الموضوع: مكالمات التليفون الارضى 15 قرش فقط لا غير

المشاركة الأصلية كتبت بواسطة tutankhamoun

خطك لو أتفصل من السنترال .
في نفس اللحظة أصبح غير ملكك .
و هايتباع في نفس اللحظة يا فندم .

معلومة
أرقام التليفونات مش ملكية خاصة و لا أرقام المحمول و لا أرقام الأرضي .

كلها تعتبر أيجار من الحكومة للشركات مقدمة الخدمة و منها للعميل مستنفع الخدمة .

و لذلك قانونا مفيش حاجة أسمها أنك تملك الخط .... لأنك لا تملكه و لكن من يملكه هي جهة تنظيم الأتصالات في الدولة (أيا تكن الدولة ) .

طول ما أنت بتدفع أيجاره (في شكل أشتراك أو فاتورة أستهلاك ) يفضل تحت تصرفك .

أول ما توقف الأشتراك أو الأستهلاك .
ترجع حرية التصرف فيه للشركة مقدمة الخدمة و توفره لشركة آخرى .


الكلام ده عالمي مش في مصر بس .

يعنى من الاخر هتفضل الجباية اللى اسمها الاشتراك شغالة لو انت عايز تحتفظ بالخط..... الاشتراك ده حاجة فاشلة و شركات المحمول وقعتها من زمان..... لان دلوقتى انت تدفع فلوس تاخد بيها دقايق و خدمات..... غير كده يبقى جباية..... نفسى المصرية للاتصالات تطور تفكيرها شوية قبل ما عملاءها ينقرضوا لانهم فى تناقص مستمر و دلوقتى بقوا 8 ملايين بعد ما كانوا 11 مليون من كام سنة بس..... يشيلوا الاشتراك و يخلوا الدقيقة بشلن مثلا و يشجعوا الناس على الاستهلاك و يشوفوا ارباحهم هتبقى ازاى..... بس الفكر العقيم و بيروقراطية و عقم اسلوب التعامل مع الناس هيخلي الارضى يبقى حفرية من حفريات التاريخ و مش هيخليهم يعوموا شوية غير ال دى اس ال و المشغل الرابع للمحمول اللى هيموتوا عليه عشان عارفين لن ايام الارضى معدودة و فى سبيله للانقراض

المشاركة الأصلية كتبت بواسطة mahora

حد يعرف لو الواحد مدفعش فاتورة التليفون الارضى لمدة طويلة ايه اللى بيحصل؟ يعنى انا اسمع انهم بيشيلوا الخط من الكابينة و عشان ترجعه لازم غلبة و كعب داير عليهم..... غير كده هل الخط الارضى ممكن يروح على الواحد لو مر مدة طويلة بالسنين على عدم دفع فواتير متأخرة؟ لانى بفكر ابطل دفع فاتورته لانى لا استخدمه..... يا ريت لو حد يعرف معلومة مؤكدة يقول و شكرا

المشاركة الأصلية كتبت بواسطة tutankhamoun

ما هو أنت أحسبها بطريقتهم
لو هما لغوا الأشتراك مش هاينفع يرجعوه تاني !

و لو الطريقة بتاعة حضرتك ما نفعتش ...... يبقى كدا الشركة هاتخسر .

هي طبعا الأشتراك لوجود الخط لازم بس بصراحة المبلغ ممكن يقل شوية
يعني بدلا من 13 جنيه في الشهر .... يخلوها مثلا 6 جنيه في الشهر أو 20 جنيه في 3 شهور .

بس كدا كدا الناس محتاجة الخط الأرضي علشان الأنترنت ... أنا مابعملش مكالمات أرضي بقالي سنين و لكن ما أقدرش ألغيه علشان الأنترنت .

برضه طريقة عصفور فى اليد هى دى اللى هتجيبهم الارض..... عصفور الاشتراك اللى فى اليد و خانق الناس كلها منهم و محسسهم انهم بيتسرقوا قصاد عصافير الدقايق الكتير اللى على الشجر..... و لو طريقة الغاء الاشتراك كانت بتخسر او ممكن تخسر ما كانت خسرت شركات المحمول بالاولى..... نفس التفكير الضيق المحدود اللى بلا اى خيال يتعمل فى شكل عروض و خدمات..... عاملة زى ايه واحد عنده كنز فى شكل عدد كبير من المشتركين بالملايين.... بدل ما يحاول يستثمر فيهم و يزودهم و يربطهم بيه عن طريق العروض و الخدمات لأ العكس عمال يطفش فيهم و مش هاين عليه يعملهم اى حاجة تحسسهم انهم بياخدوا خدمة حقيقية تستاهل..... و النتيجة التآكل المستمر للكنز حتى نفاذه و انقراض الخط الارضى.... و حتى ال دى اس ال..... زحف الوايرلس موديم عليه هينهيه مع السرعات المتزايدة للانترنت على شبكات المحمول اللى هتوصل لاكتر من 20 ميجا و حرص شركات المحمول على جودة الخدمة فى معظم الاحوال.....

المشاركة الأصلية كتبت بواسطة shaddadfalcon1

حاجه زباله فعلا
انا الخط عندي في الشقه كان شغال بس مفيش عده يعني مش بعمل اي مكالمات نهائي والفاتوره 60 جنيه
ليه ياعالم ياحراميه ده انا مشب تكلم في الموبيل ب 60 جنيه في ال 3 شهور مع اني مش بيبطل كلام كل يوم

السلام عليكم ورحمه الله

طيب انا اشتريت شقه على الطوب الاحمر ودخلت خطوط التليفونات ونظرا لاننى لن اسكن الشقه قبل اشهر فذهبت للسنترال وطلب ايقاف الحراره فابلغونى باننى سوف استمر في دفع الاشتراك حتى لو اوقفا الحراره.
وفى موضوع اخر اتصل بالأرقام المختصره 192xx وجدت في الفاتوره ارقام محافظات فاستغربت لان الشقه مغلقه من شهور فاتصلت بالشكاوى فاخبرونى بانها المقصوده بها الارقام المختصره.
وخلى بالكم الارقام المختصره لها سعر غير المكالمه العاديه نحن الذين ندفعه