الموضوع: ازاى تعرف ان السيراتو دى سعودى ومش اى خليجى تانى؟؟؟

شكرا لكل عضو اهتم ورد والظاهر ان التجار المصريين مش هنعرف ناخد منهم حق ولا باطل انا هشوف ارخص تمن لان الاوبشن الزباده نقصان فى اوبشن تانى هما مش هيدونا حاجه اوفر ابدا بس انا محدد تقريبا اتنين محتار بينهم زى بعض فى كل حاجه بس واحده كاسيت سى دى اصلى والتانيه دى فى دى وكاميرا خلفى بس صناعه صينى اختار ايه؟؟

انا عن نفسي اخترت الاصلي محترم جدا عن تجربه

بص ياباشا اذا كنت حضرتك بتشترى كيا سيراتو 2013 الهاى لاين يبقى لازم هتلاقى فيها الحاجات دى ولو ملقتش فيها نفس المواصفات بالظبط يبقى هى مش هاى لاين ومعدلينها زى ماحصل مع ناس فى مصر كتير
1- فتحة السقف 2- فرش الجلد 3- كاميرا خلفيه 4- دى فى دى وشاشه لعرض صورة الكاميرا - 2 اير باج وليس واحد 5-حساسات 6 طبعا المكيف ديجيتال وليس مانيوال اللى هو بيجى 3 بكرات بيتلفوا يدوى 7- الجنوط 17 الفضى مفيش فيها لون اسود والمقابض بيجى عليها كروم من بره والاوكر من جوة برده كروم وفى اشاشارات على المرايات والمرايات بتتقفل كهرباء وهى دى المواصفات الخليجى اما رقم اتنين اللى بعد الهاى لاين دى اللى انا اشتريتها لو عاوز مواصفاتها اقولهالك برده وربنا يوفقك ان شاء الله

أبو ليلى جاب من الاخر لازم تكشف على ال vin
أنا اشتريت من ريان سيراتو 2011 سعودى ولما روحت كشفت على الفين لقيتها عمانى بالرغم ان القايم مكتوب عليه الخليجية السعودية

المشاركة الأصلية كتبت بواسطة salodas

أبو ليلى جاب من الاخر لازم تكشف على ال vin
أنا اشتريت من ريان سيراتو 2011 سعودى ولما روحت كشفت على الفين لقيتها عمانى بالرغم ان القايم مكتوب عليه الخليجية السعودية

وازاى اكشف عليه؟؟؟او اتاكد منه؟؟ولو استقريت على عربيتين زى بعض بالظبط فى كل شيئ حتى السعر بس واحده سى دى اصلى والتانيه دى فى دى وكاميرا متركبين اختار ايه؟؟

المشاركة الأصلية كتبت بواسطة mhf_77

وازاى اكشف عليه؟؟؟او اتاكد منه؟؟ولو استقريت على عربيتين زى بعض بالظبط فى كل شيئ حتى السعر بس واحده سى دى اصلى والتانيه دى فى دى وكاميرا متركبين اختار ايه؟؟

تاخد اللي فيها الكاسيت الاصلي لأن الدي في دي الصيني اللي فيها ده ماركه الله أعلم ومتضمنش انه يعمر معاك ولو بعدين حبيت تجيب دي في دي جيبه وساعتها تختار انت الماركه اللي على مزاجك ويكون سمعته كويسه.

السعودى لازم تتعرف من رقم الvinدى اول حاجه
السعودى بيكون فيها مفتاح تعديل اضاءه الكاشافات الاماميه من الداخل و بيكون فيها حساس الحرارة جنب الساعه و بتنزل بطاسات 15 او جنط 15 على حسب ولازم الكبوت يكون مطبطن و يكون فى كفر للمحرك و الشنطة بتكون مطبطنه و الكاسيت بيكون عريض سيبك من اللى يقولك دى فى دى و كاميرا كل الحاجات دى متركبه هنا و بياخدوا الكاسيت الاصلى
العربية اللى تنوى انك هتشتريها خد رقم ال vin و اكشف عليه الاول قبل ما تحجزها وربنا يوفقك للخير