الموضوع: للبيع اسبورتاج اول فئة

المشاركة الأصلية كتبت بواسطة mohamed_selim

و الله اعلم الموضوع مملوش علاقه انت شارى بكام ... انت هتشوف الفئه دى بكام فى السوق النهارده و هتنزل شويه لانك تعتبر كسر زيرو و كده تقدر تحدد السعر اللى هتطلبه

المشاركة الأصلية كتبت بواسطة mmbadroo

ربنا يوفقك فى البيع ان شاء الله

المشاركة الأصلية كتبت بواسطة mohyeldin1974

1- ادخل على مواقع بيع السيارات المستعمل واعرف منه رنج البيع لكسر الزيرو للفئه بتاعتك وعلى سبيل المثال كونتاكت كارز او موقع نايل موتورز نفسه
2- اعرضها لاعلى سعر لو انت مش مستعجل
3- اعتقد والله اعلم تبتدى بالسعر اللى انت اشتريت بيه وممكن فى المفاوضات تنزل شويه بشويه حسب استعجالك فى البيع

ربنا يحسن سوقها ان شاء الله

شكرا ليكوا كلكوا و بالاخص الاستاذ محيى الدين. الحمد لله تم البيع.

المشاركة الأصلية كتبت بواسطة طارق _عبد السلام

ازاى بيبيع بأوفر برايس ويكون محترم ازاااااااااااى
يعنى السلعه متوفره وبيمنعها على الناس ويستغل الطلب عليها يعنى سوق سوداء ويبقى محترم ازااااااااى

يا سيدى الفاضل الموضوع عرض و طلب و هو مش محتكر السوق , فية غيره كتير و لكن ده شهاده حق لما لمسته هناك من حسن معامله العميل و الاهتمام بكل شىء.

و ايضا هو الاقل سعرا فى كل المعارض (فى وقت شرائى العربيه).

الاخ احمد هشام
اولا لا شكر على واجب احنا هنا عشان نساعد بعض ، بس ليا استفسار عند حضرتك بعد مابعت العربيه كده وبالامانه ايه رايك فيها لان فى ناس كتيره عايزه تجيبها وقلقانه من الكورى

المشاركة الأصلية كتبت بواسطة mohamed_selim

مبروك البيع .... بعت على كام؟

المشاركة الأصلية كتبت بواسطة mohyeldin1974

الاخ احمد هشام
اولا لا شكر على واجب احنا هنا عشان نساعد بعض ، بس ليا استفسار عند حضرتك بعد مابعت العربيه كده وبالامانه ايه رايك فيها لان فى ناس كتيره عايزه تجيبها وقلقانه من الكورى

المشاركة الأصلية كتبت بواسطة mohammedaladel

ألف مبروك وعقبال ما نباركلك على العربية الجديدة السيدان

شكرا جدا يا جماعه و كل عام و كلكوا طيبين بمناسبه العيد.

الحمد لله تم البيع ب 186 و بكرر شكرى للاستاذ محيى على النصيحه الغاليه, بصراحه مكنتش متخيل انى ممكن ابيع بالسعر ده, و كترة المتصلين (الى الان بصراحه) و دى كانت مفاجئه غير متوقعه.

اما بالنسبه للنقييم فهى اكثر من رائعه و بدون انحياز السعر فعلا اكتر من مناسب ان لم يكن قليل عليها, و دة من واقع تجربتى لل x1 و الكابتيفا, على الرغم من انها مش 4x4 فلو انت كل مشيك داخل البلد فهى اختيار مناسب جدا و لكن لو هتمشى اوف رود فهى غير مناسبه اطلاقا.

الفرامل اكتر شىء عجبنى فيها و التسارع (لازم تتعود على الدواسة لانها مختلفه عن الحاجات التانيه - زى المرسيدس بالضبط)

العلو عن الارض هايل (الا انة فى حالتى مكنش مناسب خالص) و استحاله تحك فى اى مطب او بلاعه و لكنة مؤثر على الثبات بعد ال 180. لكن لحد ال 170 العربيه ثابته جدا و اداء رياضى هايل فى التجميع و المناورة (الباور الكهربا تحفه).

شكرا يا استاذ محمد, ان شاء الله ناوى على 318 لما تنزل.

باور كهرباء يا باشا و دواسة البنزين طالعة من الارض زي المرسيدس .

المشاركة الأصلية كتبت بواسطة youssef.awad

1000 مبروووووووووووك عالبيع يا استاذ احمد ..
على فكرة باور السبورتاج زيت وليس كهرباء !!!

الله يبارك فيك, من فضلك تاكد تانى لانى متاكد من الباور و دة من الاشياء اللى كنت بحبها فى العربيه.

العربيه ال 1600 سى سى بموتور gdi 140 حصان و الباور كهربا, ممكن حضرتك تكون زيت عشان عربيتك 2400 سى سى و دفع رباعى.

و تقبل تحياتى