يا عمالقة الاوبل عندي مشكلة بسيطة كدة وهي ان الفتيس النقلة الخامسة مش بتيجي المهم كل الميكانيكية اجمعوا ان في حاجة اسمه((ضفدعة اتياش الفتيس)) عايزة تتغير السؤال هننا ايه الضفدعة دي ومسؤلة عن ايه واجيبها جديدة ولا استيراد محتاج خبراتكوا معايا
عرض للطباعة
يا عمالقة الاوبل عندي مشكلة بسيطة كدة وهي ان الفتيس النقلة الخامسة مش بتيجي المهم كل الميكانيكية اجمعوا ان في حاجة اسمه((ضفدعة اتياش الفتيس)) عايزة تتغير السؤال هننا ايه الضفدعة دي ومسؤلة عن ايه واجيبها جديدة ولا استيراد محتاج خبراتكوا معايا
موقف زى ده بالظبط حصل مع واحد صاحبى ... كانت العربيه لايمكن تاخد الغيار التانى الا بالرزع وممكن ماتخدوش اصلا
راح للميكانيكى قاله هاتغير فتيس .... راح لواحد تانى احسن منه قاله فى فبره فى حوض الموتور عند الفتيس عاوزه تتغير بحوالى ٢٠ او ٣٠ جنيه ... غيرها وبقت الغيارات زى الفل
مش عارف الفبره دى هى الضفضعه ولا حاجه تانيه بصراحه
بس خليك مع ميكانيكى ثقه
تحياتى
باشا فتيس أستراد وريح الدماغ ولا تفك ولا تعمل وكله عايز يعمل شغل على كله
اعتقد ده ظبت مش اكتر حاول بس تكشف عند ميكانيكى اوبل او واحد عندو ضمير
هل الضفدعه دي محتلفه عن العقربه ؟
هو لغه الصنايعيه ايه اللي دخل فيها الحشرات والبرمائيات .......... عجبي
تمام كده
المشكله دي حصلت معايا في اوبل 97 وكانت مبترضاش تاخد خامس وسفرت بيها علي الرابع ووديتها عند ميكانيكي هناك في اسيوط ومعرفش يصلحها بس فهمت منه الدنيا
ولما رجعت وديتها للميكانيكي وقال ان في فبره او حته بلاستيك كده مكسورة وعلشان كده مبتاخدش الخامس
بس انا عملت حركه خلبوصه كده وكنت بديها الخامس
رفعت الوش بتاع الفتيس بحيث تبقي شايف مكونات الفتيس وكان معايا واحد صاحبي يزنق الدراع بايده وادي الخامس وكان بيجي :)
جربها وهتعرف تجيبها
لا ماتغيرش فتيس كلام الميكانيكي قريب جدا من الصح
تغير فتيس ليه بس يا باشا ده ميكانيكى على قدة.المشكلة كلها فى العقربة بيبقى فيها بنز مبوش الميكانيكى بيغيره او بيظبط العقربه مع النقلات وهتبقى تمام ان شاء الله.
اطمن علشان كان عندى نفس المشكلة فى الفيكترا ايه ومخدتش 5 دقايق.
وحصلت معايه فى البى وكانت القربة متركبة بالمشقلب من ميكانيكى غبى كان شغال عنده صاحب العربية الاولانى.
الاوبل ليه الناس بتاعته مش اى ميكانيكى يشتغل فيها.
تظبيط مجموعة الفتيس اللى فوق الفتيس لا اكتر ولا اقل