عليا النعمه لهسيب البلد الو... دى

**BESO516** · 21-10-2012 04:16 PM

والنبى خدنى معاك هههههههه

والله بحاول اسيب البلد بنت التيييييييييت دى من شهر 5 اللى فات ومفيش حاجه مناسبه ده سبب
السبب التانى والدى متمسك بيا عشان الشغل وده يمكن اكتر شىء مش عايز اسيبه عشانه

غير كده نفسى اهج من الدنيا كلها مش من البلد دى بس والله

**ahmedeihab** · 21-10-2012 04:19 PM

و الله يا جدعان الواحد عايز يعمل زى فيليكس كده بلظبط

يطلع بره المجره المنتنه دى

و يغمض عينه و يلف شويه بلكبسوله

و بعدين هوووووووووب يقوم ناطط و بختك يا ابو بخيت بقاااااااا اللى حظه حلو هينزل روسيا

^_^

**Egyzizo** · 21-10-2012 04:50 PM

أنا حماتى (65 سنة) لسه راجعة من أمريكا امبارح .. وبتقول ماكنتش عايزة أرجع
طب ليه يا حماتى ، قالت لى علشان هناك باعرف أمشى فى الشارع لوحدى لكن فى مصر ماباعرفش.

**koshary** · 21-10-2012 05:26 PM

خدنى معاك ياعم احمد

**maryano** · 22-10-2012 12:13 AM

بصراحة انا كونت زي حضرتك كدة بظبط بس لقتني لا حيجيلي الضغط او السكر وانا لسه صغير فخدت نصيحة واحد صحبي اخليني بارد و مستفز واللي يضيقني استفزو و اضحك في وشو وربنا يصبرنا لاما يكتبلنا نحرج من البلد دي علي خير او بخدنا عندو

**Mohamed.Ramah** · 22-10-2012 01:12 AM

ياريت بجد تشوفلى مع حضرتك احسن انا خلاص جبت اخرى بمجرد ما رجلى بتلمس ارض الشارع كان النزول من البيت اهانة لادمية الواحد من كل شىء بلد اصبحت زبالة بمعنى الكلمة والوضع اصبح ممل لابعد الحدود حتى تجربة ان الواحد ينعزل عن الناس مبتجيبش نتيجة وبرضة القرف بيجى للواحد من كل مكان بجد بلد اصبحت مليئة بالكأبة والمشاكل والهم حتى التلفزيون بقى مقرف يعنى خلاص الواحد جاب اخرة فعلا فقر وجهل وشوارع زحمة والاسعار غالية فى حجات ملهاش لازمة حتى الواحد بيفكر هو صرف مبلغ كبير فى اية لما رجع بيلاقى انها كلها حجات متستاهلش وانة اتسرق بمعنى الكلمة مش عارف بجد ازاى عندنا فى مصر كل الهم والقرف دة ولسة عايشين ومكملين !! ربنا سبحانة وتعالى مصبرنا ولاكن احنا بجد خلاص مش قادرين نكمل بالشكل دة تعب فى كل شىء

**bakkarahmed** · 22-10-2012 04:27 AM

قلبت عليا المواجع..الواحد عايش ومش عايش في نفس الوقت
انا معاك في كل اللي انت حاسس بيه..فعلا علي رأي واحد قالها قبل ما يموت ...الشعب المصري غير مؤهل للديموقراطيه..وساعتها كنا زعلانين من كلامه...
انا مابقتش عارف اسوق خالص لدرجه اني باخد تاكسي للشغل كل يوم وباريح دماغي من الزحمه والركنه وقله الادب بتاعه السواقه ..
كل اصحابي المقربين سافروا برده سواء دول عربيه او اجنبيه
لما باسألهم الاخبار ايه..الاقي نصهم مبسوط ومش ناوي يرجع ولما بينزل اجازه مصر مش بيستحمل يكملها للاخر وبيقطعها في نصها
والنص التاني بيقول ان الاشكال الو... دي في كل مكان يبقي الوضع في مصر افضل
علشان كده انا باطحن نفسي شغل تقريبا طول اليوم وبارجع اخر اليوم بيتي احفظ فيه كرامتي..ومن وقت للتاني باخطف سفريه اغير بيها جو....ربنا يصبرنا ويهدي الجميع

**ahmedeihab** · 22-10-2012 12:08 PM

ايه ده ايه ده

ده مش انا لوحدى عندى نفس الاحساس ده

ده الشعب كله زهق من البلد الو... دى

طب يا جدعان اى حد عنده اى اقتراح يقولهولنا اهو الواحديبقى نفسيته احسن من كده

لان بجد الواحد نفسيته تحت الصفر بسبب الشوارع المعفنه اللى احنا بنعيشها دى

اى اقتراااااااح اى حاجه

و الله الواحد بيفكر يطلع سفريه من بتوع تركيا دول و يكسر الفيزا و ميرجعش البلد المنتنه دى تانى بس للاسف العيشه هناك غاليه

و حصل حاجه امبارح بردو هعمل بيها موضوع دلوقتى و اجيبهولكوا

و ده بيدل على ان الاخلاق مش فى العالم المؤهلات المتوسطه انما فى ولاد الناس بردو المتعلمه

^_^

**Mohamed.Fawzy** · 22-10-2012 12:25 PM

البلد بقت زفت ... و الناس بقت وحشه قوى و كله مبلطج على كله

انا بحس ان سواقين التاكسيات و الميكروباصات و النقل قبل مينزلوا من بيوتهم الصبح بيشيلوا عقلهم و يحطوا مكانه جزمه قديمه

بس برضه الأمل فى ربنا كبير .... ربنا يخدهم و يريحنا من شرهم

الموضوع: عليا النعمه لهسيب البلد الو... دى

LinkBack

أدوات الموضوع

عرض

-

-

-

-

-

-

-

-

المواضيع المتشابهه

طلع عليا بلطجيا ضربو عليا نار والعربية ادمرت لا حول ولا قوة الا بالله

عليا النعمه احنا شعب نمره السنين ^_^

الحمد لله .. على هذه النعمه

مصر واهانة المواطن على جميع المستويات انا عايز اطفش من البلد دى البلد دى مش بتاعتنا

يا سيستاوية حنوا عليا و ردوا عليا لوجه الله

الكلمات الدلالية لهذا الموضوع

المفضلات

المفضلات

ضوابط المشاركة