+111
عرض للطباعة
اولا مشكور للنصيحه
ثانيا مفيش ايفو فى مصر ستوك متزعلش منى مش بكدبك بس انا بقولك من واقع بنعيشه مع الناس اللى بتعدل العربيات
و بعدين هيثم سمير نصين
معتز عاطف نصين
زوزا نصين
ماجد نصين
ناصر الفيومى نصين
يعنى دول بشوات بلدك فى الايفوهات و كلهم نصين
ازاى حضرتك جبت عربيه مش نصييييين ممكن تفهمهالنا لان انا مش فاهم ازاى شاسيه ايفو شرعى لانى هجيبه منين اصلا
و شكرا ,,,
^_^
شكرا" عالنصيحه الغالية
الموضوع يتلخص علي حد فهمي في الاتي
فيه عربيات انصاص بتيجي عادي لمصر استيراد علي اساس انها قطع غيار
فيه ناس متخصصه تلحمهم تاني وتضربليهم ورق وتبعهم بتمن بخس مقارنه بتمنهم ااصلي
وبيقدروا بطرق ملتويه انهم يطلعولها رخص
الطريقه التانيه
انك نفسك في عربيه ايفو مثلا فبتهمل ايه بتجيب عربيه لانسر عاديه وبتعدلها للنسخه الايفو
وبتروح المرور تثبت الكلام ده علي الرخص
كده انت قانوني
صحيح العربيه مش بتطلع ذي النسخه الاصليه بس اديك حققت حولي 70% من اللي انت عايزه
وبتكون ماشي في السليم
أولا مين زوزة ده هاهاهاها...
دول مش باشوات البلد في الايفوهات ولا حاجة بلاش تلميع على الفاضي نستثني منهم معتز لانه فاهم ايفو وهيثم كسواقة .
في في مصر أكتر من عربية ايفو سليمه مش عربيتي وبس
تامر باشات 5 معاه من سنين
جاسر 6 كانت مركونة بقالها 10 سنين لأن موتورها كان بايظ وساعتها الناس مكتش تعرف إيه ايفو دي و جددها تاني من سنتين
شهاوي 9 '' اتباعت ''
خالد امام 10 من التوكيل بـ 600 ألف جنيه
شريف 7 طيار وجابها معاه من أمريكا
كريم 9 من التوكيل
أحمد قباني 9
في أكتر من 3 عربيات 10 أوريجينال
وغيرهم كتيرمش نصين ولا منقولين وفيه كمان STI أوريجينال الشكل الجديد الهاتشباك
أنا معرفش إيه الواقع اللي إنت بتعيشه لكن البلد فيها عربيات كتير مابتظهرش واصحابها مش في دماغهم إنها تظهر
تعرف إن فيه مرسيدس برابوس في مصر وبورش Ruf وملاكي !
بالنسبه للشاسيه أنا قلت اللي هيتنقل عليه الايفو مش شاسيه الايفو هو اللي يكون شرعي وليه ملف في المرور
أي ايفو منقولة ماهي تعتبر مش نصين ولو واحد مش فتك وعارف خبايا الايفو هيفتكرها ستوك حتى لو اتشقلب قدامها لو معمولة صح هاهاهاها...
فاهم يا استاذى
^_^
[color="rgb(0, 191, 255)"][/color]
كل الناس دى اعرفها عدا جاسر و شريف و كريم
بس انت ادرى بقا فى حته انها ستوك دى
و زوزا ده ملوش فيها اصلا بس بيلحم العربيات و بيبيعها لانه تاجر فا علشان كده انا ذكرت اسمه لانه معاه
^_^
وإيه يعنى منا شفت 911 تربو ع الزيرو
يا اخى انا نفسى اعرفك على الحقيقه مستحرم انى معرفش شخصيه محترمه زيك ,,,, والله من زمان و انا معجب بكل كلمه بتقولها و انا بحمد ربنا انى تراجعت فى قرارى قبل ما اشترى ايفو 8 نصين و روخت اشتريت e36 ال 1600 سى سى ,,, طبعا فرق السما من الارض فى الاداء بس كده لو حتى ضربت M فى دماغى هنزله عليها و ابقى فى السليم .... و فى حاجه اسمها روح القانون يعنى هما معرفوش انها نصين غير قبل ما يسافر علطول طب كانوا حتى يسيبوه يطلع بيها يجيب مركز و لما يرجع يبقى الكلام يختلف