-
ستيب واى اه ولا لا ؟
السلام عليكم و رحمه الله
كنت عند الطارق فى كارفور بتفرج و لفت نظرى قوى رينو ستيب واى نبيتى العربيه شكلها من بره تحفه بصراحه و تحس انها تستاهل اكتر بكتير من سعرها ؛ بعد ما شوفت العربيه سئلت فى التوكيل و دفعت 1000 جنيه حجز بسعرها الرسمى 81500 ان شاء الله المفروض الاستلام اخر شهر 12 ده على كلامهم مع العلم ان فى ناس استلمت بعد 4 و5 اشهر سئلت عن الموضوع ده فى التوكيل قالو ان فعلا كان فى مشكله فى الاستيراد و ان شاء الله حتستلم فى ميعادك؛ المشكله بقى بعد ما حجزت العربيه رحت الطارق تانى اتفرج مره تانيه لقيت عربيه فضى بصراحه بعد ما اتفرجت على العربيه حسيت انها فقيره جدااااا و كتير عليها الفلوس دى ؛ دورت كتير على النت على موضيع الستيب واى و اللوجان بما انهم واحد ملقتش حد بيشتكى منهم فى حاجه و العربيه ماشيه كويس و خدمه ما بعد البيع كويسه
المشاكل الى حسيتها لما اتفرجت على العربيه بدقه فى تانى مره
1-درعات النور و الزراير تحس انهم بلاستيك سئ
2-جوده تقفيل الدهان بالنسبه للدواخل و اطراف الابواب و الشنطه مش قد كده
3-لما تيجى تجرب الفتيس و العربيه وقفه تسمع صوت الغيارات بشكل واضح
4-الاكصدام الامامى ضعيف يعنى العربيه لسه فى المعرض وتلاقى الفروقات بتعته مفتوحه
5-مفيش كومبيوتر رحلات
6
المميزات
1-العربيه من بره شكلها تحفه بصراحه و تشدك ليها بالاخص فى لونين هم الاحمر الداكن "النبيتى" والفرانى الفضى بصراحه مشوه العربيه و مبين اصغر عيب فيها
2-فيها اى بي اس
3-جنوط الومنيم حلوه 15
4-روك روف
5-عليه عن الارض بشكل حلو جدا
6-موتور 8 صباب منيول
المشكله بقى انى شوفت العربيه تانى النهارده بس اللون الفرانى بصراحه لون حلو جدا تحس انه اسود او بترولى او فرانى متعرفلوش بس عطى قيمه للعربيه بصراحه فبعد ما كنت حلغى الحجز بداء افكرتانى و دماغى وجعتنى
هل الاستيب واى عربيه تستاهل الفلوس الى حتدفع فيها ولا لا ولا اغير و اجيب لوجان اوتو ارخص 2000 جنيه ولا اجيب صنى الجديده ؟؟؟؟ او حاجه تانيه انا عارف ان فى فرق سعر بس انا مش حشترى عربيه زيزو كل يوم
يا ريت تساعدونى على الاختيار و تقولو لى رائيكم فى العربيه :what:
شكرا مقدما
-
انا كنت ركبت معواحد صاحبي فيها هي عربيه حلوه بس عيبها اللي انا شايفه هو التقفيل الداخلي يعني دراعات النور و المساحات المقابض الداخليه بتاعت الباب تحسهم بيزيقو لما تضغط عليهم او معمولين من بلاستيك معاد تصنيعه ... الاكصدام كويس و انا كنت عند اباظه و شوفت اللانسر وكان برضه مفارق من تحت الكشاف و عند الرفرف يعني غالبا بقت عادي .... بس في المجمل هي عربيه حلوه سريعه ماسكه نفسها بس صاحبي لسه خايف عليها فمقدرش افيدك في الاداء عالسرعات العاليه قوي و استنى رد وحوووووش الرينو هيفيدوك اكتر مني
و ربنا يوفقك في الشراء
-
نفس الخامات البلاستيك دى شوفتها فى الفلونس الى تبداء من 122 الف يعنى ثمنها مره و نص تقريبا
المشكله بقى انى كنت راكب سكودا .كرولا. جين 2 فبقارن بينهم عشان كده شايف انه الخامات مش قد كده .
