تجربة سيئة جداً مع مركز Speed Service Center
تجربة سيئة جداً مع مركز Speed Service Center
للاسف
رحت عملت صيانة ال 40000 لنيو اكسنت عنده يوم الخميس
غيرت البوجيهات وفلتر البنزين انا طلبت اعملهم وانظف البوابة
صاحب المركز المهندس هانى قال انا هاعمل صيانة ال40000 كاملة بنفس السعر والمصنعية
وان ده هيشمل فحص الزيوت والمياة ورجلشة الفرامل وتربيط عفشة
ولو عملت اللى انت عايزه بس هتدفع نفس المصنعية
قلت له خلاص بس بلاش الفرامل
جرب فرامل اليد وقالى لا محتاج تتظبط
فتجادلت معاه ان الدواسة كويسة
وقالى لا ما تقلقش
المهم الصيانة اتعملت
البوابة اتنضفت وهيا راكبة برش اسبراى بصورة سريعة وتم ده بعد تغييير البوجيهات !!!!!!!!!!!!!
الحساس قاللى اتنضف معاها - انا مشفتش اى حساس اتفك ؟؟؟؟؟؟؟؟؟؟؟؟
العفشة لم تريط
المياة لم يتم الكشف عليها
وبرده الزيوت باستثناء زيت الموتور بعد ما طلبت تانى
الفرامل ودى كانت الطامة
اترجلشت الخلفى منها
العربية اتسلمت
لم يتم تجربتها
مع ان اى ميكانيكى عادى بيجرب مع صاحب العربية
وقالى محتاج تغير تيل امامى
قلت له هاجيب التيل وارجع لك
فاعتذر لانه هيقفل لظرف شخصى وعنده شغل كتير
جبت التيل وعملته بره
وثقة منى فى المركز ما طلبتش مراجعة على الرجلاش
مع انى كنت عند متخصص فرامل
وخدت العربية
فى الزحمة على الدائرى
العربية متكتفة عند التحريك من الوقوف
وقفت واوشوف الجنوط وسخونيتها
لقيت الخلفى ساخن جداً واكتر من الامامى بكتير
كلمته
الرد ان ده طبيعى علشان التحميل على الفرامل الخلفية اكتر من الامامية ؟؟؟؟؟؟
فانهيت المكالمة وطبعاً معروف ان المشى والفرامل كدة بيسبب :
تأكل تيل
تأكل طنابير
ممكن العربية تعوم وده حصل منى فى منزل على الدائرى
بعد شوية اتصل المهندس هانى وقاللى ان كدة فييه خطأ وارجع له تانى
فاعتذرت له عن انى اقدر ارجع لانى قطعت شوط كبير فى المسافة وممكن اعملها بره
فرفض وقاللى هابعت ونش ياخد العربية
فقلت له متشكر جداً بس ده نكلفه عليك مفيش داعى ليها وانا مسافر يوم الجمعة والسبت ومش هاقدر اجى المركز
فاتفقنا ان يوم الاحد هييجى الشغل عندى يظبطها
الاحد جاء
الساعة 3 اتصلت بيه لان ميعاد انصر افى قرب
فقالى ان عنده ظروف خاصة
ومش هيقدر ييجى
انا بصراحة مش قادر اتكلم عن الموقف ومش عايز اوصفه واكتفيت باللى قلته