هحكى اللى حصل معايا امبارح
كنت رايح مطار القاهره و بعد منزل كوبرى المطار و داخل على الكوبرى على طول
فا ماشى فى الطريق كان فاضى
فا قمت داخل دخله غلط فا بسأل على صاله وصول 3 و لفيت و رجعت
لقيت زفه عربيات عريس و عروسه
المفروض ان دول ناس محترمه و مش لازم يقفلوا الشارع بالطريقه دى
الغريبه بقا ان فيه عربيات نضيفه جداااا فى الزفه
و هما قافلين الطريق و انا الطياره كانت وصلت
فا عايز انجز علشان الناس فى الشارع
فا يشكروا انهم سابولنا الحاره اليمين
بدون سابق انذار
بلاعه ضخمه جداااااااااااااااا ( بس الحمد لله دى فادتها )
و ببص فى المرايه قلت الحمد لله انى عديتها لانها كانت ممكن تكسر الجنط
مفيش ثانيه و بلاعه تانيه فى كسر فى الاسفلت بينه و بين البلاعه ييجى بتاع 30 سم
و فى لمح البصر التاكسى بيفادى البلاعه معرفش فا لبسها
و انا بعديه اخدت الكسر ده
حسيت ان العربيه اتكسرت من بعضها
و سمعت صوت فسسسسسسسسسسسسسسسسسسسسس
روحت عند اول بتاع كاوتش
لقيت عنده زحمه موووووووووت ييجى بتاع 10 عربيات منهم ملاكى و سوزوكى و ربع نقل
و كله جاى بسبب ان الفرده يا اما فرقعت يا اما اتخرمت بسبب الكسر ده
طبعا رجعنا مكان الكسر انا و كام واحد كده
و حطينا عليه حجر و عليه عصايه و فوق العصايه كرتونه
علشان البهايم اللى بتسفلت الطريق ده يعرفوا ان فيه هنا مصيبه
الخساير
الفرده بتاعتى الحديد بتاع البلاعه كان حامى فى قطع الفرده من الجنب قطه ييحى بتاع 1 سم
اضطريت انى ارجعها ورا مع ان الفرد دى معملتش 5 الاف كيلو على بعض
و 40 جنيه حق تصليح الكاوتش
الحمد لله قدر الله و ما شاء فعل
انا مش زعلان على الكاوتش اللى باظ ولا العطله فى الشارع ولا اى حاجه من دى
انا زعلان ان ده طريق المطار بتاعنا
يعنى المفروض ان كل واحد داخل او خارج من البلد بيعدى من الطريق ده
و ده وجهه الطرق
انا لو واحد جاى من بره و لبست بلاعه زى دى اول حاجه هقولها اذا كان الطريق بتاع المطار كده ما بالك باقى الطرق ايه
و البهايم اللى بتسفلت الطرق دى شغاله ليه اصلا !!!!!!!
عايز حد يفهمنى
و بياخدوا فلوس على ايه
مش حرام 10 عربيات واقفين عند بتاع الكاوتش اللى فردته فرقعت و اللى الجنط اتلوح و اللى الفرده اتخرمت
اه رزق بتاع الكاوتش
بس حرام يا جدعان اللى بيحصل فينا ده
و انا لسه عند رأيي
و النعمه لهسيب البلد الو... دى
^_^