طيب بالنسبه للعربيات فى فئة حتى 100 الف هل هى نفس المستوى كده ولا ايه ؟؟؟
-
ايه يا شباب فين الناس الجامدين ؟؟
-
السلام عليكم
اللوجان فئة والسانديرو ستب واى فئة تانية أنا ما شفتش الستب واى قبل كدا بصراحة
بس كمواصفات اللوجان أوتو تكسب عشان محركها الأقوى ال 16 صباب نفس محرك الميجان والشكل أذواق لكن شكل اللوجان على قده
لو أنت عايز الهاتش باك خليك فى السانديرو العادية الأوتو محركها نفس محرك لوجان أوتو
يعنى لما تقول السانديرو الأوتو مع الستب واى المانيوال وبنفس السعر تقريبا أو 2000 جنيه زيادة للسانديرو الأوتو
بتستغنى عن الشكل الأفضل والنواكل والزينة اللى فى العربية من برا وبتاخد المحرك الأقوى والأحدث وفى نفس الوقت عربية أوتوماتيك
وممكن تقارن السانديرو الستبواى مع الفيات بونتو الاتنين مانيوال مع فرق 10 آلاف لصالح البونتو
-
انا معاك ان الاوتو احسن بس فرق السعر ده مش فى الشكل بس الاستيب واى فيها اى بي اس و جنوط سبور حامل سقف
سعر الجنوط بس يعمل حوالى 5000 جنيه اعتقد ان الاستيب واى فئه قائمه بذاتها يعنى هى هاف اوبشن بس فيها حاجات مش موجود فى الفول اوبشن
فعلا شكل اللوجان مش قد كده بس ابثبت جداره شكل الاستيب واى بصراحه تحفه و تحس ان 81500 شويه عليها
فى الاخر الواحد عايز ايه من العربيه غير انه يكون مبسوط بيها و عجباه
كمان الناس الى جربت الاوتو فى اللوجان او الساندريو قالت مفيش فرق فى الاداء كمان استهلاك البنزين اعلى
ناس كانت معتقده انها حتدى نفس اداء الميجان بس للاسف الحقيقه غير كده خالص
-
الستب واى كان ناقصها المحرك ال 16 صباب مع الفتيس الأوتو والمانيوال كمان
-
للاسف استمرار لرحله البحث لقين ناس كتير بتشتكى من التوكيل و المعامله معاه اخر عربيه معاى كانت جين 2 و بعتها بسبب قرف التوكيل و مش عايز اكرر التجربه السئيه دى تانى ؛ كمان فى منتديات اجنبيه بيقولو العربيه مش حلوه
و تسمر الحيره .......... اشترى ايه ؟؟؟؟؟
-
-
انا كنت واقع في نفس المشكله بتاعة الحيرة دي .. لوجان اوتوماتيك ولا ستيب واي .. عاجبني في اللوجان الاوتو .. وعاجبني في الاستيب واي الشكل وانها عاليه والabs .. انا شبه تستقريت على الستيب واي عشان عاليه وشكلها احلى .. واستغنيت عن الاوتو .. خصوصا ان موتور الاستيب واي هو نفس موتور اللوجان المانيوال ..
بعد ده كولو كل ما امشي في زحمة اقول بلاها ستب واي وخلينا في الاوتوماتيك ... بعديها اشوف ستب واي اتجنن تاني :) ..
عموما انا لسه هبيع البونتو اللي معايا وبعد كده ربك يسهلها .. ولو اني بفكر احجز من دلوقني اهو اكسب وقت .. وعشان الباشمهندس اللي بيقارن بين البونتو والاستي واي ... مافيش وجه مقارنه يابيه بين عربية 60 حصان 1300cc .. وبين عربية 90 حصان 1600 cc .. حتى لو كانت 8 صباب .... تحياتي للجميع ... وابقى قولي هتعمل ايه عشان انا محتار لسه :)
Content Relevant URLs by
vBSEO 3.6.0 PL2