الموضوع: هيونداي وكيا تتحديان أزمة السيارات الأوروبية وتتفوقان عليها

المشاركة الأصلية كتبت بواسطة mmbadroo

هو سعر إعادة البيع وقوة التحمل وتوفر قطع الغيار وسهولة الصيانة الكلام ده كله المفروض بيكون فى صالح العربية واعتقد من غير الدخول فى تفاصيل أكثر من كده خاصتا ان حضرتك متحامل جدا على الكورى وده واضح جدا من اسلوبك
ديما بنقول ان نجاح السيارة لايتوقف على حجم المبيعات او انتشارها - ونقول الإنتشار ده فى دول العالم الثالث أصل مبيفهموش _ أو نقول الأوربيون ليهم تقييمات ثانية وأخير اصل العربية فى أوربا بتمشى فى شوارع معرفش ملها علشان كده بتنجح عندهم - رغم الواقع عكس ذلك تماما
يا صديقى العزيز لازم يكون فى نظرة محايده ونشوف بأعيوننا ولاأحد ينكر التطور المذهل للسيارات الكورية مع أحترامنا طبعا وكل احترام للسيارات الأوربيه
وأخيرا - العربية الكورية تشتريها وتهنها وتبهدل فيها فى شوارعنا تفضل مستحملاك وشيلاك وتصينها عند أى حد وبأقل التكاليف والمفجآة لم تحب تبيع تلقيها أحترمتك وجابت السعر إللى حضرتك بتحلم بيه مش كده ولا إيه

ياباشا والله انا مش متحامل ولا حاجة بس معلش يعنى انا الصراحة مش لاقى اى مقارنة مابين الاوروبى او الالمانى بالكورى بتاتا من جميع النواحى

1- المحركات : الالمان مبدعين فى الموضوع دة و اعتقد اقوى محركات بتتطلع من الالمان واطول عمرا ومحركات كل واحد بس يتمنى يركبها

2- جسم السيارة : حضرتك ممكن تشوف الفرق بعينك ومدى قوة الجسم الخارجى للسيارة

3- التقفيل والعزل : معلش مش هقدر اتكلم عن النقطة دية عشان مش لاقى منافس ليهم لحد دلوقتى

4- الثبات : طبعا عربيات السرعة القصوى بتاعتها بتوصل ل250 واللى جواها مابيحسش بأى حاجة , بعكس الكورى اللى بيخف عند سرعة 140 ويبدأ شغل دريم بارك على 160 كم

5- الخامات : اقل عربية فى الالمانى اقوى من اى عربية كورى

6- الامان : طبعا مواصفات الامان حدث ولا حرج ( كل الاختراعات اللى انتوا شايفينها فى الكورى اصلها من اوروبا والمانيا - يعنى من الاخر العين ماتعلاش عن الحاجب , لان لو المانيا بطلت اختراعات , هتلاقى بردة كوريا بطلت اختراعات لانها ماتقدرش تنتج انظمة معندهاش الخبرة انها تعمل كدة ( المهندسين اللى بقرش مش زى المهندسين اللى بدولار ) فية فرق فى السرعات , وسنين ضوئية مابين العقليتين

دة الالمانى والاوروبى

وعلى فكرة الالمانى هنا والاوروبى مظلوم جدا, لان فى الخارج بينزل بمواتير مختلفة تماما ولكن عشان السعة اللترية والجمارك بيتعمل محركات مخصوصة للدول دية , عشان كدة وزن العربية بيكون غالبا على قوة المحرك

نفسى اعرف فين الكورى اللى بيفضل شايلك ومستحملك؟؟؟؟؟؟؟؟؟؟؟؟

انا صاحبى معاة rb لسة يدوبك اول سنة اهية شكوى من حاجات كتير

( ضعف فرامل وبسببها عمل حادثتين خفاف عشان العربية مالحقتش تقف وطبعا كل مرة ( بصدر - شبكة - فانوس - اكصدام - رفرق - كابوت ) حتى هو سايبها دلوقتى معملهاش

العربية من كام يوم جيبة يفتح الباب فتح عادى جية يقفل الباب مش عايز يتقفل قعد 15 دقيقة يقفل فى الباب مافيش وكل حاجة سليمة والباب بحالة ولا واخد خابطة ولا اى حاجة وقعد يرزع فية لحد ماتقفل

