الموضوع: تحذير لكل اللي عايز يعمل عربية ايفو أو m

اولا مشكور للنصيحه

ثانيا مفيش ايفو فى مصر ستوك متزعلش منى مش بكدبك بس انا بقولك من واقع بنعيشه مع الناس اللى بتعدل العربيات

و بعدين هيثم سمير نصين

معتز عاطف نصين

زوزا نصين

ماجد نصين

ناصر الفيومى نصين


يعنى دول بشوات بلدك فى الايفوهات و كلهم نصين


ازاى حضرتك جبت عربيه مش نصييييين ممكن تفهمهالنا لان انا مش فاهم ازاى شاسيه ايفو شرعى لانى هجيبه منين اصلا

و شكرا ,,,

^_^

المشاركة الأصلية كتبت بواسطة abdulkhaleq

يافندم عربيه لانسر اوراقها سليمه مصريه
بتتعدل ايفو بينزلها موتور ايفو وبيلحم الشنطه وبيركب الزوايد من رفارف وكده

فاهم يا استاذى
^_^

المشاركة الأصلية كتبت بواسطة evo

أولا مين زوزة ده هاهاهاها...

دول مش باشوات البلد في الايفوهات ولا حاجة بلاش تلميع على الفاضي نستثني منهم معتز لانه فاهم ايفو وهيثم كسواقة .

في في مصر أكتر من عربية ايفو سليمه مش عربيتي وبس

تامر باشات 5 معاه من سنين
جاسر 6 كانت مركونة بقالها 10 سنين لأن موتورها كان بايظ وساعتها الناس مكتش تعرف إيه ايفو دي و جددها تاني من سنتين
شهاوي 9 '' اتباعت ''
خالد امام 10 من التوكيل بـ 600 ألف جنيه
شريف 7 طيار وجابها معاه من أمريكا
كريم 9 من التوكيل
أحمد قباني 9
في أكتر من 3 عربيات 10 أوريجينال
وغيرهم كتيرمش نصين ولا منقولين وفيه كمان sti أوريجينال الشكل الجديد الهاتشباك
أنا معرفش إيه الواقع اللي إنت بتعيشه لكن البلد فيها عربيات كتير مابتظهرش واصحابها مش في دماغهم إنها تظهر
تعرف إن فيه مرسيدس برابوس في مصر وبورش ruf وملاكي !

بالنسبه للشاسيه أنا قلت اللي هيتنقل عليه الايفو مش شاسيه الايفو هو اللي يكون شرعي وليه ملف في المرور

أي ايفو منقولة ماهي تعتبر مش نصين ولو واحد مش فتك وعارف خبايا الايفو هيفتكرها ستوك حتى لو اتشقلب قدامها لو معمولة صح هاهاهاها...

[color="rgb(0, 191, 255)"]

كل الناس دى اعرفها عدا جاسر و شريف و كريم

بس انت ادرى بقا فى حته انها ستوك دى

و زوزا ده ملوش فيها اصلا بس بيلحم العربيات و بيبيعها لانه تاجر فا علشان كده انا ذكرت اسمه لانه معاه

^_^

[/color]

وإيه يعنى منا شفت 911 تربو ع الزيرو

المشاركة الأصلية كتبت بواسطة Evo

الموضوع انتشر بشكل كبير لانه ارخص واوفر بكتير والناس بقت بتستهبل وتحط أي ورق والسلام والزبون فرحان لانه بيستلم عربية مترخصة 3 سنين بربع تمنها

الوضع مختلف دلوقتي المباحث بقت بتعمل لجان مخصصه بس علشان يمسكو العربيات دي وفيه لجان في الحرفين وأمناء شرطة ماشيين يدوروا عليها وبيمسكوها في الورش نفسها .
و طبعا مركزين قوي قوي مع ال BMW و الميني والميتسوبيشي .

اتمسك قدامي '' ظابط '' راكب ميني وخدوها منه لانها نصين وطبعا لو مكنش ظابط كان اتاخد مع العربيه وأنا نفسي مع إن عربيتي مش نصين والله لكن في كل لجنة مطلعين عيني ولازم اركن معاهم شوية يعاينو

لذلك أي حد عاوز يعمل عربية سبور ايفو أو M أو غيرها النقل على عربية Host أحسن

شاسيه شرعي ومجرد تغير ورق الموتور في المرور وتكون ماشي في السليم بعدل ماتتحبس ويصادروا العربيه

رامي سري المباحث هتكون مستنياة في مطار القاهره للقبض عليه وهو راجع من الأردن وللي ميعرفش هو عربيته اتمسكت في جمرك نويبع لانها نصين .

بالنسبه للايفو 4,5,6 بتتنقل على شاسيه الكرستاله بدون أي مشاكل نهائي
ايفو 7,8,9 بتتغير الشنطة الخلفية فقط وتركب على شاسيه مكوه أو بومة
ال M للي عاوز يعرف 46 أو 92 هقوله تتنقل إزاي على 316 E46 أو E92 أو E90

لكن نصيحه لوجه الله


ابعد عن النصيين

يا اخى انا نفسى اعرفك على الحقيقه مستحرم انى معرفش شخصيه محترمه زيك ,,,, والله من زمان و انا معجب بكل كلمه بتقولها و انا بحمد ربنا انى تراجعت فى قرارى قبل ما اشترى ايفو 8 نصين و روخت اشتريت e36 ال 1600 سى سى ,,, طبعا فرق السما من الارض فى الاداء بس كده لو حتى ضربت M فى دماغى هنزله عليها و ابقى فى السليم .... و فى حاجه اسمها روح القانون يعنى هما معرفوش انها نصين غير قبل ما يسافر علطول طب كانوا حتى يسيبوه يطلع بيها يجيب مركز و لما يرجع يبقى الكلام يختلف