده ودي حاجة ابهرتني

الشنطة بحرررررررررررررررر وتقفيلها خاماته ممتازة جدا

في عازل فيبر على غطا الشنطة من الداخل وكذلك الكبوت

الفرش الجلد جيد لكن جلد صناعي وواضح جدا "مش جلد طبيعي"

مستوى الدهان وتفنيشه ما عجبنيش نهائي ولاحظت ان أكر الأبواب الخارجية مثلا فيها حتت مقشرة كده والمعجون ظاهر من تحتها ... وفي الزوايا بتاعت الأبواب والكابوت المفروض بيبقى في شريط كده سميك بيقفل أو بيحاوط أطرافهم مش موجود والدهان في الأجزاء الداخلية زي الكبوت من الداخل "مسيل" وظاهر جدا

لكن للحيادية ما أعرفش هل العربية دي بس اللي فيها المشكلة دي وللا كل العربيات ...

لكن كمجمل ... العربية دي بسعرها ده وإمكانيتها دي هتزلزل سوق السيارات في مصر وهتزيح حاجات كتيييييييير قوي في طريقها

بالمناسبة أ.جورج اللي قعدت معاه في الفرع أكد لي إن الأوتوماتيك هتنزل أول شهر 12 بزيادة 12 ألف جنيه عن المانيوال وهيكون فيها فتحة سقف .... أنا شخصيا مستعد أبيع الكورولا واشتري العربية دي لو فعلا نزلت بالسعر ده 87 ألف جنيه

**hotta3637** · 22-10-2012 01:21 AM

هو الحجز عليها امتى؟ و الأستلام فى خلال وقت قد ايه ؟

**زكريا عمر** · 22-10-2012 11:30 AM

الحجز بداء من اول امس و الاستلام قبل 51/11/2012

**hammoda** · 22-10-2012 03:14 PM

انت عايز تقول يا عم مصطفى انها سيدان كبيرة الحجم لو طول الجالينا وبالسعر ده والكماليات دى ب75000 اشك الفديو على اليو تيوب مابيقولش كدة خالص

**Dr.Mostafa Anwar** · 22-10-2012 07:30 PM

المشاركة الأصلية كتبت بواسطة hammoda

انت عايز تقول يا عم مصطفى انها سيدان كبيرة الحجم لو طول الجالينا وبالسعر ده والكماليات دى ب75000 اشك الفديو على اليو تيوب مابيقولش كدة خالص

من البروشور الرسمي للسيارتين

الإيميجراند 2.64 متر

الجالينا 2.8 متر

يعني الفرق 16 سم لصالح الجالينا وده فرق صغير جدا ويمكن ده السبب إني اعتقدت انهم بحجم واحد ...

لكن برده الجالينا الكبوت بتاعها طويل عن الإيميجراند ويمكن يكون الفرق ده في حجرة المحرك بسبب إن محرك الجالينا 2 لتر في حين الإيميجراند 1.5 لتر فقط ...

عموما حتى مع هذا الفرق فالإيميجراند بهذا السعر فوق المنافسة