قدر الله وما شاء فعل

**khalid_adel** · 21-10-2012 02:14 AM

المشاركة الأصلية كتبت بواسطة se_coralsea

حمدا لله علي سلامتك يا كيمو و فداك 100 اكصطدام و زينون و فوج لايت , نجيب لك زيهم في عيد ميلادك الجاي أن شاء الله

المهم ..
بعد كده لما تتحط في موقف زي ده تاني لاقدر الله ماتحدفش علي الرصيف لأنه ممكن لاقدر الله لو سرعتك عالية يسبب مشكلة أكبر , أنا عندي أدخل في البني أدم اللي بيرمي نفسه عليا ده و لا أني أدخل في الرصيف علشان ابهدل له عربيته و أحسره عليها زي ما بهدل لي عربيتي

للاسف هيا بقت حرب شوارع مش قيادة و فن و ذوق و أخلاق
ربنا يستر طريقنا كلنا و يرحمنا برحمته من الاغبياء دول

انا نفسي اعمل اللي بتقول عليه ده ومش عاااااااااارف
لسه كنت ماشي علي الدائري علي 120 تقريبا وفي الشمال فجاءه عربيه لقيتها جايه من اليمين وغرز وقال داخل عليا داخله
رد فعلي الطبيعي اني كسرت معاه شمال فجاءه وبعنف خلاني كنت حدخل في الاسمنت فلميت تاني بسرعه العربيه كانت حتعوم وروحي اتسحبت معاها
طب دلوقتي حته الحمار ده كان ممكن يقلبني وهو كده كده عداني وولا كان حيقف حتي يشوفني انه سببلي كارثه (لولا ستر ربنا)
وبعد الموقف ده ماخلص انا كان نفسي اثبت زي مانا وهو اللي كان حيتخبط في طرف عربيته في رفرفي من قدام يعني هو اللي كان حيتقلب لو لمسني الحمار لكن باللي انا عملته ده كان ممكن انا اللي اروح فيها
اعمل ايه في رد فعلي التلقائي ده مش عارف في تمارين تخليني اغير من نفسي كده ؟؟؟؟؟؟؟ ردو عليا بالله عليكو

**zangry** · 21-10-2012 02:31 AM

الحمدلله انها جات على قد كده !! والف سلامة وفدااك

احنا نزلنا من فوق الدائري الشهر اللى فات بالتيدا بسبب حمار معاه ماتريكس حدف علينا ووالدى كسر شمال وهدى طبعا العربية عامت احلى عومان وكنا 120 تقريبا خبطت في الحاجز وردت تانى خبطت في عربية جامبو من ورا وقمنا داخلين في الحاجز بوشنا ونازلين تحت :d

طبعا العربية الله يرحمها

**M.Ayman** · 21-10-2012 03:13 AM

المشاركة الأصلية كتبت بواسطة ahmed-adel

ربنا يعوض عليك :(

على فكرة دايما الناس دي عمرها متخبط :)
تلاقيه يعمل المصيبة و يطلع منها زي الشعرة من العجينة :)
و يمشي عادي خالص ولا في دماغه

+11111111111
والله فعلا كل النوعيه الغبيه دى بتعمل مصيبه ترزع عربيتين تلاته فى بعض ,,, تطلعك على الرصيف تجيب العفشه مثلا ,,,, و هما ولا ال .... يطلعوا مفيهمش حاجه و يجروا و يسيبوا الباقى ياكل فى بعضه ,,,, نفس اشوف الناس دى عشان اردلها جمايلها

**A.Adel** · 21-10-2012 03:17 AM

المشاركة الأصلية كتبت بواسطة khalid_adel

طب دلوقتي حته الحمار ده كان ممكن يقلبني وهو كده كده عداني وولا كان حيقف حتي يشوفني انه سببلي كارثه (لولا ستر ربنا)
وبعد الموقف ده ماخلص انا كان نفسي اثبت زي مانا وهو اللي كان حيتخبط في طرف عربيته في رفرفي من قدام يعني هو اللي كان حيتقلب لو لمسني الحمار لكن باللي انا عملته ده كان ممكن انا اللي اروح فيها
اعمل ايه في رد فعلي التلقائي ده مش عارف في تمارين تخليني اغير من نفسي كده ؟؟؟؟؟؟؟ ردو عليا بالله عليكم

ده اللي بقول عليه , عمره مايقف يشوف غلطه
و دايما سبحان الله تلاقيه بيطلع منها سليم

بس هيروح من ربنا فين؟؟
أكيد بتتردله بعد كده

**dozo** · 21-10-2012 03:18 AM

اولا حمدالله على السلامه و ف داهيه الصاج . انا حاسس بشعورك بعد الخبطه و عايز تبيع العربيه بس لو هى مريحاك و عايز تبيع عشان كده بس انصحك بعدم البيع لانك بعد متصلحها ان شاء الله حترجع تحبها.
ثانيا: نصيحه من اخوك بلاش السرعه لو انت ضامن سواقتك انت مش ضامن سواقه اللى حواليك و اعتقد ان ده اللى حصل.
ثالثا : من الاخر بلدنا المحروسه حاليا مافيهاش مرور اصلا يعنى تلاقى تاكسى وقف مرة واحده فى نص الشارع عشان يركب زبون تلاقى ميكروباصات تحدف عليك مره واحده يعنى ولا فن ولا دوق و لا اخلاق و ربنا هو الحارس

**A.Adel** · 21-10-2012 03:37 AM

تبيع إيه يا راجل !!!! ,دي الحمد لله خفيفة
أنا لسة واخد بالي من حوار البيع ده
أُمال لو جامدة شوية كنت عملت إيه

ده على كده ahmod يولع في عربيته الياريس :)
كل شوية تتخبط

الحمد لله إنك سليم و بدام جت في فلوس مش مشكلة

**Ashraf_Ibrahim** · 21-10-2012 04:45 AM

اولا حمدالله عالسلامة يا كيمو يا سديكي :d
ثانيا حسك عينك اسمع كلمة ابيع دي
يابني عربيتك كويسة جدا ما شاء الله بس انت اهدى شوية وراعي انها اتوماتيك
وقول الحمد لله انك لميت الموضوع والخبطة عدت على خير