اقتراح بتحصيل ١٠٠ جنيه من مستخدمى راديو السيارة

**mohdfouda** · 20-10-2012 11:34 PM

اقترح إبراهيم الصياد، رئيس قطاع الأخبار بوزارة الإعلام، تحصيل ضريبة من جميع أصحاب السيارات، مقابل الخدمة الإعلامية التى تقدمها الإذاعة لأصحاب السيارات.
وقال «الصياد»: «من الممكن تحصيل ١٠٠ جنيه عند تجديد رخصة السيارة فى المرور لصالح اتحاد الإذاعة والتليفزيون».

ده اكيد على اللى بيسمعوا راديو النهضة العظيمة !!!!!!! وعجبى

اقتراح بتحصيل ١٠٠ جنيه من مستخدمى «راديو السيارة»

**Dr.Mostafa Anwar** · 20-10-2012 11:41 PM

طيب واللي ما بيسمعش راديو يدفع ضريبة إيه؟؟

إنه مش مشغل الراديو؟

وبعدين هيحددوا مدة الإستهلاك إزاي؟ هيركبوا صندوق اسود في كل عربية يعرف الوقت اللي شغلت فيه الراديو

ههههههههههههه

أظن ان الخبر غير صحيح واذا كان صحيح فطبعا الراجل اللي طلع بالفكرة دي المفروض يطلع معاش ويجيبوا حد بيفهم

**Land_Cruiser** · 20-10-2012 11:45 PM

طيب لو واحد عنده راديو و بايظ مثلا او سليم بس ما بيشغلوش ذنبه ايه؟ و بعدين ما الإذاعات معروف أنها بتكسب من الاعلانات اللى بتتعمل و سط البرامج و الاغانى يبقوا عايزين ايه تانى من الناس؟ يا رب يرحمونا بقى من محاولات الاستغلال الساذجه دى بقى علشان بقت حاجه تزهق

**mohdfouda** · 21-10-2012 12:21 AM

انا حاسس انهم شويه وهيدخلوا يفتشوا البيوت لو عندك جمبرى ولا كافيار هياخدوا ضريبه عليه عشان ده بقى رفاهية دلوقتى

**besso** · 21-10-2012 01:09 AM

طب انا معنديش عربيه بس عندى راديو فى الموبايل هادفع عليه ضريبه كمان ههههههههههههههههههههههههه هه
دى حاجه جنان
بكره بقى يحددوا اسعار البرامج يعنى تتفرج على البرنامج الفلانى بكذا والنشره بكذا

طب ممكن اعمل اشتراك شهرى ههههههههههههههه

**Y a r i s** · 21-10-2012 01:27 AM

انتو عارفين. انا نفسي اشوف صاحب الاقتراح العظيم ده واجيبوا واشيلوا واقعدوا على اريل العربية ويكون اريل كهربا . لحد ما اخليه يجيب نجوم اف ام في عز الظهرررررر هههههههههه

فعلاً المشكلة مش في الوزراء الي بيتغيروا او القيادات الي بتتغير المشكلة في الموظفيين الي ملهومش لازمة. ويطلعولك من تحت الارض بافتكاسة كده تخلي الشعب يلف حولين نفسوا .... اهو دول بجد المفروض الواحد يسئصلهم من البلد كلها ( تنابلة السلطان) ... قال يفرض ضاريب على الراديوا قال طب بالمره شركة الكهربا تفرض ضرايب على نور العربية وتكييف العربية .... بجد بجد سافر بس يومين بررررره واسمع الراديوا بتاعهم. هترجع تتف على الراديوا بتعنا. .... ده كتنا نيلة هو احنا عندنا راديوا اساساً. روح اسمع راديوا روتانا. ولا راديوا mbc fm ولا راديوا ام بي سي بانورما. ولا اذاعة ابو ظبي ولا اذاعت لندن ولا راديوا سوا ولا راديوا منتوا كرالوا ولا صوت لبنان ولا اثير الشام اقول ايه ولا ايه خلينا ساكتين. احنا معندناش راديووو اساساً هما كام قناة وتالت تربعهم رغيييي والربع الي فاضل اغاني هبطة قال راديو قال بجد المفروض بعد الاقتراح العظيم ده نقولوا مقاس بيجامتك كاااام روح يابابا البس البيجامة واقعد في بيتكم اسمع راديوا هههههه .... وتحياتي

**ahmed legend** · 21-10-2012 01:46 AM

طب راديو الموبايل علية ضريبة برضة

**Land_Cruiser** · 21-10-2012 01:50 AM

و حبايبنا الحلوين بالمره يعملوا ضريبه على الهواء اللى الواحد بيشمه و مقدار الضريبه هيتحدد بعرض الصدر و حجم الرئه . الموضوع مرتبط بمعدل استهلاك الهوا يعنى مش وسيله لسرقه فلوس الناس و لا حاجه لا سمح الله و طبعا هواء. المناطق الجديده و السياحيه هيبقى شريحه اعلى لانه قليل التلوث بينما بتاع العشوائيات هيبقى أرخص علشان بيبوظ الرئه و يباركله يا معلم

**elpasha1** · 21-10-2012 01:53 AM

المشاركة الأصلية كتبت بواسطة y a r i s

انتو عارفين. انا نفسي اشوف صاحب الاقتراح العظيم ده واجيبوا واشيلوا واقعدوا على اريل العربية ويكون اريل كهربا . لحد ما اخليه يجيب نجوم اف ام في عز الظهرررررر هههههههههه

ههههههههههههههههههههههههه ههههههههههههههههههههههههه ههههههههههههههههههههههههه هههه
انت جامد جدا