الموضوع: موضوع حبيت اشاركم اياه (خارج اللوجان)

اخواتى الاعزاء اللى نفسى فعلا نعمل مقابله و نتقابل فيها و نتعرف على بعض

عاوز انبهكم لحركه سرقه ممكن تتعمل فى اى حد

بالأمس فى شارع العشرينى من شارع الملك فيصل كان معايا الولاد و زوجتى
و ألحوا عليا انى ادخل شارع العشرين لشراء بعض الأطعمه من محل هناك مشهور بأكله فرنسيه
و انا اصلا ممكن اروح اسكندريه او اسوان رايح جاى مره و لا انى ادخل حتى الشارع ده بكرهه بجد مش هزار

بس طبعا انتم عارفين قوة شخصية الستات المصريين قد ايه قويه و بنسمع الكلام فى الأخر
و ماحدش يعمللى فيها السبع رجاله فى بعض كلنا فى الهوا سوا

المهم وصلنا للمحل بأعجوبه بعد تحويدات و مناورات و لا كأنك فى سبافق الفورميلا وان

و نزلت اشترى الطلبات زى أى راجل محترم بعد ما ركنت العربيه امام المحل بالضبط

و العيال شبطوا فيا و نزلوا معايا و مراتى بقت لوحدها فى العربيه
المهم بعد دقائق لاقيت مراتى بتنده عليا بصوت عالى لدرجه انى اتخضيت على الولاد و افتكرت انى فى حد منهم جرى على الشارع و لالنتين كانوا فى ايدى
المهم الاقى مراتى بره الربيه و بتقولى ان فى واحد خلع نمر العربيه الأماميه و انها لما نزلت و هيا بتزعق بصوت عالى و بتنده عليا خد بعضه و قال يا فكيك

المسافه بينى و بين العربيه لم تتعدى ال امتار

انا نزلت و سيبت موبايلى ورا المكان بتاع الكوبايات يعن مش باين اصلا

مراتى قالتلى انها او ما شالت الموبايل بتاعى فى الشنطه بتاعتها لاقيت الراجل ده بيبص جوه العربيه و ووطى ادام العربيه و أول مالاقيت العربيه بتتهز نزلت بسرعه تشوف فى ايه و ندهت عليا و هوا خد بعضه و قال يا فكيك

رحت طبعا بعد ما دخلتهم العربيه و قفلت عليهم و ادور على الراجل مش لافيه و طبعا عمال المطعم جم ورايا و بعضهم خد باله من العربيه و الولاد بصراحه رجاله

طبعا ماعترتش فيه رحت اعاين النمر لاقيها متعوجه و مشدوده و يدوبك على سنة مسمار و احد يا عنى كانت النمر هتروح بالسلامه و حيص و بيص فى مرور فيصل و محضر و خلافه بس ربنا ستر الحمد الله و علقتها تانى بس متنيله هبقا استعدلها بعدين
المهم استنتاجى للى حصل انه اكيد كان معاه حد تانى بحيث يشغل اللى جواه العربيه بالنزول و يقوم حد تانى يا اما يسرق العربيه كلها و ده لان المفتاح كان فيها
يا اما يقلب اى حاجه على التابلوه و يعتمد ان شنطتة المدام هتبقى جوه و لما نتخانق اى حد يشدها من العربيه و السلام
لكن ستر ربنا ان مراتى نزلت بالشنطه بتاعتها فى ايديها كأن قلبها كان حاسس


انا عاوز اقول خلوا بالكم لتكون دى طريقه من طرق السرقات الللى ماشيه فى البلد اليوميين دول

ربنا يستها عليكم و علينا

و على فكرع برضه جبنا الاكل و كالناه لما روحنا

سلام عليكم

وبعديييييين كدة حتتعرض لجبروت المدام تاني وبعدين انت كدة خدت تطعيم وعرفت ان الدنيا امااااااااااااان
happy new meal
best regards