الفتيس بيعض ياريت تساعدوني برأيكم
السلام عليكم
العربية لانوس 2001
الحكاية بتاعة الفتيس انه في الاول لقيت له صوت و رحت لقيت بلية الفتيس هي اللي بتعمل صوت فقولت خلاص هعمل مش واخد بالي
المهم بعديها غيرت اويل سيل عقربة و بعد ما غيرته بمفيش كام يوم بقي الفتيس بيعض بس مش اول و مش بيعض غير علي الاول فقط و لازم اكون متحرك و مش علي طول
اليومين دول و طبعا انا اهملت في العضة لان مفيش وقت اصلح و اروح و اجي لقيت العضة زادت اوي و الصوت بقي عالي
هل كده الفتيس باظ ؟ اجرب اغير العقربة ؟ هل ده رجلاش عقربة ؟ ايه غوايش الفتيس اللي بسمع عنها هنا ؟
عصاية الفتيس فيها بوش خفيف جدا و كنت قريت هنا ان دي بداية اعراض تلف العقربة هل الكلام ده صح ؟
منتظر مساعدتكم بجد لان الموضوع قالقني جدا