عربية خفيفة على الطريق ومش عارف يجرى بسببها

عفشة مابقيتش خالص زى الاول فى اول سنة وصوت تزييق خلفى

فية اللى جامدة دية تخيل دة بعد 10 سنين هتكون عاملة ازاى ؟؟؟؟؟؟؟؟؟؟

ونفسى اعرف فين اقل التكاليف دية معلش ياباشا انا عمرى ماشوفت قطع غيار كورى رخيصة خلاص انسى بقى , قطع غيار الكورى دلوقتى ناااااااااار

والله انا نفسى انتوا اللى تكونوا محايدين شوية

المشاركة الأصلية كتبت بواسطة ابو ليلى

امال ايه هو معيار الناجح من وجه نظركم ؟ !!! اى شركة فى
العالم طالما بتبيع تبقى ناجحة امال فاتحة ليه ...
طيب الشركات الكبيرة اللى عمالة تندمج مع بعضها تفتكرو السبب ايه غير قلة البيع
كمان الاوربيون مش بيفهمو ياريت ننسى بقى الماضى شوية ونخلينا عايشين فى الحاضر
والارقام بتقول الكورى بيقرب ...بيقرب مقلناش بيساوى ولا بيعدى

معلش يابو ليلى الشركات لما بتندمج مع بعض بيبقى قصدها تبادل الخبرات فى جزء معين هية شايفة انة مش لونها والسوق محتاج دة

يعنى مثلا بيجو وستروين تم التعاون عشان يعملوا سيارة صديقة للبيئة وتكون سيارة كهربائية بمميزات اعلى من اى شركة تانية بتنتج دة بمفردها ) لو لائما تكون شركة متخصصة فى شىء ما وفية شركة هتعمل عربية بمواصفات معينة فلازم تستعين بالشركة دية عشان تنتج افضل ماعندها

اقرب مثال ( مرسيدس slr ) مرسيدس بحالها استعانت بشركة ماكلاريين عشان تنتج معاها العربية دية

مش عشان ضعف مبيعات

الاوروبيين نفسهم مش بيفهموا ماليش فية , بس مهندسيها بيفهموا كويس اوى

الكورى بيقرب من اية ومن مين ؟؟؟؟؟؟؟؟؟؟

المشاركة الأصلية كتبت بواسطة shawkylotfy

انت غير موضوعى والكورى مش زى الصينى مفيش مقارنة ... السيارات الكورى اثبتت كفائة ما لم تثبتة بعض السيارات الاوربية

والله ياباشا انا موضوعى جدا , لية مافيش مقارنة مابين الصينى وبين الكورى

هو حضرتك ركبت fr-v crossover فى نظرى احسن بكتير من ال rb hb شكلا وموضوعا وسعرا واوبشن امان

فية الكفاءة اللى اثبتها الكورى بس غير انة بيلعب فى range الناس اللى نفسها تركب عربية موديل 2012 او زيرو وشكلها حلو وتكييف وباور وسنتر وبياعة زى ماحضرتك بتقول

غير كدة انا مش شايف الصراحة

المشاركة الأصلية كتبت بواسطة mmbadroo

هو ليه فى ناس عزفت عن ركوب الباسات والجيتا وفى ناس بتفكر ألف مرة علشان تركب اسكودا وبيخافوا من الفورد ليه ؟؟؟؟؟؟؟؟؟؟؟؟؟؟؟

دة مين دة اللى عزف عن ركوب الاسكودا ههههههههههههه

ياباشا تقريبا كل واحد دلوقتى بيكون اول اختياراتة الفانتازيا

والجيتا 2012 فى الطريق الى الانتشار وبعدين ياباشا دية عربيات معدية ال200 الف جنية

ازاى هتقارن الفئة السعرية بالكورى اللى اعلى فئة فية ب160 الف جنية ( سيدان )

وبعدين بالنسبة للفورد دية ثقافة شعب هو خايف من العربيات دية خايف ( يدفع دم قلبة ولما يجب يبيع السعر ينزل ) ودة لية عشان الاعتقاد السائد من زماااااااااااااااااااان

زى كدة لو جيت لواحد وقولتلة هشترى هوندا هيقولك هية عربية ممتازة بس ابعد عنها لية ياعم قطع غيارها ناااااااااااااااااااااااا ااااار وهتدفع دم قلبك فى التوكيل ومش اى حد بيصلحها

من ان فى الواقع اصبحت تقريبا متساوية مع سيارات كتيييييييير الناس فاكرة ان قطع غيارها رخيصة

احنا اتعودنا على حاجات بالفطرة سمعناها من زماااااااااان وكبرت معانا ولسة موجودة فى ازهانا