غيرت الفتيس وسلك الواير مركبش!
الحمد لله الفتيس الاتوماتيك بتاع نوبيرتى باظ وجبت فتيس استيراد وبعد ما ركبته وبجرب العربية لقيتها مخنوقة وبتنقل بدرى اوى على 2 ار بى ام مثلا ولما اجيب اخر الدواسة تاخد سرعتها بالراحة وواحدة واحدة والكيك داون مش شغال .. رحت للى ركبلى الفتيس قالى انه مركبش سلك الواير بتاع اللقط وقالى انه خايف يفك الفتيس ويركبه ليحصل فيه حاجة ، المهم شد السلك شوية بقت العربية تنقل على 3 ار بى ام وسحبها اتحسن بس برضه مفيش كيك داون ... وكمان بتنقل على ار بى ام ثابت مش حسب الدوسة البنزين زى ما كانت الاول
السؤال دلوقتى هل تركيب السلك ده ضرورى والا لأ؟؟ وكمان فى الاول كان الفتيس بينقل حسب الدوسة على البنزين يعنى لو دايس وحارق ينقل متأخر(بدون كيك داون) ولو ماشى سلانسيه او ثابت فى سرعتى ينقل بدرى ، لكن دلوقت بينقل على ار بى ام 3 مهما كانت الدوسة هل ده بسبب عدم توصيل سلك الكيك داون؟؟
وشكــــــــرا